* 12 నుంచి పాఠశాలల పునఃప్రారంభం
ఈనాడు, అమరావతి: నూతన విద్యా సంవత్సరానికి సంబంధించి జూన్ 12 నుంచి బడులు తెరుచుకోనుండగా.. పాఠశాల విద్యాశాఖ 2023-24 అకడమిక్‌ కేలండర్‌ను జూన్ 8న విడుదల చేసింది. ఆ వివరాల ప్రకారం.. నూతన విద్యా సంవత్సరంలో పాఠశాలలు 229 రోజులు పని చేయనుండగా అన్ని రకాలు కలిపి 88 సెలవులు ఉన్నాయి. ఉన్నత పాఠశాలలు ఉదయం 9 నుంచి సాయంత్రం 5 గంటల వరకు, ప్రాథమిక పాఠశాలలు ఉదయం 9 నుంచి సాయంత్రం 4.30 గంటల వరకు ఉంటాయి. రెండు విభాగాలకు చివరి పీరియడ్‌ను క్రీడలకు ఐచ్ఛికంగా పేర్కొన్నారు. ఒంటి పూట బడులు ఉదయం 7.45 నుంచి మధ్యాహ్నం 12.30 వరకు ఉంటాయి. పర్యావరణ విద్య సబ్జెక్టును 6, 7 తరగతులకు భౌతికశాస్త్రం టీచర్‌, 8, 9, 10 తరగతులకు జీవశాస్త్రం టీచర్‌ చెప్పాలని విద్యాశాఖ సూచించింది. ఇంగ్లిష్‌ టీచర్లతో పాటు డిగ్రీ, పీజీలో ఆంగ్ల సబ్జెక్టు చదివిన వారందరూ టోఫెల్‌ బోధనలో సహాయకులుగా ఉండాలని పేర్కొంది. ప్రతి మంగళ, గురు, శనివారాల్లో టోఫెల్‌ పరీక్ష నిర్వహించాలని సూచించింది. శనివారం రెండో శనివారం అయితే శుక్రవారమే పరీక్ష నిర్వహించాల్సి ఉంటుంది. ఒకటి, రెండు తరగతులకు మొదటి, రెండు శనివారాల్లో నో బ్యాగ్‌ డేను అమలు చేయాలని కేలండర్‌లో పేర్కొన్నారు. కాగా వచ్చే విద్యా సంవత్సరానికి సంబంధించి ఈ నెల 12 నుంచి పాఠశాలలు పునః ప్రారంభం కానున్నాయి.
తెలుగులో పాఠాలు తొలగింపు..
తొమ్మిదో తరగతి తెలుగు సబ్జెక్టులో చైతన్యం, మాట మహిమ, ప్రియమైన నాన్నకు, నా చదువు పాఠాలను తొలగించారు. పదో తరగతిలో ధన్యుడు, సముద్ర లంఘనం తీసేశారు.
సెలవులు ఇలా..
* దసరా సెలవులు అక్టోబరు 14 నుంచి 24 వరకు ఇస్తారు.
* నవంబరు 12న దీపావళి
* డిసెంబరు 25న క్రిస్మస్‌
* సంక్రాంతి సెలవులు వచ్చే ఏడాది జనవరి 9 నుంచి 18 వరకు
* క్రిస్టియన్‌ మైనారిటీ విద్యా సంస్థలకు దసరా సెలవులు అక్టోబరు 21 నుంచి 24 వరకు క్రిస్మస్‌ సెలవులు డిసెంబరు 17 నుంచి 26 వరకు, సంక్రాంతి సెలవులు జనవరి 10 నుంచి 18 వరకు ఇస్తారు.
పరీక్షల తేదీలు ఇలా..
* ఫార్మెటివ్‌-1(సీబీఏ) పరీక్షలు 1-9 తరగతులకు ఆగస్టు 1-4, ఫార్మెటివ్‌-2 అక్టోబరు 3-6 వరకు ఉంటాయి.
* సమ్మెటివ్‌-1 పరీక్షలు నవంబరు 4-10, ఫార్మెటివ్‌-3(సీబీఏ) జనవరి 3-6, ఫార్మెటివ్‌-4 ఫిబ్రవరి 23-27 వరకు ఉంటాయి.
* పదోతరగతి ప్రీఫైనల్‌ పరీక్షలు ఫిబ్రవరి 23-29, సమ్మెటివ్‌-2, సీబీఏ-3 పరీక్షలు ఏప్రిల్‌ 11-20 వరకు నిర్వహిస్తారు.
మరింత సమాచారం... మీ కోసం!
‣ ఇంటర్‌ సప్లిమెంటరీ పరీక్షలకు 4.12 లక్షల మంది విద్యార్థులు
‣ 14 నుంచి పదో తరగతి సప్లిమెంటరీ పరీక్షలు
‣ డిగ్రీ, బీటెక్‌తో వాయుసేనలో ఉన్నతోద్యోగం
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
