* వేద నాగరికతను రెండు రకాలుగా విభజించారు. క్రీ.పూ.15001000 మధ్యకాలాన్ని ‘తొలివేద కాలం’ అని, క్రీ.పూ.1000600 మధ్యకాలాన్ని ‘మలివేద కాలం’ అని అంటారు.
* ఆర్యుల జన్మస్థానం, వలసల గురించి చరిత్రకారుల్లో భిన్నాభిప్రాయాలున్నాయి. బ్రిటన్కు చెందిన సర్ విలియం జోన్స్ మొదటిసారి 1786లో ఆర్యుల గురించి పరిశోధనలు చేశారు.
* ఆర్యులు మధ్య ఆసియా ప్రాంతం నుంచి భారత్కు వలస వచ్చారని అనేక మంది చరిత్రకారులు భావిస్తారు. వీరు మనదేశానికి వచ్చిన మొదటి విదేశీయులు.
* ఈ కాలంలో ప్రజలు ఆర్యభాషను ఉపయోగించారు. అందుకే దీన్ని ‘ఆర్య నాగరికతగా’ పేర్కొన్నారు. ‘ఆర్య’ అనే పదం భాషకు సంబంధించిందని, జాతికి సంబంధించింది కాదని చాలా మంది చరిత్రకారుల భావన.
* ఆర్య’ అనే పదానికి కొంత మంది జాతి, వర్ణం, భాష అని వివిధ రకాల నిర్వచనాలు ఇచ్చారు. జర్మన్ పండితుడు ‘మాక్స్ ముల్లర్’ ఆర్య అనేది ఒక వర్గం మాట్లాడే భాష అని ప్రచారం చేశాడు.
* ఇరాన్ రాజు మొదటి డేరియస్ తనను తాను ‘ఆర్యుడిగా’ , ‘ఆర్యపుత్రుడిగా’ వర్ణించుకున్నాడు. ‘ఆర్య’ అనే పదానికి అర్థం రూపం, జాతి కాదు, భాషల్లోని ఒక భాగం అని పరిశోధకుల వాదన.
* ‘ఆర్య’ అనే మాటను రుగ్వేదంలో 31 సార్లు ఉపయోగించారు.
* ఆర్యుల భాష సంస్కృతం. దీనికి భాషాశాస్త్రజ్ఞులు ‘ఇండో-ఆర్యన్’ లేదా ‘ప్రాచీన ఇండో ఆర్యన్’ అని పేరు పెట్టారు. ఈ భాషా రూపానికి చారిత్రక ఆధారాలు ఉత్తర సిరియాలో లభించాయి.
* ఆర్యులు శరీరాకృతి పరంగా పొడవైన తల, ముక్కు, పొడుగ్గా-సన్నగా ఉండే ముఖం, బాగా నునుపుదేలిన అంగసౌష్ఠవం, పొడవైన కాళ్లు కలిగి ఉండేవారని చరిత్రకారుల అభిప్రాయం.
* ఆర్యుల ప్రధాన వృత్తి ‘పశుపోషణ’. వీరు గడ్డి మైదానాల్లో నివసించేవారు. యూరప్లోని గడ్డి మైదానాలు ఎండిపోవడం వల్ల, జనాభా పెరుగుదలతో ఏర్పడ్డ ఒత్తిడి కారణంగా వీరు వలసలకు పూనుకున్నారు. ఈ క్రమంలో వారు విభిన్న ప్రాంతాల్లోని స్థానిక సమూహాలు, తెగలను తమ ఆధీనంలోకి తీసుకుని, వారితో కలిసిపోయి తమ ఆధిపత్యాన్ని చలాయించారు.
* ఈ విధంగా వలస వచ్చిన వారిలో గ్రీకులు, హీటైట్లు, కాస్మైట్లు, మిటానీలు మొదలైన వారు ఉన్నారు.
* ఇరాన్ పీఠభూమిలో స్థిరపడిన ఇండో-ఇరానియన్ సంతతి వారు వాయవ్య భారతదేశానికి దశలవారీగా వలస వచ్చారని కొంత మంది చరిత్రకారుల అభిప్రాయం.
* వీరు ఉపయోగించిన భాషకు ‘ఇండో-యూరపియన్’, ‘ఇండో-ఇరానియన్’ అని పేరు పెట్టారు.
