• facebook
  • whatsapp
  • telegram

NMC: విదేశాల్లో పీజీ చేసినా.. బోధనకు సరే

ప్రతిపాదిత నమూనాను విడుదల చేసిన ఎన్‌ఎంసీ
ఈనాడు, హైదరాబాద్‌: వైద్య కళాశాలల్లో బోధనా సిబ్బంది కొరతను అధిగమించడానికి జాతీయ వైద్య కమిషన్‌(ఎన్‌ఎంసీ) నిబంధనల్లో మార్పు చేసింది. ఇప్పటి వరకూ భారత్‌లో ఎంబీబీఎస్‌ చేసి విదేశాల్లో పీజీ వైద్యవిద్య పూర్తి చేసిన నిపుణులు వైద్య కళాశాలల్లో బోధన సిబ్బందిగా పనిచేయడానికి అవకాశాల్లేవు. అలాంటి వారు కేవలం ప్రైవేటు ఆసుపత్రుల్లో స్పెషలిస్టులుగా ప్రాక్టీసు చేస్తున్నారు. ఒకవేళ వారు బోధన చేయడానికి ఆసక్తి చూపినా ఎన్‌ఎంసీ నిబంధనలు అందుకు అంగీకరించేవి కావు. తాజాగా వాటిని మార్చుతూ ఎన్‌ఎంసీ ఒక ప్రతిపాదిత నమూనాను విడుదల చేసింది. యూకే, యూఎస్‌ఏ, కెనడా, ఆస్ట్రేలియా, న్యూజిలాండ్‌ దేశాల్లో పీజీ వైద్యవిద్య పూర్తి చేసిన స్పెషలిస్టులకు అవకాశం కల్పించింది. ఈ మేరకు మార్పులు చేస్తూ ప్రతిపాదిత నమూనాల్లో సంబంధిత అంశాలను ఎన్‌ఎంసీ పొందుపర్చింది. దీనిపై సలహాలు, సూచనలు, అభిప్రాయాలను 30 రోజుల్లోగా coordination@nmc.org.inకు పంపించాలని కోరింది.

Read Latest jobs, Latest notifications and Latest govt jobs 

Follow us on Facebook, Twitter, Koo, Share chatGoogle News Subscribe our Youtube Channel.

Posted Date : 03-11-2022

గమనిక : ప్రతిభ.ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారులు, సంస్థల నుంచి వస్తాయి. మరి కొన్ని ప్రకటనలు పాఠకుల అభిరుచి మేరకు కృత్రిమ మేధస్సు సాంకేతికత సాయంతో ప్రదర్శితమవుతుంటాయి. ఆ ప్రకటనల్లోని ఉత్పత్తులను లేదా సేవలను పాఠకులు స్వయంగా విచారించుకొని, జాగ్రత్తగా పరిశీలించి కొనుక్కోవాలి లేదా వినియోగించుకోవాలి. వాటి నాణ్యత లేదా లోపాలతో ఈనాడు యాజమాన్యానికి ఎలాంటి సంబంధం లేదు. ఈ విషయంలో ఉత్తర ప్రత్యుత్తరాలకు, ఈ-మెయిల్స్ కి, ఇంకా ఇతర రూపాల్లో సమాచార మార్పిడికి తావు లేదు. ఫిర్యాదులు స్వీకరించడం కుదరదు. పాఠకులు గమనించి, సహకరించాలని మనవి.