* జూన్‌ నుంచి వచ్చే ఏడాది ఫిబ్రవరి వరకు నిర్వహణ
ప్రతిభ డెస్క్‌: అగ్నిపథ్ పథకం కింద 2023-24 సంవత్సరం అగ్నివీరుల నియామకాల ర్యాలీ తేదీలను ఆర్మీ రిక్రూటింగ్ ఆఫీస్ జోన్ల వారీగా ఖరారు చేసింది. ఏప్రిల్‌లో కంప్యూటర్ ఆధారిత రాత పరీక్షలు జరగ్గా ఇటీవల ఫలితాలు వెల్లడైన విషయం తెలిసిందే. ర్యాలీలో భాగంగా రాత పరీక్షలో ఉత్తీర్ణులైన అభ్యర్థులకు శారీరక సామర్థ్య, వైద్య తదితర పరీక్షలు నిర్వహించనున్నారు. దేశవ్యాప్తంగా వివిధ తేదీల్లో జోన్ల వారీగా పలు పట్టణాల్లో జూన్‌ నుంచి వచ్చే ఏడాది ఫిబ్రవరి వరకు ర్యాలీ జరుగనుంది. ఏఆర్‌వో విశాఖపట్నం పరిధిలోని అభ్యర్థులకు జులై 20 నుంచి ఆగస్టు 2 వరకు విజయనగరంలో ర్యాలీ ఉంటుంది. ఏఆర్‌వో గుంటూరు పరిధిలోని అభ్యర్థులకు ఆగస్టు 20 నుంచి ఆగస్టు 31 వరకు పల్నాడులో ర్యాలీ నిర్వహిస్తారు. అలాగే ఏఆర్‌వో సికింద్రాబాద్‌ పరిధిలోని అభ్యర్థులకు నవంబర్‌ 20 నుంచి డిసెంబర్‌ 2 వరకు హకీంపేట్‌(మేడ్చల్‌ మల్కాజ్‌గిరి)లో ర్యాలీ జరుగనుంది. నియామకాల్లో భాగంగా అగ్నివీర్ జనరల్ డ్యూటీ, అగ్నివీర్ టెక్నికల్, అగ్నివీర్ క్లర్క్/ స్టోర్ కీపర్ టెక్నికల్, అగ్నివీర్ ట్రేడ్స్‌మ్యాన్ కేటగిరీల్లో ఖాళీలు భర్తీ కానున్నాయి. అభ్యర్థుల వడపోత అనంతరం నాలుగేళ్ల కాలానికి అగ్నివీరులను ఎంపిక చేస్తారు.
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
