మెరుగైన మార్కులు ఎలా? 

‣ ఏపీ టెట్‌ 2022

ఆంధ్రప్రదేశ్‌ ప్రభుత్వ పాఠశాల విద్యాశాఖ ఆధ్వర్యంలో నిర్వహించనున్న ఉపాధ్యాయ అర్హత పరీక్ష (ఏపీ టెట్‌) ప్రకటన వెలువడింది. ప్రభుత్వం నిర్వహించే వివిధ యాజమాన్యాల పరిధిలో ఉన్న పాఠశాలల్లో (ప్రైవేటుతోసహా) టీచరుగా స్థిరపడాలనుకునేవారికి ఈ పరీక్షలో ఉత్తీర్ణత తప్పనిసరి. టెట్‌లో సాధించిన మార్కులతో 20 శాతం వెయిటేజిని ఉపాధ్యాయ నియామక పరీక్షలో ఇస్తారు. కాబట్టి సహజంగానే పోటీ ఎక్కువే ఉంటుంది. ఈ పరీక్ష ప్రాధాన్యం గుర్తించి అభ్యర్థులు సన్నద్ధతను కొనసాగించాలి! 

ఆన్‌లైన్‌ ద్వారా కంప్యూటర్‌ ఆధారిత టెట్‌ను ఆగస్టులో నిర్వహిస్తారు. రాష్ట్ర స్థాయిలో ఎంపిక చేసిన పట్టణాల్లో ఆగస్టు 6 నుంచి ఆగస్టు 21 వరకు రెండు షిఫ్టుల్లో ఉదయం, మధ్యాహ్నం పరీక్షను నిర్వహిస్తారు. హైదరాబాద్, బెంగళూరు, చెన్నై, ఒడిశాల్లోనూ ఈ పరీక్ష జరుగుతుంది.  

పరీక్ష స్వరూపం

ఏపీ టెట్‌లో 2 పేపర్లు ఉంటాయి. ఆబ్జెక్టివ్‌ టైప్‌ ప్రశ్నలు ఇస్తారు. 

పేపర్‌-1: 1 నుంచి 5 తరగతులకి బోధించడానికి అర్హత సాధించాలి. 

పేపర్‌ 2: 6 నుంచి 8 తరగతులకి బోధించడానికి అర్హత పొందాలి. (భాషా పండితులతోసహా).

గరిష్ఠ సమయం, మార్కులు: 150 నిమిషాలు. ప్రతి పేపరులో 150 మార్కులు. 

అర్హతలు 

పేపర్‌-1: పరీక్షకు దరఖాస్తు చేసుకోవడానికి అభ్యర్థులు ఇంటర్మీడియట్‌/ 10+2 లేదా తత్సమాన అర్హతతో కనీసం 50 శాతం మార్కులతో ఉత్తీర్ణులై ఉండాలి. రిజర్వుడ్‌ కేటగిరీ అభ్యర్థులు (ఎస్సీ/ఎస్టీ/ఓబీసీ/పీహెచ్‌) కనీసం 45 శాతం మార్కులతో ఉత్తీర్ణులై ఉండాలి. 

10+2 అర్హతతోపాటు ఎలిమెంటరీ ఎడ్యుకేషన్‌లో డిప్లొమా/ 4 సంవత్సరాల బీఈఎల్‌ఈడీ/బీఎడ్‌ స్పెషల్‌ ఎడ్యుకేషన్‌లో రెండు సంవత్సరాల డిప్లొమా ఉండాలి. 

పేపర్‌-2: అభ్యర్థులు తమ బ్యాచిలర్స్‌ డిగ్రీని (బీఏ/బీకాం/బీఎస్సీ) కనీసం 50 మార్కులతో పాసై ఉండాలి. ఎస్సీ/ఎస్టీ/ఓబీసీ/పీహెచ్‌ అభ్యర్థులు 45 శాతం మార్కులు పొంది ఉండాలి. భాషా పండిత అభ్యర్థులు కూడా 6 నుంచి 8 తరగతులు బోధించడానికి ఈ పేపరులో ఉత్తీర్ణత సాధించాలి. అలాగే బీఈడీ/ బీఈడీ (స్పెషల్‌ ఎడ్యకేషన్‌/ నాలుగు సంవత్సరాల బీఏఈడీ/బీఎస్సీఈడీ ఉత్తుర్ణులై, 50 శాతం మార్కులు సాధించాలి. రిజర్వుడ్‌ కేటగిరి అభ్యర్థులు 45 శాతం మార్కులతో ఉత్తీర్ణత పొందాలి. 

