చాట్‌ జీపీటీ సాయంతో పత్రాలు, ప్రాజెక్టుల సమర్పణకు చెక్‌
ఓయూలో అందుబాటులో కొత్త యాప్‌
ఈనాడు, హైదరాబాద్‌: కృత్రిమ మేధ, చాట్‌ జీపీటీ సాయంతో పరిశోధన పత్రాలు, ప్రాజెక్టులు సమర్పించే విద్యార్థులూ పారాహుషార్‌. అలా సమర్పించిన వాటిని ఎక్కడి నుంచి సంగ్రహించారో మొత్తం చిట్టా విప్పే సరికొత్త సాఫ్ట్‌వేర్‌ ఓయూలో ఉంది. ఉస్మానియా విశ్వవిద్యాలయం అధికారులు రూ.18 లక్షలతో టర్నిటిన్‌ పేరుతో సాఫ్ట్‌వేర్‌ను కొనుగోలు చేసి యాప్‌గా మార్చారు. దీనిపై విద్యార్థులు, రీసెర్చ్‌ స్కాలర్లు, ఆచార్యులకు అవగాహన కల్పించారు. ప్రపంచ వ్యాప్తంగా వర్సిటీలో జరుగుతున్న పరిశోధనలకు సంబంధించిన డేటాబేస్‌లో 90 శాతం టర్నిటిన్‌ సాఫ్ట్‌వేర్‌లో ఉంది. పరిశోధక విద్యార్థులు సమర్పించే పీహెచ్‌డీ థీసిస్‌లో నకలు శాతం ఎంతుందని తెలుసుకునేందుకు యాంటీ-ప్లేజియారిజంను ఈ సాఫ్ట్‌వేర్‌లో ఉంచారు. సుమారు 1.90 లక్షల పరిశోధనలకు సంబంధించిన సమాచారం అందుబాటులో ఉన్నందున, పరిశోధన పత్రాలు, ప్రాజెక్టుల్లోని కొత్త అంశాలను ఈ సాఫ్ట్‌వేర్‌ వేగంగా గుర్తిస్తుంది.
కొత్త సాప్ట్‌వేర్‌తో ప్రాజెక్టుల విశ్లేషణ: పి.మురళీధర్‌రెడ్డి, అసోసియేట్‌ ప్రొఫెసర్‌, ఓయూ
ఇప్పటివరకూ విద్యార్థులు సమర్పించిన ప్రాజెక్టులను ఆచార్యులు పరిశీలించి ఇతర ప్రాజెక్టులకు కొంచెం అటు ఇటుగా ఉంటే సరేననేవారు. ఇప్పుడు అలా కుదరదు. చాట్‌ జీపీటీ, కృత్రిమమేధ సాయంతో శ్రమపడకుండా ప్రాజెక్టులు సమర్పించేవారికి ఇదో హెచ్చరికలాంటింది.
మరింత సమాచారం... మీ కోసం!
‣ దూరవిద్యలో వైవిధ్య కోర్సులెన్నో!
‣ పేద విద్యార్థులకు ఉచితంగా అమెరికా విద్య!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
