DOST: మరోసారి దోస్త్‌ ప్రవేశాలు
ఈనాడు, హైదరాబాద్‌: రాష్ట్రంలోని ప్రభుత్వ, ప్రైవేట్‌ డిగ్రీ కళాశాలల్లో ఖాళీ సీట్ల భర్తీకి సెప్టెంబర్ 21వ తేదీ నుంచి మరోసారి దోస్త్‌ ప్రత్యేక విడత ప్రవేశాలు జరపాలని విద్యాశాఖ నిర్ణయించింది. అంతేకాకుండా ఆయా కళాశాలలు అక్టోబరు 3, 4 తేదీల్లో స్పాట్‌ ప్రవేశాలు జరుపుకోవడానికి అవకాశం ఇచ్చింది. ఈ మేరకు ఉన్నత విద్యామండలి ఛైర్మన్‌ ఆచార్య ఆర్‌.లింబాద్రి శనివారం(సెప్టెంబర్ 16) షెడ్యూల్‌ విడుదల చేశారు. ఇప్పటికే ఆయా కళాశాలల్లో చేరిన వారు అదే కళాశాలలో మరో కోర్సులోకి మారేందుకు ఇంట్రా కాలేజీ రెండో విడతకు కూడా అనుమతి ఇచ్చారు. విద్యార్థులు సెప్టెంబర్ 19 నుంచి 20వ తేదీ వరకు వెబ్‌ ఆప్షన్లు ఇచ్చుకోవచ్చు. వారికి సెప్టెంబర్ 21న సీట్లు కేటాయిస్తారు.
ప్రత్యేక విడత కాలపట్టిక:
* రిజిస్ట్రేషన్‌(రూ.400): సెప్టెంబర్ 21 నుంచి 24 వరకు
* వెబ్‌ ఆప్షన్ల నమోదు: సెప్టెంబర్ 21 నుంచి 25 వరకు
* సీట్ల కేటాయింపు: సెప్టెంబర్ 29న
* ఆన్‌లైన్‌ సెల్ఫ్‌ రిపోర్టింగ్, కళాశాలల్లో స్వయంగా రిపోర్టింగ్: సెప్టెంబర్ 29, 30 తేదీల్లో
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
