ఆంధ్రప్రదేశ్‌ ఇంజినీరింగ్, అగ్రికల్చర్ అండ్‌ ఫార్మసీ కామన్ ఎంట్రన్స్ టెస్ట్-2023 (ఏపీ ఈఏపీసెట్‌) నోటిఫికేషన్‌ను రాష్ట్ర ఉన్నత విద్యామండలి విడుదల చేసింది. పరీక్షను జవహర్‌లాల్ నెహ్రూ టెక్నలాజికల్ యూనివర్సిటీ అనంతపురం (జేఎన్‌టీయూఏ) నిర్వహించనుంది. ఈ ప్రకటన ద్వారా 2023 విద్యా సంవత్సరానికి ఆంధ్రప్రదేశ్‌ రాష్ట్రంలో విశ్వవిద్యాలయాలు, ప్రైవేట్ అన్‌ఎయిడెడ్, అఫిలియేటెడ్‌ ప్రొఫెషనల్‌ కళాశాలల్లో అండర్ గ్రాడ్యుయేట్ ప్రొఫెషనల్ ఇంజినీరింగ్‌, అగ్రిక‌ల్చ‌ర్‌/ హార్టికల్చర్‌, ఫార్మసీ, వెటర్నరీ/ ఫిషరీస్‌ కోర్సుల్లో ప్రవేశాలు కల్పిస్తారు. అర్హులైన అభ్య‌ర్థులు మార్చి 11 నుంచి ఏప్రిల్‌ 15 వరకు ఆన్‌లైన్‌లో దరఖాస్తు చేసుకోవాలి. అభ్యర్థులకు మే 15 నుంచి 18 వరకు పరీక్షలు జరుగనున్నాయి.

పరీక్ష వివరాలు…

ఆంధ్రప్రదేశ్‌ ఇంజినీరింగ్, అగ్రికల్చర్ అండ్‌ ఫార్మసీ కామన్ ఎంట్రన్స్ టెస్ట్-2023 (ఏపీ ఈఏపీసెట్‌

కోర్సులు:

1. ఇంజినీరింగ్, బయో టెక్నాలజీ, బీటెక్‌ (డెయిరీ టెక్నాలజీ), బీటెక్ (అగ్రికల్చరల్ ఇంజినీరింగ్), బీటెక్ (ఫుడ్ సైన్స్ అండ్ టెక్నాలజీ)

2. బీఎస్సీ(అగ్రికల్చర్), బీఎస్సీ(హార్టికల్చర్), బీవీఎస్సీ అండ్‌ ఏహెచ్‌, బీఎఫ్‌ఎస్సీ 

3. బీఫార్మసీ, ఫార్మ్-డి.

అర్హత: కనీసం 45% మార్కుల(రిజర్వ్‌డ్ కేటగిరీ అభ్యర్థులకు 40%)తో ఇంటర్మీడియట్ (ఎంపీసీ/ బైపీసీ) లేదా ఇంటర్‌ ఒకేషనల్‌ కోర్సు ఉత్తీర్ణులై ఉండాలి. చివరి సంవత్సరం ఇంటర్‌ పరీక్షలకు హాజరైన అభ్యర్థులు దరఖాస్తు చేసుకోవచ్చు. లేదా డిప్లొమా(ఇంజినీరింగ్‌) ఉత్తీర్ణులై ఉండాలి. 

వయో పరిమితి:

ఇంజినీరింగ్, ఫార్మసీ కోర్సులు: అభ్యర్థులు 31.12.2023 నాటికి 16 ఏళ్లు నిండి ఉండాలి. గరిష్ఠ వయోపరిమితి లేదు.

ఫార్మ్-డి కోర్సు: 31.12.2023 నాటికి 17 ఏళ్లు నిండి ఉండాలి.

పరీక్ష మాధ్యమం: ఇంగ్లిష్, తెలుగు మీడియంలో ప్రశ్నలు ఉంటాయి.

రిజిస్ట్రేషన్ ఫీజు:

ఇంజినీరింగ్, అగ్రికల్చర్: రూ.600(ఎస్సీ/ ఎస్టీ అభ్యర్థులకు రూ.500; బీసీ అభ్యర్థులకు రూ.550).

ఈ&ఏ (రెండు స్ట్రీమ్‌లకు): రూ.1200(ఎస్సీ/ ఎస్టీ అభ్యర్థులకు రూ.1000; బీసీ అభ్యర్థులకు రూ.1100).

దరఖాస్తు విధానం: ఆన్‌లైన్ ద్వారా దరఖాస్తు చేయాలి.

ముఖ్యమైన తేదీలు… 

మార్చి 11- ఏప్రిల్‌ 15 వరకు: ఆలస్య రుసుము లేకుండా దరఖాస్తుల సమర్పణ

మే 4-6 వరకు: దరఖాస్తుల్లో తప్పుల సవరణకు అవకాశం

ఏప్రిల్‌ 30- మే 14 వరకు: రూ.500 నుంచి రూ.10 వేల వరకు ఆలస్య రుసుముతో దరఖాస్తుకు అవకాశం

మే 9 నుంచి: డౌన్‌లోడ్‌ చేసుకోవడానికి వెబ్‌సైట్‌లో హాల్‌టికెట్ల అందుబాటు

ప్రవేశ పరీక్షలు: మే 15-18 తేదీల్లో ఇంజినీరింగ్‌; మే 22-23 తేదీల్లో అగ్రికల్చర్‌ అండ్‌ ఫార్మసీ

ప్రాథమిక కీ వెల్లడి: మే 24.

కీ అభ్యంతరాల స్వీకరణ: మే 24-26

మరింత సమాచారం... మీ కోసం!

‣ మేనేజ‌ర్ల‌కు టూరిజం స్వాగ‌తం!

‣ స‌త్వ‌ర ఉద్యోగాలు .. సొంత ప‌రిశ్ర‌మ‌లు!

‣ సీఎంఐ కోర్సుల‌తో పెద్ద ప్యాకేజీలు!

‣ అగ్నివీరుల‌కు ఆర్మీ ఆహ్వానం!

‣ ఫార్మసీలో పీజీకి జీప్యాట్‌!

‣ మహిళలకు యూనిఫామ్‌ సర్వీసెస్‌ కోర్సులు!

‣ Read Latest jobs, Latest notifications and Latest govt jobs 

‣ Follow us on Facebook, Twitter, Koo, Share chat, Google News Subscribe our Youtube Channel.