ఎలక్ట్రాన్ విన్యాసం
* పరివర్తన మూలకాల సాధారణ ఎలక్ట్రాన్ విన్యాసం:(n − 1)d1 − 10 ns1 − 2
* వీటిలో బాహ్యస్థాయిలోని ns ఆర్బిటాల్ నిండిన తర్వాత అంతర స్థాయిలోని (n − 1) d - ఉపస్థాయి
ఎలక్ట్రాన్లతో నిండుతుంది.
* క్రోమియం (Cr) ఎలక్ట్రాన్ విన్యాసం3d44s2కు బదులుగా 3d54s1గా ఉంటుంది. అదేవిధంగా కాపర్(Cu) విన్యాసం3d94s2కు బదులుగా3d104s1గా ఉంటుంది. దీనికి కారణం 3d,4s- ఆర్బిటాళ్ల మధ్య శక్తి భేదం చాలా తక్కువగా ఉండటం వల్ల ఎలక్ట్రాన్ 3d- ఆర్బిటాల్లోకి ప్రవేశిస్తుంది. అంతేకాకుండా సగం నిండిన లేదా పూర్తిగా నిండిన ఆర్బిటాల్ వల్ల పరమాణువులకు స్థిరత్వం ఏర్పడుతుంది.
* 4d-శ్రేణిలో మాలిబ్డినం(Mo), వెండి (Ag) మూలకాలు అసాధారణ విన్యాసాన్ని ప్రదర్శిస్తాయి.
* d - బ్లాక్ మూలకాల్లో చివరి గ్రూప్ మూలకాలైన జింక్ (Zn), కాడ్మియం(Cd), పాదరసం(Hg) మూలకస్థితిలో లేదా ఇతర ఆక్సీకరణ స్థితిలో గానీ d- ఆర్బిటాల్ పూర్తిగా నిండి ఉంటుంది. అందువల్ల వీటిని పరివర్తన మూలకాలుగా పరిగణించరు.
అయస్కాంత ధర్మాలు
* పదార్థాలను అయస్కాంత క్షేత్ర ప్రభావానికి గురిచేసినప్పుడు, డయా అయస్కాంత పదార్థాలు అనువర్తిత అయస్కాంత క్షేత్రం కారణంగా వికర్షితమవుతాయి.
* పారాయస్కాంత పదార్థాలు అనువర్తిత అయస్కాంత క్షేత్రం వల్ల ఆకర్షితమవుతాయి.
* ఫెర్రో అయస్కాంత పదార్థాలు అనువర్తిత అయస్కాంత క్షేత్రం కారణంగా చాలా బలంగా ఆకర్షితమవుతాయి.
* ఒంటరి ఎలక్ట్రాన్లు కలిగిన పరమాణువులు, అణువులు లేదా అయాన్ల పదార్థాలు పారాయస్కాంత ధర్మాన్ని, ఎలక్ట్రాన్లు జతలుగా ఉన్న పదార్థాలు డయా అయస్కాంత ధర్మాన్ని కలిగి ఉంటాయి.
* పరివర్తన మూలకాలు, వాటి అయాన్లు సాధారణంగా ఒంటరి ఎలక్ట్రాన్లను కలిగి ఉండి పారాయస్కాంత ధర్మాన్ని ప్రదర్శిస్తాయి. ఒంటరి ఎలక్ట్రాన్ల సంఖ్య పెరిగేకొద్దీ పారాయస్కాంత ధర్మం ఎక్కువ అవుతుంది.
* Sc+3, Ti+4, Zn+2, Cu+ లాంటి లోహ అయాన్లలో ఎలక్ట్రాన్లు జతలుగా ఉంటాయి. ఇవి డయా అయస్కాంత ధర్మాన్ని ప్రదర్శిస్తాయి.
* ప్రతి ఒంటరి ఎలక్ట్రాన్కు అయస్కాంత భ్రామకం ఉంటుంది.
* ఎలక్ట్రాన్ల ఆర్బిటాల్ చలనం, ఆత్మ భ్రమణం వల్ల ఏర్పడే అయస్కాంత క్షేత్రబలాన్ని అయస్కాంత భ్రామకం తెలియజేస్తుంది.
