• facebook
  • whatsapp
  • telegram

కొవిడ్ ఉత్తీర్ణ‌త‌ను ప‌రిగ‌ణించ‌ని కంపెనీలు  

* పంజాబ్‌లోని గురునానక్‌ దేవ్‌ విశ్వవిద్యాలయం విద్యార్థుల ఆవేదన

 

అమృత్‌సర్‌: పంజాబ్‌లోని గురునానక్‌ దేవ్‌ విశ్వవిద్యాలయం నుంచి ఇటీవల పట్టభద్రులైన దాదాపు 300 మంది విద్యార్థులు ‘కరోనా చదువుల’ విపరిణామాలను ఎదుర్కొంటున్నారు. వీరికి ఉద్యోగాలు ఇచ్చేందుకు గతంలో ముందుకు వచ్చిన పలు కంపెనీలు ఇపుడు విద్యార్థుల ప్రతిభ, సామర్థ్యాలకు తగ్గ అకడమిక్‌ రుజువుల్లేవంటూ వెనకడుగు వేస్తున్నాయి. ఈ పరిస్థితులపై జూన్‌ 13న విశ్వవిద్యాలయ అధికారులు స్వయంగా ఓ ప్రకటన చేస్తూ విద్యార్థులు విచిత్రమైన పరిస్థితులు ఎదుర్కొంటున్నారని ఆవేదన వ్యక్తం చేశారు. కరోనా పరిస్థితుల కారణంగా ఆన్‌లైన్‌ తరగతులు నిర్వహించిన అధ్యాపకులు షెడ్యూలు ప్రకారం పక్కాగా అన్ని సెమిస్టర్లను నిర్వహించలేకపోయారు. కొన్ని పరీక్షలు ఈ-మెయిళ్ల ద్వారా కూడా జరిగాయి. అంతకుముందు జరిగిన సెమిస్టర్ల సగటు మార్కుల ఆధారంగా గతేడాది విద్యార్థులను పై తరగతికి పంపారు. ఈ విధానం వల్ల కొందరు బాగా చదివే విద్యార్థులు నష్టపోయారు. మొత్తానికి అన్ని సెమిస్టర్ల మార్కుల కార్డులు అందుబాటులో లేవు. తీరా ఇప్పుడు విద్యార్థుల ఉద్యోగ నియామకాలకు వచ్చేసరికి కొన్ని కంపెనీలు అన్ని సెమిస్టర్ల మార్కుల కార్డులు చూపాలని పట్టుబడుతున్నాయి.
 

Posted Date : 14-06-2021