• facebook
  • whatsapp
  • telegram

Basara: ఆన్‌లైన్‌లో అక్షరాభ్యాసం!

అమలుకు అధికారుల కసరత్తు
ఈనాడు, హైదరాబాద్‌: బాసర సరస్వతీదేవి ఆలయంలో చిన్నారులకు చేయించే అక్షరాభ్యాసాలను ఆన్‌లైన్‌లో అందుబాటులోకి తేవాలని దేవాదాయశాఖ యోచిస్తోంది. ఇక్కడ అక్షరాభ్యాసం చేయించడానికి దేశంలోని పలు ప్రాంతాల నుంచి తల్లిదండ్రులు తమ పిల్లలను తీసుకొస్తుంటారు. ఏటా నాలుగు లక్షల మంది వరకు భక్తులు బాసర సరస్వతీ అమ్మవారిని దర్శించుకుంటుండగా.. 40 వేల మందికిపైగా అక్షరాభ్యాస పూజలు చేయించుకుంటున్నారు. ముఖ్యమైన రోజుల్లో విపరీతమైన రద్దీ నెలకొంటోంది. ఆ సదుపాయాన్ని ఆన్‌లైన్‌లో అందుబాటులోకి తెస్తే మరింత మందికి అవకాశం కలుగుతుందని అధికారులు భావిస్తున్నారు. సికింద్రాబాద్‌లోని గణపతి ఆలయంలో పూజలకు ఆన్‌లైన్‌ విధానాన్ని ఇటీవల ప్రవేశపెట్టగా.. విశేష స్పందన లభించింది. దీంతో రెండోదశలో బాసర అమ్మవారి ఆలయాన్ని ఆన్‌లైన్‌ పరిధిలోకి తెచ్చేందుకు కసరత్తు చేపట్టారు. ఆన్‌లైన్‌లో అక్షరాభ్యాస పూజ చేయించుకున్న వారికి అమ్మవారి అక్షింతలు, పలక, బలపం, ప్రసాదాన్ని పోస్టులో పంపాలని దేవాదాయశాఖ నిర్ణయించింది. విధివిధానాలపై అధికారులు మేధోమథనం చేస్తున్నారు.

Read Latest jobs, Latest notifications and Latest govt jobs 

Follow us on Facebook, Twitter, Koo, Share chatGoogle News Subscribe our Youtube Channel.

Posted Date : 21-11-2022

గమనిక : ప్రతిభ.ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారులు, సంస్థల నుంచి వస్తాయి. మరి కొన్ని ప్రకటనలు పాఠకుల అభిరుచి మేరకు కృత్రిమ మేధస్సు సాంకేతికత సాయంతో ప్రదర్శితమవుతుంటాయి. ఆ ప్రకటనల్లోని ఉత్పత్తులను లేదా సేవలను పాఠకులు స్వయంగా విచారించుకొని, జాగ్రత్తగా పరిశీలించి కొనుక్కోవాలి లేదా వినియోగించుకోవాలి. వాటి నాణ్యత లేదా లోపాలతో ఈనాడు యాజమాన్యానికి ఎలాంటి సంబంధం లేదు. ఈ విషయంలో ఉత్తర ప్రత్యుత్తరాలకు, ఈ-మెయిల్స్ కి, ఇంకా ఇతర రూపాల్లో సమాచార మార్పిడికి తావు లేదు. ఫిర్యాదులు స్వీకరించడం కుదరదు. పాఠకులు గమనించి, సహకరించాలని మనవి.