పెరుగుదల - వికాసం - పరిపక్వత

మాదిరి ప్ర‌శ్న‌లు

1. ఒకే తరగతి గదిలోని పిల్లల్లో బుద్ధిహీనులు, సగటు ప్రజ్ఞ, ఉన్నత ప్రజ్ఞ ఉన్నవారందరూ ఉంటారు. ఇది ఏ వికాస సూత్రానికి సంబంధించింది?
జ: వికాసం వైయక్తిక భేదాలను చూపిస్తుంది.

2. 'శిరోపాదాభిముఖ వికాస సూత్రం' కిందివాటిలో దేన్ని తెలియజేస్తుంది?
1) వికాసం తల నుంచి ప్రారంభమై కింది శరీర భాగాలకు విస్తరిస్తుంది.
2) శిరస్సు, మిగిలిన శరీర భాగాలు విడదీయరానివి.
3) వికాసం దేహ మధ్యస్థ భాగంతో ప్రారంభమై, వెలుపల దూరంగా ఉన్న భాగాలకు విస్తరిస్తుంది.
4) శిరస్సు వికాసం సరిగా ఉంటే, మిగిలిన భాగాల అభివృద్ధి బాగా ఉంటుంది.
జ: 1(వికాసం తల నుంచి ప్రారంభమై కింది శరీర భాగాలకు విస్తరిస్తుంది.)
 

3. కింద పేర్కొన్న వికాస నియమాల్లో ఏది వికాసానికి సంబంధించింది కాదు?
1) వికాసం నిరంతరం జరిగే అవిచ్ఛిన్న భావన.
2) వికాసం ఒక క్రమానుగతంగా జరుగుతుంది.
3) వికాసం సంచితమైన ప్రక్రియ.
4) వికాసం అన్ని దశల్లోనూ, అందరిలోనూ ఒకే వేగంతో జరుగుతుంది.
జ: 4(వికాసం అన్ని దశల్లోనూ, అందరిలోనూ ఒకే వేగంతో జరుగుతుంది.)

4. కిందివాటిలో పెరుగుదలకు సంబంధించి సరికాని వాక్యమేది?
1) పెరుగుదలను కచ్చితంగా కొలవగలం.
2) పెరుగుదల మూర్తమైన ప్రక్రియ.
3) వికాసం కంటే పెరుగుదల విస్తృతమైన భావన.
4) పెరుగుదల భౌతికమైన మార్పు.
జ: 3(వికాసం కంటే పెరుగుదల విస్తృతమైన భావన.)
 

5. కిందివాటిలో అభివృద్ధి సూత్రాలకు సంబంధించి సరికానిది ఏది?
1) నిరంతర ప్రక్రియగా కొనసాగుతుంది.
2) దీన్ని గతిశీల ప్రక్రియగా చెప్పవచ్చు.
3) అభివృద్ధిని ప్రాగుక్తీకరించగలం.
4) ఇది విపర్యయాత్మక ప్రక్రియ.
జ: 4(ఇది విపర్యయాత్మక ప్రక్రియ.)
 

6. కిందివాటిలో కచ్చితంగా కొలవగలిగే అంశం ఏది?
1) శిశువులోని మూర్తిమత్వం
2) శిశువులోని వికాసం
3) శిశువులోని పెరుగుదల
4) పై అంశాలను అన్నింటినీ కచ్చితంగా కొలవగలం.
జ: 3(శిశువులోని పెరుగుదల)

7. నవజాత శిశువులో కనిపించే సాధారణ ఉత్తేజం వయసుతోపాటు క్రమంగా అభివృద్ధి చెంది ఆనందం, ఆహ్లాదం, అసూయగా మార్పు చెందడం ఏ వికాస సూత్రమవుతుంది?
జ: వికాసం సాధారణం నుంచి నిర్దిష్టానికి సాగుతుంది.
 

8. పరిపక్వతకు సంబంధించి కిందివాటిలో సరైన వాక్యమేది?
1) పరిపక్వత జైవిక ప్రక్రియకు సంబంధించింది.
2) పరిపక్వత కేవలం పరిసర సంబంధంతోనే జరుగుతుంది.
3) తల్లిగర్భంలో ఉన్నప్పుడే పరిపక్వత జరుగుతుంది.
4) పరిపక్వతను వివరించలేం.
జ: 1(పరిపక్వత జైవిక ప్రక్రియకు సంబంధించింది.)
 

9. పునీత్ అనే 3వ తరగతి విద్యార్థి కూడిక, తీసివేత, గుణకారం నేర్చుకుని, వాటి ద్వారా భాగహార సమస్యలను పూర్తిచేయడంలో ఇమిడి ఉన్న వికాస సూత్రమేది?
జ: వికాసం సంచితమైన ప్రక్రియ.
 

10. కిందివాటిలో గుణాత్మక ప్రక్రియ ఏది?
1) పెరుగుదల         2) వికాసం         3) పై రెండూ         4) ఏదీకాదు
జ: 2(వికాసం)