గమనిక: పేపర్‌ 1(బి), పేపర్‌-2(బి) పరీక్షలకు దరఖాస్తు చేసే అభ్యర్థులకు స్పెషల్‌ ఎడ్యుకేషన్‌లో డిప్లొమా, డిగ్రీ అర్హతలు ఉండాలి. ఆ డిగ్రీలకు ఆర్‌సీఐ గుర్తింపు అవసరం.

టెట్‌ ఉత్తీర్ణత సర్టిఫికెట్కు జీవితకాలం చెల్లుబాటు ఉంటుంది. 

దరఖాస్తు గడువు: 16.06.2022 నుంచి 16.07.2022 వరకు.

వెబ్‌సైట్‌: http:/cse.ap.gov.in

పరీక్ష రుసుము: ప్రతి పేపర్‌కు రూ.500.

సన్నద్ధత ఎలా? 

‣ ఆంధ్రప్రదేశ్‌ ప్రభుత్వ పాఠశాల విద్యాశాఖ నిర్దేశించిన ఏపీ టెట్‌ సిలబస్‌ను పూర్తిగా అభ్యసించి, అర్థం చేసుకోవాలి. 

‣ సిలబస్‌లోని ఏయే చాప్టర్ల మీద ప్రత్యేక దృష్టి కేంద్రీకరించవలసి ఉందనే విషయం అభ్యర్థి తన బలాలు, బలహీనతల ఆధారంగా పరీక్షించుకోవాలి. ఆపై సన్నద్ధతను కొనసాగించాలి. 

‣ గత పరీక్షల ప్రశ్నపత్రాలు విశ్లేషించుకుని ఎక్కువ ప్రాధాన్యం ఉన్న అధ్యాయాలు, భావనలు మొదలైనవి తెలుసుకుని, వాటిపై పట్టు సాధించాలి. 

‣ సిలబస్‌కు అనుగుణంగా ప్రామాణికమైన మెటీరియల్‌ను సేకరించుకోవడం, అవసరమైన విషయాలను అభ్యసిస్తూ సాధన చేయడం చాలా అవసరం. 

‣ కష్టతరమైన అంశాలకు, భావనలకు ఎక్కువ సమయాన్ని కేటాయించుకోవాలి. వాటిని నేర్చుకుంటూ పూర్తి పట్టు సాధించాలి. 

‣ ఏ సబ్జెక్టుకైనా తగినంత సమయం కేటాయించుకుని అధ్యయనం కొనసాగించాలి. 

‣ పొరపాట్లను, తప్పులను సరిదిద్దుకుంటూ, స్వీయ అభ్యసనం కొనసాగిస్తూ, నిర్దేశించిన సమయంలో సమాధానాలు రాసేలా సాధన చేయాలి. 

‣ కంటెంట్‌కు ఎక్కువ ప్రాధాన్యం ఇచ్చి మంచి మార్కులు పొందేవిధంగా ప్రయత్నించాలి.

‣ చైల్డ్‌ డెవలప్‌మెంట్‌ అండ్‌ పెడగాజికి తెలుగు అకాడమీ పుస్తకాలను, వీడియో పాఠాలను అనుసరించాలి. 

‣ క్లిష్టమైన భావనలను ఆకళించుకుని విశ్లేషణాత్మకంగా, తరగతి గది సమస్యలకు అన్వయిస్తూ సాధన సాగాలి.

‣ మెథడాలజీకి తెలుగు అకాడమీ సిలబస్‌ను అనుసరించాలి.  

‣ ఆంగ్ల మాధ్యమంలో చదివిన అభ్యర్థులు తెలుగు కంటెంట్‌కు, వ్యాకరణాంశాలకు ప్రాధాన్యం ఇవ్వాలి. 

‣ తెలుగు మాధ్యమంలో చదివిన గ్రామీణ ప్రాంత అభ్యర్థులు ఇంగ్లిష్‌ సబ్జెక్టుకు ప్రాధాన్యం ఇచ్చి అభ్యసించాలి. 

‣ పరీక్షలో ప్రతి మార్కూ విలువైనదే. అందుకని అన్ని సబ్జెక్టుల మీదా దృష్టి కేంద్రీకరించి సాధనచేయాలి. 

‣ నిరంతర ప్రేరణ, అభ్యసనం, సాధన, రెమిడియల్‌ లెర్నింగ్‌ (నివారణాత్మక అభ్యసనం) చేస్తూ, ఆత్మవిశ్వాసంతో సన్నద్ధమవ్వాలి.  

పరీక్ష విధానం 

పేపర్‌-1-ఎ

ఎ) చైల్డ్‌ డెవలప్‌మెంట్, పెడగాజి 30 ప్రశ్నలు - 30 మార్కులు. 

