• facebook
  • whatsapp
  • telegram

Formal and Informal English

Abhiram: Hi Aparna, these mangoes are from my friend's garden. They are really tasty. I have brought them for you.

 (హాయ్. అపర్ణా! ఈ మామిడి పళ్లు మా స్నేహితుడి తోటలోవి.   చాలా రుచిగా ఉన్నాయి. నీ కోసం తెచ్చా.)

Aparna: Really! Thank you. Their smell itself is sweet. Are they for me really?

(నిజంగా! వాటి వాసనే తియ్యగా ఉంది. నిజంగా అవి నాకోసమేనా?)

Abhiram: Where is dad? I want him to enjoy them too.

(నాన్నగారు ఎక్కడ? ఆయన కూడా వాటిని తినాలని నా కోరిక.)

Aparna: How sweet, this mango is! Dad is having a bath. He will come and eat them. Don't worry.

(ఈ పండెంత తియ్యగా ఉందో! నాన్నగారు స్నానం చేస్తున్నారు. వచ్చి తింటారులే. బాధపడకు.)

Abhiram:  Here he is. Dad, something sweet for you. Here are very sweet mangoes. Have a bite.

(అదిగో వచ్చారు. నాన్నా, మీకో తియ్యటి విషయం. ఇక్కడ చాలా తియ్యని మామిడి పండ్లున్నాయి. రుచి చూడండి.)

Aparna: They are excellent. How I wish I could eat the whole lot!

(చాలా బాగున్నాయి. మొత్తం తినేయాలని కోరికగా ఉంది.)

* * * 

చూశారు కదా, Spoken English కు sample ? Spoken English అంటే మనం దైనందిన (Daily) జీవితంలో మాట్లాడే/ సంభాషించే English. ఇది రెండు రకాలుగా ఉండొచ్చు. 

i) Formal English - మనకు పరిచయం లేని వాళ్లతో, మనకంటే పెద్దవాళ్లతో, పై అధికారులతో, ప్రసంగాలు (Speeches) చేసేటప్పుడు మాట్లాడే English.

ii) Informal English - మనకు బాగా పరిచయం ఉన్న వాళ్లతో, మన ఇంట్లో వాళ్లతో, మన స్నేహితులతో మాట్లాడే English.

ఈ రెండింటికీ చాలా తేడా ఉంది. Spoken English బాగా మాట్లాడగలగడం అంటే formal and informal సందర్భాల్లో మాట్లాడగలగడం. 

  

అయితే మనం ఇప్పుడు Informal సందర్భాల్లో English ఎలా మాట్లాడాలో మొదట తెలుసుకుందాం. మన informal తెలుగు ఎలా ఉంటుంది? చాలా వ్యావహారికంగా ఉంటుంది కదా?

చాలా సరళంగా (simple), సూటిగా (direct), తక్కువ మాటలతో ఎక్కువ భావాన్ని తెలియచేయగలగడం. Informal Spoken English కూడా అంతే. చాలా simple గా, direct గా, short and clipped sentences తో సహజంగా (పుస్తకాల నుంచి నేర్చుకుని మాట్లాడుతున్నట్లు కాకుండా) ఉండాలి. 

  అప్పుడు మన Spoken English వినసొంపుగా ఉంటుంది.  

   English మాట్లాడాలంటే Grammar బాగా తెలుసుకోవాలి. అయితే Grammar తెలిసినంత మాత్రాన, English బాగా మాట్లాడటం, రాయడం సాధ్యం కాదు.

   చాలామంది Grammar తెలియకపోయినా మంచి English మాట్లాడగలరు. భాష మనం ఎంత ఎక్కువ మాట్లాడితే అంత బాగా వస్తుంది. The best way to learn a language is to speak it అంటారు. అంటే భాష నేర్చుకునేందుకు ఉత్తమమైన మార్గం దాన్ని మాట్లాడటమే. అందుకని మనం - అంటే, English బాగా మాట్లాడాలనుకునే వాళ్లం, వీలైనంతవరకూ English మాట్లాడదాం. మాట్లాడిన కొద్దీ బాగా మాట్లాడగలం.  

   మనలో చాలామంది English కొంత మాట్లాడగలిగినా మాట్లాడలేరు ఎందుకని? 

   1) మనం తప్పులు చేస్తే ఇతరులు నవ్వుతారన్న భయంతో; 

   2) English మాట్లాడితే ఇతరులు మనం ఫోజు కొడుతున్నామనుకుంటారని భయం.

ఈ రెండు మర్చిపోండి. 