* ఆర్యులు సప్త-సింధూ, గంగా-యమునా మైదాన మధ్య భాగంలో నివసించారు. దీన్ని ‘ఆర్యావర్తం’ అంటారు. తర్వాత తూర్పు పంజాబ్లోని సట్లెజ్-యమునా మధ్య ప్రాంతంలో (బ్రహ్మావర్తం) నివసించి వేద సాహిత్యాన్ని అభివృద్ధి చేశారు. ఆర్యులు మొదట ఇక్కడే స్థిరపడ్డారు. తర్వాత ఈశాన్య దిక్కుగా ప్రయాణించి దిల్లీకి ఉత్తరంగా ఉన్న ప్రాంతానికి వలస వెళ్లారు.
* ఈ విధంగా స్థిరపడిన ఆర్యులు భారతదేశంలో సామాజిక, ఆర్థిక, రాజకీయ, మత పరిస్థితుల్లో గణనీయమైన మార్పులు తెచ్చి, నూతన నాగరికతకు నాంది పలికారు.
1. వేదాల్లో పురాతనమైంది?
1) యజుర్వేదం 2) అధర్వణవేదం
3) రుగ్వేదం 4) సామవేదం
2. భారత్-ఐరోపా సమ్మిళిత భాషలో లభించిన మొట్టమొదటి ప్రతి ఏది?
1) రుగ్వేదం 2) సామవేదం
3) అధర్వణవేదం 4) యజుర్వేదం
3. రుగ్వేదంలో ఎన్ని మండలాలున్నాయి?
1) 12 2) 10 3) 14 4) 15
4. రుగ్వేదంలో ఎన్ని శ్లోకాలున్నాయి?
1) 1091 2) 1058 3) 1038 4) 1028
5. కింది ఏ వేదం ప్రకారం ఆర్యన్లు భారతదేశంలో సప్తసింధూ ప్రాంతంలో స్థిర నివాసాన్ని ఏర్పరచుకున్నారు?
1) సామవేదం 2) రుగ్వేదం
3) యజుర్వేదం 4) గాంధర్వవేదం
6. వేదాల్లో పేర్కొన్న మొదటి నది ఏది?
1) గంగా 2) యమునా
3) గోదావరి 4) సరస్వతి
7. వేదాలకు మరో పేరు?
1) సంహితాలు 2) సుభాషితాలు
3) ఆభరణాలు 4) హితాలు
8. వేదం అంటే?
1) జ్ఞానం 2) భక్తి
3) ఆచారాలు 4) శ్లోకాలు
9. సంగీతానికి సంబంధించిన వేదం ఏది?
1) రుగ్వేదం 2) యజుర్వేదం
3) సామవేదం 4) అధర్వణవేదం
10. శ్రుతులు అంటే?
1) వేదాలు 2) ఉపనిషత్తులు
3) పురాణాలు 4) బ్రాహ్మణాలు
11. వేదాలను ఏ భాషలో రాశారు?
1) పాళీ 2) ప్రాకృతం
3) సంస్కృతం 4) తమిళం
12. పురంధరుడు అని ఎవరిని అంటారు?
1) అగ్ని 2) వరుణుడు
3) సూర్యుడు 4) ఇంద్రుడు
13. దశరాజ గణ యుద్ధాన్ని (Battle of ten kings) ఏ వేదంలో ప్రస్తావించారు?
1) యజుర్వేదం 2) సామవేదం
3) రుగ్వేదం 4) అధర్వణవేదం
14. గోపతి అంటే?
1) మనుషులను రక్షించేవారు
2) భూమికి అధిపతి 3) గోవులకు రక్షకుడు
4) అడవుల రక్షకుడు
15. గోవులను చంపడం బ్రహ్మహత్యాపాతకం అని ఏ వేదంలో పేర్కొన్నారు?
1) అధర్వణవేదం 2) సామవేదం
3) రుగ్వేదం 4) యజుర్వేదం
16. మంత్ర తంత్రాలతో ఉన్న వేదం?
1) రుగ్వేదం 2) అధర్వణవేదం
3) సామవేదం 4) యజుర్వేదం
17. సంగ్రాహిత్రి అంటే?
1) పన్నులు వసూలు చేసేవాడు
2) విధేయత చూపేవాడు
3) శాంతి భద్రతలు కాపాడేవాడు
4) గోరక్షకుడు
18. వేదకాలంలో అయిదు రుతువులు ఉన్నాయని తెలిపే గ్రంథం ఏది?
1) రుగ్వేదం 2) యజుర్వేదం
3) సామవేదం 4) ఉపనిషత్తులు
19. యవలు అంటే?
1) బార్లీ 2) బియ్యం
3) రాగులు 4) సజ్జలు
20. రుగ్వేదంలో ఆవుల ప్రస్తావన ఎన్నిసార్లు ఉంది?
