ఈనాడు, హైదరాబాద్‌: విశ్వవిద్యాలయాల్లో సహాయ ఆచార్యుడి (అసిస్టెంట్‌ ప్రొఫెసర్‌) కొలువులకు పోటీపడాలంటే పీహెచ్‌డీ తప్పనిసరి. వర్సిటీల్లో బోధనా సిబ్బంది నియామకాలపై యూజీసీ 2018లో జారీచేసిన నిబంధనలు జులై ఒకటో తేదీ నుంచి దేశవ్యాప్తంగా అమల్లోకి వచ్చాయి. అంటే రాష్ట్రంలోని 11 విశ్వవిద్యాలయాల్లో 1061 బోధనా సిబ్బంది (సహాయ, సహ ఆచార్యులు, ఆచార్యులు) నియామకానికి ప్రభుత్వం కసరత్తు చేస్తున్న నేపథ్యంలో వాటికి పోటీపడాలంటే పీహెచ్‌డీ పూర్తిచేసి ఉండటం తప్పనిసరి అవుతోంది. ఈ నిబంధనతో ప్రస్తుతం రాష్ట్రవ్యాప్తంగా వివిధ వర్సిటీల్లో పనిచేస్తున్న దాదాపు 1300 మంది ఒప్పంద అధ్యాకుల్లో సుమారు 50 శాతం అసిస్టెంట్‌ ప్రొఫెసర్‌ పోస్టులకు దరఖాస్తు చేసుకోవడానికి అర్హత కోల్పోతారని అంచనా. 1061 ఖాళీలను భర్తీకి నోటిఫికేషన్‌ జారీ చేసినా.. ఉమ్మడి వడపోత పరీక్ష నిర్వహించినా 6 వేల మంది పోటీపడవచ్చని ఉన్నత విద్యామండలి వర్గాలు భావిస్తున్నాయి.
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