 కాస్త English అర్థం చేసుకునే వాళ్ల మధ్యలో ఉంటే English మాత్రమే మాట్లాడండి. తప్పులు చేస్తామనే భయం అక్కర్లేదు. తప్పులు అందరూ చేస్తారు. తప్పులతోనైనా మాట్లాడండి. ఎవరైనా మన తప్పు చూపించి సరైందేంటో చెబితే నేర్చుకోవడంలో తప్పు లేదు కదా? అందుకని ఇప్పటినుంచే మీకు వచ్చిన Englishలో నిర్భయంగా మాట్లాడటం ప్రారంభించండి. 

Vocabulary: English ఏ సందర్భంలో మాట్లాడేందుకైనా Vocabulary తగినంత ఉండాలి. Vocabulary అంటే ఓ భాషలోని మాటలు (Words)/ పదాలు. రోజూవాడే English మాటలు ఓ 3000 ఉన్నాయి. అవి తెలుసుకోవడం చాలా అవసరం. అవి కూడా ఈ పాఠాలతో మీకు వివరిస్తాం.

Listening (వినడం): ఇతరులు మాట్లాడే English కూడా మనం అర్థం చేసుకోగలగాలి; అప్పుడే మనం ఇంకా బాగా మాట్లాడగలం. అందుకే వీలున్నప్పుడల్లా English News Telecasts(T.V.లో) వింటూ ఉండండి.Reading: మంచి English మాట్లాడాలి అంటే వీలైనంత English చదవాల్సిందే. రోజూ English Newspaper, Preferably The Hindu చదవండి, అర్థం అయినా కాకపోయినా. తర్వాత మెల్లమెల్లగా అర్థం అవడం ప్రారంభమై, అక్కడి English మాటల వాడకాలు మీరూ ప్రయోగించడం ప్రారంభిస్తారు.

  ఇవన్నీ మీరు పట్టుదలతో చేయగలిగితే English లో సునాయాసంగా మాట్లాడగలరు. English మాట్లాడటం, అంటే Spoken English చాలా సులభం. మనం త్వరలోనే మాట్లాడగలం అనే సుముఖ వైఖరి (Positive Attitude) తో ఆరంభించండి. మీకే ఆటంకం ఉండదు. రోజూ కింది మంత్రం పఠించండి. 

1. English is very easy.

(English చాలా సులభం)

2. I can speak English.

(నేను ఇంగ్లిష్ మాట్లాడగలను.)

3. I will speak English.

(ముందు ముందు నేను ఇంగ్లిష్ బాగా మాట్లాడతాను - ఇది నా నిర్ణయం)

Let me start NOW (మాట్లాడటం ఇప్పుడే ప్రారంభిస్తాను.)

ఈ మంత్రం మీరు రోజూ పఠించండి. దానికి తగిన కృషి చేయండి. మీరు త్వరలోనే చక్కగా మాట్లాడగలరు. 

* * * * * 

ఇప్పుడు ఈ lesson ప్రారంభంలో ఇచ్చిన కింది sentences ను గమనించండి.

1) These mangoes are tasty.

2) Are they for me...?

3) Where is dad?

4) How sweet this mango is!

పైవన్నీ sentences, ఎందుకంటే వాటిలో ప్రతి ఒక్కటీ పూర్తి అర్థాన్నిచ్చే మాటల కూర్పు కాబట్టి -

A sentence is a group of words with complete meaning.

చూడండి:

1. These mangoes are tasty.

(ఈ మామిడి పండ్లు రుచిగా ఉన్నాయి ) 

అర్థం పూర్తయింది కాబట్టి sentence

2. Are they for me...?

(అవి నాకా?)

ఇది కూడా sentence అర్థం పూర్తయింది కాబట్టి. 

అలాగే 3rd and 4th group of words కూడా, sentence అవుతాయి.

ఇప్పుడు జాగ్రత్తగా గమనించండి:

1st sentence, 'These mangoes' ను గురించి చెబుతోంది. అంటే 'These mangoes' మొదటి sentence కు SUBJECT. అలాగే.

2nd sentence, Are they for me?

'They'ను గురించి చెప్పడం వల్ల, They, second sentence కు subject. ఆ కారణంగానే 3rd sentence, 'dad' and the subject of the 4th sentence is 'Mango'. 

   అంటే sentence దేన్ని గురించి చెబుతుందో అది దాని SUBJECT. ఇది ఎప్పుడూ గుర్తుంచుకోవాల్సిన విషయం. ఇప్పుడిది చూడండి. Sachin plays cricket.  

  ఈ sentence కు subject Sachin, sentence Sachinను గురించి చెబుతోంది కాబట్టి. ఈ sentence లో Sachin (subject) తర్వాత ఏ మాట ముఖ్యమో చూడండి. Plays ముఖ్యం కదా? ఎందుకంటే 'Plays' లేకపోతే, sentence లేదు. (Sachin cricket - అర్థం లేదు). అంటే Sachin తర్వాత 'Plays' అనేది sentenceకు ముఖ్యం; కాబట్టి Plays ఈ sentence లో verb.

The boys are playing cricket.