బి) భాష-1 (తెలుగు/ఉర్దూ/తమిళం మొదలైనవి) 30 ప్రశ్నలు - 30 మార్కులు. (24 మార్కులు కంటెంట్‌ + 6 మార్కులు బోధన విధానం)

సి) భాష-2 (ఆంగ్లం) - 30 ప్రశ్నలు - 30 మార్కులు (కంటెంట్‌- 24 మార్కులు + పెడగాజి 6 మార్కులు)

డి) గణితం - 30 ప్రశ్నలు- 30 మార్కులు (కంటెంట్‌-24 మార్కులు, పెడగాజి - 6 మార్కులు)

ఇ) పరిసరాల విజ్ఞానం - 30 ప్రశ్నలు- 30 మార్కులు (సైన్సు కంటెంట్‌ - 12 మార్కులు, పెడగాజి - 3 మార్కులు) (సోషల్‌ స్టడీస్‌ కంటెంట్‌ - 12 మార్కులు, పెడగాజి - 3 మార్కులు) మొత్తం: 24 మార్కులు + 6 మార్కులు పెడగాజి

పేపర్‌-1-బి

ఎ) చైల్డ్‌ డెవలప్‌మెంట్‌ అండ్‌ పెడగాజిలోని ప్రశ్నలను స్పెషల్‌ ఎడ్యుకేషన్‌ నుంచి ఇస్తారు. మిగతా అన్ని అంశాలు పేపర్‌-1-ఎలో పేర్కొన్నవాటిని అధ్యయనం చేయాలి. 

పేపర్‌-2-ఎ

1) చైల్డ్‌ డెవలప్‌మెంట్‌ అండ్‌ పెడగాజి - 30 ప్రశ్నలు, 30 మార్కులు. 

2) భాష-1 (తెలుగు/ఉర్దూ/హిందీ/కన్నడ/తమిళ/ఒరియా/సంస్కృతం - 30 ప్రశ్నలు - 30 మార్కులు

3) భాష-2 (ఆంగ్లం) - 30 ప్రశ్నలు - 30 మార్కులు 

4) ఎ) గణితం, సైన్స్‌ గణితం కంటెంట్‌ 24 మార్కులు + మెథడాలజీ 6 మార్కులు. ఫిజికల్‌ సైన్స్‌ కంటెంట్‌ 12 మార్కులు + మెథడాలజీ 3 మార్కులు. బయోసైన్స్‌ కంటెంట్‌ 12 మార్కులు + మెథడాలజీ 3 మార్కులు. మొత్తం 48 మార్కులు + 12 మార్కులు మెథడాలజీ

బి) సోషల్‌ స్టడీస్‌ (60 మార్కులు) కంటెంట్‌ 48 మార్కులు + మెథడాలజీ 12 మార్కులు.

సి) లాంగ్వేజెస్‌ (60 మార్కులు) కంటెంట్‌ 48 మార్కులు +  బోధనా పద్ధతులు 12 మార్కులు 

పేపర్‌-2 బి (స్పెషల్‌ ఎడ్యుకేషన్‌ అభ్యర్థులకు మాత్రమే).

ఎ) చైల్డ్‌ డెవలప్‌మెంట్‌ అండ్‌ పెడగాజి స్పెషల్‌ ఎడ్యుకేషన్‌లో 30 మార్కులు - 30 ప్రశ్నలు.

బి) భాష-1 (తెలుగు/ఉర్దూ/హిందీ/కన్నడ/తమిళం/ఒరియా/సంస్కృతం) 30 మార్కులు - 30 ప్రశ్నలు. 

సి) లాంగ్వేజ్‌-2 ఆంగ్లం 30 మార్కులు- 30 ప్రశ్నలు. 

డి) కేటగిరీ ఆఫ్‌ డిజేబిలిటీ స్పెషలైజేషన్‌ అండ్‌ పెడగాజి 60 మార్కులు - 60 ప్రశ్నలు. 

1) ఆటిజమ్‌ స్పెక్ట్రమ్‌ డిజార్డర్స్‌

2) హియరింగ్‌ ఇంపెయిర్‌మెంట్‌ (ఆటిజం స్పెక్ట్రమ్‌ డిజార్డర్స్‌ హియరింగ్‌ ఇంపెయిర్‌మెంట్‌

3) లెర్నింగ్‌ డిజేబిలిటీ

4) మెంటల్‌ రిటార్డేషన్‌/ ఇంటలెక్చువల్‌ డిజేబిలిటీ©

5) మల్టిపుల్‌ డిజేబిలిటీ

6) విజువల్‌ ఇంపెయిర్‌మెంట్‌ 

నోట్‌: 1 నుంచి 6 తరగతులకు కొత్త పాఠ్యపుస్తకాలనూ, 7 నుంచి 10 తరగతులకు పాత పాఠ్యపుస్తకాలను కంటెంట్‌ ప్రిపరేషన్‌ కోసం అనుసరించాలి.