* దరఖాస్తు ప్రక్రియ ప్రారంభం
* నవంబరు 20 నుంచి 30 వరకు పరీక్షల నిర్వహణ
ఈనాడు, హైదరాబాద్‌: ఉపాధ్యాయ నియామక పరీక్ష (టీఆర్‌టీ)లను మొత్తం 11 రోజులపాటు నిర్వహించాలని పాఠశాల విద్యాశాఖ నిర్ణయించింది. ఈ పరీక్షలను ఆన్‌లైన్‌లో నవంబరు 20 నుంచి 30వ తేదీ వరకు జరుపుతారు. ఇందులో ప్రాథమిక పాఠశాలల్లో బోధించే సెకండరీ గ్రేడ్ టీచర్ల (ఎస్‌జీటీ) పోస్టులకు ఆరు రోజులపాటు పరీక్షలు నిర్వహిస్తారు. ఇక ఉన్నత పాఠశాలల్లో (6 - 10 తరగతులు) పాఠాలు చెప్పేందుకు అవసరమైన స్కూల్ అసిస్టెంట్ల (ఎస్‌ఏ) కొలువులకు మూడు రోజులు జరుపుతారు. పీఈటీలు, భాషా పండితులకు ఒక్కో రోజు పరీక్ష ఉంటుంది. టీఆర్‌టీ దరఖాస్తు ప్రక్రియ సెప్టెంబ‌రు 20 నుంచి ప్రారంభంకాగా పాఠశాల విద్యాశాఖ సమగ్ర వివరాలను పొందుపరుస్తూ సమాచార పత్రాన్ని విడుదల చేసింది.
రోజుకు రెండు విడతలు..
తొలిసారిగా ఆన్‌లైన్‌ విధానం (కంప్యూటర్‌ బేస్డ్‌ టెస్ట్‌-సీబీటీ) కావడంతో రోజుకు రెండు విడతల చొప్పున పరీక్షలు ఉంటాయి. వీటిని ఉదయం 9 గంటల నుంచి 11.30 గంటల వరకు, మధ్యాహ్నం 2 గంటల నుంచి సాయంత్రం 4.30 గంటలకు వరకు నిర్వహిస్తారు. దరఖాస్తుల సమర్పణకు అక్టోబరు 21వ తేదీ వరకు గడువు ఉంది. 2017లో సుమారు 2.50 లక్షల మంది పరీక్షలు రాశారు. ఈ సారి ఆ సంఖ్య కొంత తగ్గవచ్చని నిపుణులు అంచనా వేస్తున్నారు. అనేక సబ్జెక్టులకు అసలు కొలువులే లేకపోవడం, మరికొన్నింటికి తక్కువగా ఉండటం ఇందుకు కారణమని భావిస్తున్నారు.
సగం జిల్లాల్లో గణితం కొలువులు లేవు
రాష్ట్రంలో 16 జిల్లాల్లో స్కూల్ అసిస్టెంట్ గణితం కొలువులు లేవు. ఏడు జిల్లాల్లో ఆంగ్లం పోస్టులు, మూడు జిల్లాల్లో భౌతికశాస్త్రం, రెండు జిల్లాల్లో సాంఘికశాస్త్రం పోస్టులు లేవు. దానివల్ల కొందరు అభ్యర్థులు తగ్గుతారు. మరికొందరు మాత్రం గణితం ఉద్యోగాలు లేకుంటే భౌతికశాస్త్రం (బీఈడీలో రెండో మెథడాలజీగా భౌతికశాస్త్రం చదివిన వారు)కు పోటీపడతామని చెబుతున్నారు.
160 ప్రశ్నలు.. 80 మార్కులు
స్కూల్ అసిస్టెంట్, ఎస్‌జీటీ, భాషా పండితులకు నిర్వహించే పరీక్షల్లో 160 ప్రశ్నలుంటాయి. ఒక్కో దానికి అర మార్కు చొప్పున 80 మార్కులకు ప్రశ్నపత్రం ఉంటుంది. వీరికి టెట్‌ మార్కులకు 20 శాతం వెయిటేజీ ఉంటుంది. అంటే మొత్తం 100 మార్కులకు పరిగణనలోకి తీసుకొని తుది ర్యాంకు కేటాయిస్తారు. ఇక పీఈటీ, పీఈడీలకు టెట్‌ అవసరం లేదు. అందువల్ల వారికి 100 మార్కులకు టీఆర్‌టీ నిర్వహిస్తారు.
స్టడీమెటీరియల్
స్కూల్ అసిస్టెంట్
సెకండరీ గ్రేడ్ టీచర్స్
సైకాలజీ (కంటెంట్)
తెలుగు పండిట్
మరింత సమాచారం... మీ కోసం!
‣నెహ్రూ గ్రామ భారతి వర్సిటీలో పీహెచ్‌డీ ప్రోగ్రామ్
‣డాక్టర్ వైఎస్సార్‌ యూహెచ్‌ఎస్‌లో బీఎస్సీ (నర్సింగ్) కోర్సు
‣ఎన్‌హెచ్‌ఐటీలో 51 వివిధ పోస్టులు
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.