• facebook
  • whatsapp
  • telegram

TS Constable Exam: కానిస్టేబుళ్ల రాత పరీక్ష 28కి వాయిదా

* 18 నుంచి హాల్‌టికెట్ల డౌన్‌లోడ్‌కు అవకాశం

 

 

ఈనాడు, హైదరాబాద్‌: తెలంగాణలో ఆగస్టు 21వ తేదీన జరగాల్సిన కానిస్టేబుళ్ల ప్రాథమిక రాత పరీక్ష ఇదే నెల 28వ తేదీకి వాయిదా పడింది. ఈ మేరకు తెలంగాణ రాష్ట్ర పోలీసు నియామక మండలి ఛైర్మన్‌ వి.వి.శ్రీనివాసరావు ఆగస్టు 8న విడుదల చేసిన ఒక ప్రకటనలో వెల్లడించారు. పోలీసుశాఖలో 15,644, రవాణాశాఖలో 63, ఆబ్కారీశాఖలో 614 మంది కానిస్టేబుళ్ల భర్తీకి సంబంధించి నియామక మండలి గత ఏప్రిల్‌ నెలలో ప్రకటన జారీ చేసిన సంగతి తెలిసిందే. ఎస్సై ఉద్యోగాలకు ఆగస్టు 7వ తేదీన పరీక్ష నిర్వహించగా కానిస్టేబుల్‌ ఉద్యోగాలకు ఇదే నెల 21వ తేదీన ప్రాథమిక రాత పరీక్ష నిర్వహించనున్నట్లు ముందు ప్రకటించారు. పరిపాలనాపరమైన సమస్యల కారణంగా ఆగస్టు 28కి వాయిదా వేశారు. ఉదయం 10 నుంచి మధ్యాహ్నం ఒంటి గంట వరకూ ఈ పరీక్ష నిర్వహించనున్నారు. దీనికి సంబంధించి హాల్‌టికెట్లను ఆగస్టు 18వ తేదీ నుంచి డౌన్‌లోడ్‌ చేసుకోవచ్చని నియామక మండలి ఛైర్మన్‌ విడుదల చేసిన ప్రకటనలో తెలిపారు. ఈ ఉద్యోగాలకు మొత్తం 9.50 లక్షల మంది దరఖాస్తు చేసుకున్నారు. పరీక్ష నిర్వహణ కోసం హైదరాబాద్‌ సహా 40 పట్టణాల్లో పరీక్ష కేంద్రాలను ఏర్పాటు చేశారు. 

 

స్టడీమెటీరియల్
 

మ్యాథమెటిక్స్
ఫిజిక్స్
కెమిస్ట్రీ
బయాలజీ
పాత ప్రశ్నప‌త్రాలు
నమూనా ప్రశ్నపత్రాలు

 

Read Latest jobs, Latest notifications and Latest govt jobs 

Follow us on Facebook, Twitter, Koo, Share chatGoogle News Subscribe our Youtube Channel.

Posted Date : 08-08-2022

గమనిక : ప్రతిభ.ఈనాడు.నెట్లో వచ్చే ప్రకటనలు అనేక దేశాల నుండి, వ్యాపారస్తులు లేదా వ్యక్తుల నుండి వివిధ పద్ధతులలో సేకరించబడతాయి. ఆయా ప్రకటనకర్తల ఉత్పత్తులు లేదా సేవల గురించి ఈనాడు యాజమాన్యానికీ, ఉద్యోగస్తులకూ ఎటువంటి అవగాహనా ఉండదు. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి తగిన విచారణ చేసి, తగిన జాగ్రత్తలు తీసుకొని కొనుగోలు చేయాలి. ఉత్పత్తులు / సేవలపై ఈనాడు యాజమాన్యానికి ఎటువంటి నియంత్రణ ఉండదు. కనుక ఉత్పత్తులు లేదా సేవల నాణ్యత లేదా లోపాల విషయంలో ఈనాడు యాజమాన్యం ఎటువంటి బాధ్యత వహించదు. ఈ విషయంలో ఎటువంటి ఉత్తర ప్రత్యుత్తరాలకీ తావు లేదు. ఫిర్యాదులు తీసుకోబడవు.