వ్యాకరణం - అలంకారాలు

మాదిరి ప్ర‌శ్న‌లు

1. కావ్యాలంకార సంగ్రహ కర్త - 
జ:  రామరాజభూషణుడు 
 

2. వృత్యనుప్రాస అంటే...? 
జ:  ఒకే హల్లు అనేకసార్లు రావడం
 

3. 'కందర్ప దర్ప' అనేది
జ: ఛేకానుప్రాస
 

4. అర్థభేదం లేకుండా తాత్పర్యభేదం ఉండేది -
జ:  లాటానుప్రాస
 

5. 'లేమా, దనుజుల గెలువగలేమా... ' ఇది దేనికి ఉదాహరణ? 
జ: యమకం 
 

6. ఒక పాదం చివరి పదం పట్టుకుని మళ్లీ ప్రారంభిస్తే అది-
జ: ముక్తపదగ్రస్తం
 

7. 'ఆపటేరాచల పశ్చిమాచల హిమాచల పూర్వదిశా చలంబుగన్...'  అనేది 
జ:  అంత్యానుప్రాస
 

8. లుప్తోపమ అంటే... 
జ:  ఉపమేయ, ఉపమాన, సమాన ధర్మ ఉపమావాచకాల్లో ఒకటి లేకపోవడం
 

9. 'నరసరాజు కీర్తి పాలసముద్రం' - ఏ అలంకారం? 
జ: రూపకం
 

10. ఆ రాజు కువలయానందకరుడు - ఇది ఏ అలంకారం? 
జ: శ్లేషాలంకారం
 

11. గోరంతలు కొండంతలుగా చెప్పడం - 
జ: అతిశయోక్తి 
 

12. దృష్టాంతాలంకారంలో 
జ:  బింబప్రతిబంబం ఉంటుంది
 

13. 'ఓ గంగా! పాపాత్ములను కూడా స్వర్గానికి చేర్చు నీకు వివేకం ఎక్కడిది?' - ఏ అలంకారం? 
జ:  వ్యాజస్తుతి
 

14. ఉపమాన ధర్మాన్ని ఉపమేయంలో ఆరోపిస్తే అది - 
జ:  రూపకం
 

15. 'ఈ మదించిన తుమ్మెద ఆమె ముఖాన్ని పద్మం అనుకుంటోంది' - అనేది
జ: భ్రాంతిమదలంకారం