1. ‘తిరుగులేనిది’ అనే అర్థంలో వాడే జాతీయం ఏది?
జ: సుగ్రీవాజ్ఞ
2. ‘సంతోషంతో ఉప్పొంగిపోవడం’ అనే ఉద్దేశాన్ని చెప్పడానికి వాడే జాతీయం ఏది?
జ: మిన్నందుకోవడం
3. దుష్టుడి చేతికి చిక్కి, బయటపడటానికి వీలులేని సందర్భంలో కింది ఏ జాతీయాన్ని వాడతారు?
జ: కబంధ హస్తాలు
4. ‘కృత్యాద్యవస్థ’ అనే జాతీయం ఏ విధంగా ఏర్పడింది?
జ: అనుభవం ఆధారంగా వచ్చింది
5. ‘కారాలు మిరియాలు నూరడం’ అనే జాతీయాన్ని ఏ సందర్భంలో వాడతారు?
జ: మిక్కిలి కోపంతో ఉన్నప్పుడు
6. ‘గుండెలు బరువెక్కడం’ అనే జాతీయానికి అర్థం?
జ: గుండెలు బాధతో నిండటం
7. ‘నిరుపయోగం’ అనే అర్థంలో ఏ జాతీయాన్ని వాడతారు?
జ: గతజల సేతు బంధనం
8. ‘కృషికి తగ్గట్లే ఫలితం’ అనే అర్థాన్ని ఇచ్చే జాతీయం ఏది?
జ: పిండి కొద్దీ రొట్టె
9. ‘మొక్కవోని పట్టుదల’ అనే అర్థాన్ని చెప్పే సందర్భంలో ఏ జాతీయాన్ని వాడతారు?
జ: అకుంఠిత దీక్ష
10. ‘పరశురామ ప్రీతి’ అనే జాతీయానికి అర్థం ఏమిటి?
జ: దహించడం
11. కిందివాటిలో శరీర అవయవాలను తెలిపే జాతీయాన్ని గుర్తించండి.
జ: కాలికి బలపం కట్టుకుని తిరగడం
12. ‘అగస్త్యభ్రాత’ అనే జాతీయానికి అర్థం ఏమిటి?
జ: పేరుతెలియని వాడు
13. పై పై డాంబికాన్ని ప్రదర్శించే సందర్భంలో వాడే జాతీయం ఏది?
జ: మేకపోతు గాంభీర్యం
14. ‘తు.చ. తప్పకపోవడం’ అనే జాతీయానికి అర్థం....
జ: ముఖ్యం కాని దాన్ని కూడా వదలక పోవడం
15. ‘అత్యంత ప్రమాదకరం’ అనే అర్థాన్నిచ్చే జాతీయం ఏది?
జ: కత్తిమీద సాము
16. ఒక దానితో మరొక దానికి ఏ సంబంధం లేకపోయినా ఏదో పరస్పర సంబంధం ఉన్నట్లు అనిపించే సందర్భంలో ఏ జాతీయాన్ని వాడతారు?
జ: కాకతాళీయం
17. ఒక వృత్తిలో నిపుణుడు అని చెప్పడానికి ఏ జాతీయాన్ని ఉపయోగిస్తారు?
జ: అందె వేసిన చేయి
18. ఒక వ్యక్తి ఒక పక్షంలో ఉండి అవతలి పక్షం వారికి సహాయం చేసే సందర్భంలో వాడే జాతీయం ఏది?
జ: శల్య సారథ్యం
19. పోట్లాడుకుంటున్నా గుట్టూ మట్టూ లేని సంసారం చేసే సందర్భంలో వాడే జాతీయం ఏది?
జ: మార్జాల దాంపత్యం
20. కిందివాటిలో అనుకరణ శబ్దాలకు సంబంధించిన జాతీయాన్ని గుర్తించండి.
జ: గుటుక్కుమను
21. పైకి మెత్తగా కనిపించే వాళ్ల గురించి చెప్పాల్సి వస్తే ఏ జాతీయాన్ని వాడతారు?
జ: గోముఖ వ్యాఘ్రం
22. ‘ఈ ఇంటి మీద కాకి ఆ ఇంటి మీద వాలదు’ అనే జాతీయం ఎలా ఏర్పడింది?
జ: అతిశయోక్తుల ఆధారంగా వచ్చింది
23. తల్లిదండ్రుల విషయానికి సంబంధించిన జాతీయం ఏది?
జ: కడుపున చిచ్చుపెట్టడం
24. ‘మాటలు చెప్పడం వల్ల పనులు కావు’ అనే సందర్భంలో ఏ జాతీయాన్ని వాడతారు?
జ: మంత్రాలకు చింతకాయలు రాలవు
