• facebook
  • whatsapp
  • telegram

Btech Seats: ఈసారి ఐఐటీల్లో 16,598 బీటెక్‌ సీట్లు

గత ఏడాది కన్నా 366 అధికం
ఐఐటీ బాంబే వెల్లడి

ఈనాడు, హైదరాబాద్‌: దేశవ్యాప్తంగా ఈసారి ఐఐటీల్లో బీటెక్‌ సీట్లు 16,598కు చేరాయి. గత ఏడాది వాటి సంఖ్య 16,232 ఉండగా.. ఈసారి 10 ఐఐటీల్లో మరో 366 సీట్లు పెరిగాయి. ఈ మేరకు ఐఐటీ బాంబే శుక్రవారం సీట్ల వివరాలు ప్రకటించింది. దేశంలో 23 ఐఐటీలు ఉండగా వాటిలోని మొత్తం సీట్లలో బాలికలకు 1567 సీట్లను సూపర్‌న్యూమరరీ కోటా కింద కేటాయిస్తారు. పోయిన సంవత్సరం ఆ సీట్లు 1534 మాత్రమే. ఈ ఏడాది ఐఐటీ హైదరాబాద్‌లో 35 సీట్లు అధికంగా అందుబాటులోకి వచ్చాయి. గత నెల 28న జేఈఈ అడ్వాన్స్‌డ్‌ పరీక్ష జరగగా 1,56,089 మంది హాజరయ్యారు. ఒక్కో సీటుకు 2.5 రెట్ల మంది పరీక్షలో అర్హత సాధించేలా కటాఫ్‌ నిర్ణయిస్తారు. అంటే దాదాపు 42వేల మందికి జోసా కౌన్సెలింగ్‌కు అవకాశం ఉంటుంది. ఈనెల 11న అడ్వాన్స్‌డ్‌ పరీక్ష ఫలితాలు రానున్నాయి. మర్నాటి నుంచి ఐఐటీలు, ఎన్‌ఐటీలు, ట్రిపుల్‌ఐటీలు, కేంద్ర ప్రభుత్వ ఆర్థిక సహకారంతో నడిచే సాంకేతిక విద్యాసంస్థల్లో ప్రవేశానికి జాయింట్‌ సీట్‌ అలకేషన్‌ అథారిటీ(జోసా) కౌన్సెలింగ్‌ ప్రారంభమవుతుంది.

 

మరింత సమాచారం ... మీ కోసం!

‣ ఆన్‌లైన్‌లో లైఫ్‌ స్కిల్స్‌ ఒలింపియాడ్‌

‣ ఎంపీసీ తర్వాత ఏం చేయవచ్చు?

‣ పొరుగుతో శాంతి నెలకొంటుందా?

‣ వసివాడుతున్న బాల్యం

‣ మొబైల్‌ యాప్‌ డెవలపర్లకు డిమాండ్‌!

‣ మెరుగైన భవితకు మేలైన నిర్ణయం!

Read Latest jobs, Latest notifications and Latest govt jobs 

Follow us on Facebook, Twitter, Koo, Share chatGoogle News Subscribe our Youtube Channel.

Posted Date : 03-09-2022

గమనిక : ప్రతిభ.ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారులు, సంస్థల నుంచి వస్తాయి. మరి కొన్ని ప్రకటనలు పాఠకుల అభిరుచి మేరకు కృత్రిమ మేధస్సు సాంకేతికత సాయంతో ప్రదర్శితమవుతుంటాయి. ఆ ప్రకటనల్లోని ఉత్పత్తులను లేదా సేవలను పాఠకులు స్వయంగా విచారించుకొని, జాగ్రత్తగా పరిశీలించి కొనుక్కోవాలి లేదా వినియోగించుకోవాలి. వాటి నాణ్యత లేదా లోపాలతో ఈనాడు యాజమాన్యానికి ఎలాంటి సంబంధం లేదు. ఈ విషయంలో ఉత్తర ప్రత్యుత్తరాలకు, ఈ-మెయిల్స్ కి, ఇంకా ఇతర రూపాల్లో సమాచార మార్పిడికి తావు లేదు. ఫిర్యాదులు స్వీకరించడం కుదరదు. పాఠకులు గమనించి, సహకరించాలని మనవి.