* క్యూఎస్‌ జాబితా విడుదల
దిల్లీ: ఇంజినీరింగ్‌ విభాగానికి సంబంధించి ప్రపంచంలోని 50 అత్యుత్తమ విద్యాసంస్థల్లో దిల్లీ ఐఐటీకి చోటు దక్కింది. గతేడాదితో పోలిస్తే 7 స్థానాలు మెరుగై 48వ ర్యాంకును సాధించింది. ఈ మేరకు 2023కుగానూ సబ్జెక్టులు, విభాగాల వారీగా ఉత్తమ వర్సిటీల జాబితాను క్వాక్వరెల్లి సైమండ్స్‌(క్యూఎస్‌) సంస్థ బుధవారం విడుదల చేసింది. అందులోని వివరాల ప్రకారం.. దేశంలోని 66 ఉన్నత విద్యా సంస్థల్లోని 355 సబ్జెక్టులు తొలి 100 ర్యాంకుల జాబితాలో నిలిచాయి. గణితంలో బాంబే ఐఐటీ తొలి 100 స్థానాల్లో నిలిచింది. గతేడాదితో పోలిస్తే 25 స్థానాలు ఎగబాకి 92వ స్థానాన్ని దక్కించుకుంది. ఎలక్ట్రికల్‌, ఎలక్ట్రానిక్స్‌ ఇంజినీరింగ్‌లో కాన్పుర్‌ ఐఐటీ 87వ ర్యాంకు, కంప్యూటర్‌ సైన్స్‌ అండ్‌ ఇన్ఫర్మేషన్‌ సిస్టమ్స్‌లో 96వ ర్యాంకు సాధించింది. గణితంలో ఐఐటీ మద్రాస్‌ 50 స్థానాలు మెరుగై 98వ ర్యాంకు సాధించింది. ఈసారి క్యూఎస్‌ జాబితాలో మన దేశం నుంచి 27 సబ్జెక్టులతో దిల్లీ వర్సిటీ అగ్రస్థానంలో నిలిచింది. తదుపరి స్థానాల్లో బాంబే ఐఐటీ(25), ఖరగ్‌పుర్‌ ఐఐటీ(23) నిలిచాయి.
మరింత సమాచారం... మీ కోసం!
‣ ఇంటర్‌తో వాయుసేనలో అగ్నివీర్‌ ఉద్యోగాలు
‣ భవిష్యత్తు శాస్త్రవేత్తలకు, ప్రొఫెసర్లకు నెట్‌!
‣ కాలుష్య నియంత్రణ బోర్డులో కొలువులు
‣ అమెరికాలో అడ్వాన్స్‌డ్‌ కోర్సులు ఇవే!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