రంగుల అయాన్లు ఏర్పడటం
* సాధారణంగా పరివర్తన లోహాలు ఏర్పరిచే సమ్మేళనాలు ఘనస్థితిలో లేదా ద్రావణ స్థితిలో రంగును కలిగి ఉంటాయి.
* పరివర్తన లోహ సమ్మేళనం రంగు కింది అంశాలపై ఆధారపడి ఉంటుంది.
i) పరివర్తన లోహ అయాన్లోని ఒంటరి d- ఎలక్ట్రాన్ల సంఖ్య
ii) లోహ అయాన్ చుట్టూ ఉన్న లైగాండ్ల అమరిక, స్వభావం
* పరివర్తన మూలక సమ్మేళనం రంగు, మూలక ఆక్సీకరణ స్థితిపై కూడా ఆధారపడుతుంది. ఒకే మూలకం భిన్న ఆక్సీకరణ స్థితుల్లో భిన్న రంగులను ప్రదర్శిస్తుంది.
ఉదా:
మాంగనీస్ సల్ఫేట్: పింక్ రంగు (మాంగనీస్ ఆక్సీకరణ స్థితి:+2)
పొటాషియం పర్మాంగనేట్: ఊదా రంగు (మాంగనీస్ ఆక్సీకరణ స్థితి:+7)
* లోహ పరమాణువు లేదా అయాన్ చుట్టూ ఉన్న లైగాండ్ (ఒంటరి ఎలక్ట్రాన్ జంట కలిగిన అణువులు లేదా అయాన్లు) స్వభావంపై, వాటి సంఖ్యపై పరివర్తన లోహ సమ్మేళనం రంగు ఆధారపడి ఉంటుంది.
* d - ఆర్బిటాళ్లు అసంపూర్ణంగా నిండి ఉన్న పరివర్తన మూలక అయాన్లలో మాత్రమే d - d పరివర్తనం’ జరిపి, వాటికి రంగును కలగజేస్తాయి.
* d - ఆర్బిటాళ్లు సంపూర్ణంగా నిండి ఉన్న లేదా పూర్తిగా ఖాళీగా ఉన్న పరివర్తన మూలక అయాన్లలో d - d పరివర్తనం’ జరపదు. కాబట్టి ఇలాంటి వాటికి రంగు ఉండదు.
ఉదా:Zn+2: రంగు ఉండదు. (d - ఉపస్థాయి ఎలక్ట్రాన్లతో పూర్తిగా నిండి ఉంటుంది)
Sc+3 , Ti4+: రంగు ఉండదు.
(d - ఉపస్థాయిలో ఎలక్ట్రాన్లు లేకపోవడం వల్ల)
ఆక్సీకరణ స్థితులు
* పరివర్తన మూలకాలు బహుళ ఆక్సీకరణ స్థితులను ప్రదర్శిస్తాయి.
కారణం: పరివర్తన మూలకాలు ns ఎలక్ట్రాన్లతో పాటు (n - 1)d ఎలక్ట్రాన్లను పలు సంఖ్యలో కోల్పోవడంతో విభిన్న ఆక్సీకరణ స్థితులను ప్రదర్శిస్తాయి.d - బ్లాక్ మూలకాల్లో d- ఆర్బిటాళ్లు అసంపూర్తిగా నిండటంతో బహుళ ఆక్సీకరణ స్థితులు ప్రదర్శించటానికి కారణం.
* 3d - శ్రేణిలో మాంగనీస్(Mn) +2 నుంచి +7 వరకు అన్ని ఆక్సీకరణ స్థితులను ప్రదర్శిస్తుంది.
* ఒక పరివర్తన మూలకం ప్రదర్శించే ఆక్సీకరణ స్థితుల్లో, ఇతర ఆక్సీకరణ స్థితుల్లో తేఢా ఒకటి మాత్రమే ఉంటుంది.
ఉదా: మాంగనీస్ ⇒ Mn+2 , Mn+3 , Mn+4 , Mn+5 , Mn+6, Mn+7
* శ్రేణి చివరి మూలకాలు +2 ఆక్సీకరణ స్థితిని మాత్రమే ప్రదర్శిస్తాయి.
ఉదా: జింక్ ⇒ Zn+2
* సాధారణంగా d 0 , d5 లేదా d10 ఎలక్ట్రాన్ విన్యాసం గల ఆక్సీకరణ స్థితులు స్థిరత్వాన్ని కలిగి ఉంటాయి.
