* 1000 పోస్టులకు సీఎం ఆమోదం తెలిపారని ప్రభుత్వ ప్రకటన
* 2021లో జీఓ ఇచ్చినా.. ఇప్పటికీ వెలువడని గ్రూపు-2 నోటిఫికేషన్‌
* డిగ్రీ కళాశాలల అధ్యాపకులు, వర్సిటీల అసిస్టెంట్‌ ప్రొఫెసర్‌ పోస్టుల భర్తీ మాటేంటి?
ఈనాడు, అమరావతి: నిరుద్యోగుల జీవితాలతో వైకాపా ప్రభుత్వం ఆటలాడుకుంటోంది. క్యాలెండర్‌ విధానంలో ఉద్యోగాల భర్తీ అమలులో ఘోరంగా విఫలమైన ఆంధ్ర‌ప్ర‌దేశ్‌ రాష్ట్రప్రభుత్వం కనీసం తాను జారీచేసిన ఉత్తర్వులకు అనుగుణంగా సకాలంలో నోటిఫికేషన్లు జారీ చేయలేని దౌర్భాగ్య స్థితిలో ఉంది. ఈ నేపథ్యంలో గ్రూపు-1 కింద 100, గ్రూపు-2 కింద 900 చొప్పున పోస్టుల భర్తీకి త్వరలో నోటిఫికేషన్‌ ఇవ్వనున్నట్లు ప్రభుత్వం మే 25న ప్రకటించింది. వైకాపా ప్రభుత్వ హయాంలో ‘క్యాలెండర్‌ విధానం’ అమలు పూర్తిగా అటకెక్కినట్లయింది. ఎందుకంటే.. 2021 జూన్‌లో జారీచేసిన ప్రకారం ఇంకా పలు రకాల పోస్టుల భర్తీకి నోటిఫికేషన్ల జారీ జరుగుతుందో లేదో తెలియని పరిస్థితులు నెలకొన్నాయి. విలువైన కాలాన్ని హరించి, తీరిగ్గా.. ఎన్నికల సంవత్సరం నేపథ్యంలో ఇప్పుడు గ్రూపు-1, 2 పోస్టుల భర్తీపై ప్రకటన జారీచేసింది. 2021 పోస్టుల భర్తీలో క్యాలెండర్‌ విధానాన్ని పాటిస్తామని, నెలల వారీగా నోటిఫికేషన్లు జారీచేస్తామని పేర్కొన్నా.. ఆ మేరకు చర్యలు తీసుకోలేక రాష్ట్ర ప్రభుత్వం చతికిలబడింది. వివిధ రకాల ఉద్యోగాల భర్తీకి ఆమోదం తెలుపుతూ 2021 జూన్‌ 18, గత ఏడాది మార్చిలో ఆర్థికశాఖ జారీచేసిన ఉత్తర్వులకు అనుగుణంగా ఇప్పటికీ గ్రూపు-2 పోస్టుల భర్తీ నోటిఫికేషన్‌ను ఏపీపీఎస్సీ జారీచేయలేదు. 2018లో గ్రూపు-1, గ్రూపు-2 పోస్టుల భర్తీ కింద ప్రకటించిన పోస్టులు (35) తక్కువ సంఖ్యలో ఉన్నాయని, వాటిని పెంచాలని నిరుద్యోగులు తీవ్రస్థాయిలో ఆందోళనలు చేశారు. చివరికి గ్రూపు-1 కింద 110, గ్రూపు-2 కింద 182 పోస్టుల భర్తీకి 2022 మార్చి 31న ఆర్థిక శాఖ మరో జీఓ జారీచేసింది. దీని ప్రకారం... గ్రూపు-1 నోటిఫికేషన్‌ కింద 111 పోస్టుల భర్తీకి 30.9.22న ఏపీపీఎస్సీ నోటిఫికేషన్‌ జారీచేసింది. దీనికి అనుగుణంగా గత జనవరిలో నిర్వహించిన ప్రిలిమ్స్‌ ద్వారా ఎంపికచేసిన అభ్యర్థులకు ప్రధాన పరీక్షలను ఏపీపీఎస్సీ వచ్చే నెల మొదటి వారం నుంచి నిర్వహించనుంది.
మరింత సమాచారం... మీ కోసం!
‣ హైస్కూల్‌ ప్లస్‌ బాలికల ఇంటర్‌లో 12% ఉత్తీర్ణతే
‣ తెలంగాణ పాలీసెట్ -2023 ఫలితాలు
‣ విడుదలైన తెలంగాణ ఎంసెట్‌ ఫలితాలు
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