ఇక్కడ verb ఏమిటో చూద్దాం. Subject: The boys. అది తీసేస్తే, sentence కు ముఖ్యమైన మాట (లు) ఏది (వి)?

Playing తీసేస్తే, The boys are cricket - అర్థం లేదు, కాబట్టి sentence కాదు. కాబట్టి 'Playing' verb అవుతుంది. 'are' తీస్తే sentence ఉంటుందా? 

They playing cricket.

వాళ్లు cricket ఆడుతూ - అర్థం పూర్తి కాలేదు, కాబట్టి sentence కాదు. 

The Boys are playing cricket లో verb: are playing. కాబట్టి

verb: sentence లో subject తర్వాత, ఏమాట/మాటలను తీసేస్తే sentence ఉండదో అది verb అవుతుంది. ఇది చాలా ముఖ్యం. 

verb లో ఒక మాట అయినా ఉండొచ్చు; ఒకటి కంటే ఎక్కువ మాటలు (second sentence లో 'are playing' లా) ఉండొచ్చు.

She is not coming to the movie.

Subject - She

Verb - is coming (not- verbలో భాగంకాదు కదా?)

అంటే verb లోని అన్ని మాటలూ ఒకేచోట ఉండాలని లేదు.

ఇప్పుడు మీరు కింది sentences లో subject, verb గుర్తించండి.

1) She knows English.

2) He is not going out today.

3) Where are you working now?

4) How well she sings!

5) Are you coming to the movie?

6) Am I not helping you?

7) What he says is not correct.

8) She has been studying here for the past three years.

9) Why were you standing there?

10) How tall the boy is! 

  Senteceలో Subject, Verbలను గుర్తించడం చాలా చాలా ముఖ్యం.

Subject, verb లను సరిగ్గా గుర్తించగలిగితే English మాట్లాడటం చాలా తేలికవుతుంది. కాబట్టి sentence ను చూడగానే, దాని subject, verb ఏవో చెప్పగలగాలి. దీనివల్ల అన్నీ మనకు సులభమవుతాయి.

తెలుగుకూ English కూ ముఖ్యమైన తేడా:

తెలుగులో మాటల వరస (Order of words in a sentence)

ఏ మాట ముందూ, ఏ మాట తర్వాత అనే విషయానికి అంత ప్రాముఖ్యం లేదు.

వాక్యంలోని మాటలను ముందూ వెనుకా చేసినా అర్థం మారదు.

          జానకి ఆ పుస్తకాన్ని కొన్నది.

          ఆ పుస్తకాన్ని జానకి కొన్నది.

          కొన్నది ఆ పుస్తకాన్ని జానకి

Sentence లోని words ఎక్కడికి మార్చినా అర్థం మారదు. అదే English లో ప్రయత్నిద్దాం.

a) Janaki bought a book. 

ఇందులో మాటల వరస మార్చండి.

b) A book bought Janaki

a) కి అర్థం 'జానకి పుస్తకాన్ని కొన్నది' అని కదా? అయితే

b) అర్థం. పుస్తకం జానకిని కొన్నది. "

   అలాగే Rama killed Ravana, Ravana killed Rama కి అర్థంలో చాలా తేడా ఉంది కదా? రెండోది, మొదటిదానికి పూర్తిగా వ్యతిరేకం. కాబట్టి మనం అర్థం చేసుకోవాల్సింది English sentenceలో మాటల క్రమం (word order) చాలా ముఖ్యం అని కదా. ముందు ఇది పరిశీలించి అర్థం చేసుకుంటే మన English correctగా ఉంటుంది.

గమనిక : ప్రతిభ.ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారులు, సంస్థల నుంచి వస్తాయి. మరి కొన్ని ప్రకటనలు పాఠకుల అభిరుచి మేరకు కృత్రిమ మేధస్సు సాంకేతికత సాయంతో ప్రదర్శితమవుతుంటాయి. ఆ ప్రకటనల్లోని ఉత్పత్తులను లేదా సేవలను పాఠకులు స్వయంగా విచారించుకొని, జాగ్రత్తగా పరిశీలించి కొనుక్కోవాలి లేదా వినియోగించుకోవాలి. వాటి నాణ్యత లేదా లోపాలతో ఈనాడు యాజమాన్యానికి ఎలాంటి సంబంధం లేదు. ఈ విషయంలో ఉత్తర ప్రత్యుత్తరాలకు, ఈ-మెయిల్స్ కి, ఇంకా ఇతర రూపాల్లో సమాచార మార్పిడికి తావు లేదు. ఫిర్యాదులు స్వీకరించడం కుదరదు. పాఠకులు గమనించి, సహకరించాలని మనవి.

 
 
 

విద్యా ఉద్యోగ సమాచారం

 
 

లేటెస్ట్ నోటిఫికేష‌న్స్‌