ఉదా: Fe+2 ఆక్సీకరణ స్థితిలో(d6) కంటే Fe+3 ఆక్సీకరణ స్థితిలో (d5) స్థిరంగా ఉంటుంది.
Fe+2= ఫెర్రస్ Cu+ = క్యూప్రస్
Fe+3= ఫెర్రిక్ Cu+2 = క్యూప్రిక్
* ఒక మూలకం ఏర్పరిచే బహుళ ఆక్సీకరణ స్థితుల్లో అల్ప ఆక్సీకరణ స్థితులను ‘అస్’ ఆక్సీకరణ స్థితులని, అధిక ఆక్సీకరణ స్థితులను ‘యిక్’ ఆక్సీకరణ స్థితులని అంటారు.
* 3d శ్రేణి మూలకాల్లో అల్ప ఆక్సీకరణ స్థితులు,4d, 5d శ్రేణి మూలకాల్లో అధిక ఆక్సీకరణ స్థితులు అధిక స్థిరత్వాన్ని కలిగి ఉంటాయి.
* 4d,5d శ్రేణి మూలకాల్లో రుథీనియం (Ru), ఆస్మియం (Os) లు గరిష్ఠ ఆక్సీకరణ స్థితి +8 గల RuO4 , OsO4 లను ఏర్పరుస్తుంది.
భౌతిక ధర్మాలు
* సాధారణంగా అన్ని పరివర్తన మూలకాలు అధిక తాంతవత, అధిక అఘాతవర్థనీయత, అధిక ఉష్ణ, విద్యుత్ వాహకత, లోహద్యుతి లాంటి విలక్షణ లోహ ధర్మాలను ప్రదర్శిస్తాయి.
* పరివర్తన లోహాలకు (Zn, Cd, Hg మినహా) చాలా గట్టిదనం ఉండి, అధిక ద్రవీభవన, బాష్పీభవన స్థానాలు ఉంటాయి.
మాదిరి ప్రశ్నలు
1. d- బ్లాక్, f- బ్లాక్ మూలకాలను వరుసగా ఏమని పిలుస్తారు?
1) పరివర్తన, అంతర పరివర్తన మూలకాలు 2) అంతర పరివర్తన, పరివర్తన మూలకాలు
3) పరివర్తన, ప్రాతినిధ్య మూలకాలు 4) ప్రాతినిధ్య, అంతర పరివర్తన మూలకాలు
జ: 1
2. కింది ఏ పరివర్తన మూలకాలు అసాధారణ ఎలక్ట్రాన్ విన్యాసాన్ని ప్రదర్శిస్తాయి?
1) క్రోమియం 2)కాపర్ 3) వెండి 4) పైవన్నీ
జ: 4
3. కింది వాటిలో వెండి ఎలక్ట్రాన్ విన్యాసం ఏది?
1) [Ar]4s23d9 2) [Ar]4s13d10 3) [Kr]5s24d9 4)[kr]5s14d10
జ: 4
4. కింది వాటిలో అయస్కాంత భ్రామకం ప్రమాణాలు?
1) మోల్/లీటర్ 2) బోర్ మాగ్నటాన్ 3) వోల్ట్ 4) నానోమీటర్
జ: 2
5. కింది వాటిలో పరివర్తన మూలకాలు కానివి?
1) Fe, Co, Ni 2) Zn, Cd, Hg 3) Cu, Ag, Au 4) Sc, Ti, V
జ: 2
6. కింది వాటిలో సరైంది?
i) పారాయస్కాంతత్వం ఒంటరి ఎలక్ట్రాన్లు ఉండటం వల్ల ఏర్పడుతుంది.
ii) ఒంటరి ఎలక్ట్రాన్ల సంఖ్య పెరిగేకొద్దీ, అయస్కాంత భ్రామకం పెరుగుతుంది.
1) i మాత్రమే 2) ii మాత్రమే 3) i, ii 4) ఏదీకాదు
జ:3
7. కింది వాటిలో డయా అయస్కాంతత్వం ప్రదర్శించే లోహ అయాన్ ఏది?
1) Sc+3 2) Zn+2 3) 1, 2 4) Fe+2
జ: 3