1. 'పునీత్ అనే విద్యార్థికి ఎన్ని పద్ధతుల్లో బోధించినా బరువు, కాలం లాంటి అమూర్త అంశాలు నేర్చుకోలేకపోతున్నాడు. ఈ పరిస్థితిని అర్థం చేసుకోవడానికి ఉపాధ్యాయుడికి ఏ అంశానికి సంబంధించిన 'మనోవైజ్ఞానిక జ్ఞానం' అవసరం?
జ: వికాస దశలు
2. లాస్య, జైదీప్ అనే సమవయస్కులు తమ వద్ద ఉన్న నడిచే బొమ్మను విరిచి అందులో ఏముందని అన్వేషించారు. వీరిని ఏ వికాస దశకు చెందినవారుగా చెప్పవచ్చు?
జ: తొలిబాల్య దశ
3. పూర్వబాల్య దశకు సంబంధించి కింది వాక్యాల్లో సరికాని వాక్యాన్ని గుర్తించండి.
జ: జ్ఞానేంద్రియ వికాసం అధికంగా ఉంటుంది
4. మోహిత్ అనే విద్యార్థి తన స్నేహితులతో కలసి 'ముఠా'గా ఏర్పడి సాంఘిక కృత్యాల్లో పాల్గొంటుంటే ఈ విద్యార్థి ఏ దశకు చెందినవాడై ఉంటాడు?
జ: ఉత్తరబాల్య దశ
5. ఒక విద్యార్థి 'గుర్తింపు' కోసం నిరంతరం శోధిస్తూ, అధికమైన ఒత్తిడిలో ఉన్నట్త్లెతే ఈ పరిస్థితిని ఏ దశ లక్షణంగా చెప్పవచ్చు?
జ: కౌమార దశ
6. 'ఉద్వేగ కేథార్సిస్' అంటే...
జ: ఉద్వేగ ఒత్తిడిని తగ్గించుకునే తనలోని నియంత్రణాస్థితి
7. ఒక బాలుడి వికాసదశకు సంబంధించి సరికాని వాక్యమేది?
జ: ఉత్తరబాల్య దశ - సాంఘిక వికాసానికి తొలిమెట్టు
8. ఆఫ్రికా ఖండంలోని ప్రజలందరూ సాధారణంగా నల్లగా ఉంటారు. కాబట్టి వారికి జన్మించే సంతానం కూడా నల్లగా ఉండటం అనేది ఏ వికాస నియమానికి సంబంధించింది?
జ: సారూప్య సూత్రం
9. ఒక శిశువు ఏడుస్తున్న వేరొక శిశువుకు తన వద్ద ఉన్న బొమ్మను ఇవ్వడం ద్వారా ఓదార్చింది. ఓదార్చేందుకు ప్రయత్నించిన శిశువు ప్రవర్తన దేన్ని తెలుపుతుంది?
జ: సాంఘిక, ఉద్వేగ వికాసం
10. సాధారణంగా కౌమార దశలోని విద్యార్థులు భావోద్వేగాలను అదుపులో ఉంచుకోలేరు. దీన్ని ఏరకమైన ఆటంకంగా గుర్తించవచ్చు?
జ: మానసిక ఆటంకం
11. శిశువు మొదట స్త్రీలందరినీ 'అమ్మా' అని సంబోధించి, తర్వాత వయసు పెరిగే కొద్దీ ఆ పదాన్ని తన తల్లికి మాత్రమే ఉపయోగిస్తే ఏ వికాస సూత్రాన్ని అనుసరిస్తున్నట్లు భావించాలి?
జ: వికాసం సాధారణ దిశ నుంచి నిర్దిష్ట దిశగా సాగుతుంది.
12. శిశువు తనలోని ఉద్వేగ పరిస్థితులను అనుసరించి తనను తాను ప్రేమించుకునే గుణమైన 'ఉద్వేగ కేథార్సిస్'ను ప్రదర్శించే దశ?
జ: శైశవ దశ
13. పిల్లలు తరచుగా ప్రవర్తించే చలనాత్మక నైపుణ్యాల్లో ఏ రకమైన కృత్యం 'సూక్ష్మచలనాత్మక నైపుణ్యం'ను తెలియజేస్తుంది?
జ: అరచేతితో పట్టుకోవడం