1) 186 2) 176 3) 195 4)165
21. ‘జన’ అనే పదాన్ని రుగ్వేదంలో ఎన్నిసార్లు ప్రస్తావించారు?
1) 275 2) 255 3) 265 4) 295
22. కింది అంశాలను జతపరచండి.
జాబితా - I జాబితా - II
a) ఉష i) ప్రాతఃకాల దేవత
b) పృథ్వి ii) తుపాను దేవత
c) సరస్వతి iii) నదీదేవత
d) మారుత్స్ iv) భూమాత
1) a-i, b-iv, c-iii, d-ii
2) a-ii, b-iv, c-iii, d-i
3) a-iv, b-i, c-ii, d-iii
4) a-iii, b-iv, c-ii, d-i
23. చాతుర్వర్ణ విభజన ప్రస్తావన కింది ఏ గ్రంథంలో ఉంది?
1) యజుర్వేదం 2) సామవేదం
3) ఉపనిషత్తులు 4) రుగ్వేదం
24. సోమ, సుర అనేవి వేటి పేర్లు?
1) దేవతలు 2) మత్తుపానీయాలు
3) గోవులు 4) వర్ణాలు
25. మలివేదకాలం కింది ఏ కాలానికి చెందింది?
1) Painted Grey Ware Culture
2) Black and Red Ware Culture
3) Satone Culture 4) ఏదీకాదు
26. కింది ఏ నదులను రుగ్వేదంలో ప్రస్తావించారు?
1) గోవాతి 2) సింధు
3) సతుద్రి 4) పైవన్నీ
27. కింది అంశాలను జతపరచండి.
జాబితా - I జాబితా - II
a) సామ్రాట్ i) పశ్చిమ రాజులు
b) స్వరాట్ ii) తూర్పు రాజులు
c) భోజులు iii) దక్షిణభారత రాజులు
d) రాజా iv) మధ్యప్రాంత రాజులు
1) a-ii, b-i, c-iii, d-iv
2) a-ii, b-iv, c-iii, d-i
3) a-iv, b-i, c-ii, d-iii
4) a-iii, b-iv, c-ii, d-i
సమాధానాలు
1 - 3 2 - 1 3 - 2 4 - 4 5 - 2 6 - 4 7 - 1 8 - 1 9 - 3 10 - 1 11 - 3 12 - 4 13 - 3 14 - 3 15 - 1 16 - 2 17 - 1 18 - 1 19 - 1 20 - 2 21 - 1 22 - 1 23 - 4 24 - 2 25 - 1 26 - 4 27 - 1
మరికొన్ని...
1. క్రిందివాటిలో సరైనవి ఏవి?
ఎ) రుగ్వేదంలో న్యాయపాలనా అధికారి గురించి ప్రస్తావన లేదు.
బి) ప్రజాపతి అనేవారు భూములపై అధికారం కలిగి ఉన్నారు.
సి) అగ్ని రుగ్వేదంలో రెండో స్థానంలో ఉన్నాడు.
డి) ఉత్తర భారతదేశ రాజులను ‘విరాట్’ అంటారు.
1) బి, సి, డి 2) ఎ, సి, డి
3) సి, డి 4) పైవన్నీ
2. దున్నడం గురించి కింది దేనిలో ప్రస్తావించారు?
1) ఉపనిషత్తులు 2) శతపథ బ్రాహ్మణం
3) రుగ్వేదం 4) పురాణాలు
3. ‘ఆర్య’ అనే మాటను రుగ్వేదంలో ఎన్నిసార్లు ప్రస్తావించారు?
1) 35 2) 21 3) 31 4) 41
4. ఆర్యుల జన్మస్థానం ‘టిబెట్’ అని ఎవరు అభిప్రాయపడ్డారు?
1) పి.గిల్ 2) దయానంద సరస్వతి
3) తిలక్ 4) మాక్స్ముల్లర్
5. ‘ఆర్కిటిక్ హోం ఆఫ్ ది ఆర్యన్స్’ గ్రంథ రచయిత ఎవరు?
1) ఎ.సి.దాస్ 2) గీగర్
3) బాలగంగాధర్ తిలక్ 4) పెంకా
6. ఆర్యుల జన్మభూమి ‘సప్తసింధూ’ ప్రాంతం అని తెలిపింది ఎవరు?
1) పి.గిల్స్ 2) ఎ.సి.దాస్
3) మాక్స్ముల్లర్ 4) దయానంద
సమాధానాలు: 1 - 1 2 - 2 3 - 3 4 - 2 5 - 3 6 - 2