మాదిరి ప్రశ్నలు
1. డైట్సెట్లో టీచింగ్ ఆప్టిట్యూడ్ టెస్ట్ విభాగంలో ప్రశ్నించడం వల్ల ప్రయోజనం ఏమిటి?
జ: బోధనా, సహజ సామర్థ్యాలను అంచనా వేయవచ్చు
2. 'ఉపాధ్యాయ శిక్షణ' కార్యక్రమాలు అనేవి-
జ: ఎలా బోధించాలి అనే విషయాన్ని అభ్యసించడానికి తోడ్పడతాయి
3. బోధనోపకరణాల ప్రాధాన్యమేమిటి?
జ: అభ్యసనానికి ప్రేరణ, పునర్బలనాన్ని ఇస్తాయి
4. విద్యార్థులు, ఉపాధ్యాయుల కోసం రేడియో ద్వారా ప్రసారమవుతోన్న విద్యా కార్యక్రమం-
జ: విందాం - నేర్చుకుందాం
5. ఉపాధ్యాయుడిగా కిందివాటిలో దేన్ని సమర్థిస్తారు?
1) బోధనలో విద్యార్థి పాల్గొనడం
2) విద్యార్థి బాగా వినడం
3) విద్యార్థి బాగా వింటూ చదవడం
4) విద్యార్థి చదవడానికి
జ: బోధనలో విద్యార్థి పాల్గొనడం
6. ఉపాధ్యాయుడి సాధికారత పెంపొందించే ప్రక్రియ ఏది?
జ: వృత్త్యంతర శిక్షణ
7. ఉపాధ్యాయ శిక్షణ అందించే 'డైట్'లను ఏ స్థాయిలో స్థాపించారు?
జ: ఎలిమెంటరీ
8. విద్యార్థుల మానసిక స్థితి, స్వభావాన్ని ఉపాధ్యాయుడు ఎందుకు తెలుసుకోవాలి?
జ: సామర్థ్యాధారిత బోధన కోసం
9. ఉపాధ్యాయుడికి ఉండాల్సిన ముఖ్య లక్షణం-
జ: అంకితభావం
10. ప్రాథమిక పాఠశాలలకు సంబంధించి సరైన బోధన ఏది?
జ: విద్యార్థి కేంద్రీకృతమైంది
11. విద్యార్థి ప్రగతిని వివరించడంలో ఒత్తిడిని నివారించే విధానం-
జ: గ్రేడింగ్ విధానం
12. ఉపాధ్యాయుడి ప్రవర్తనా తీరు విద్యార్థులను ఎందుకు ప్రభావితం చేస్తుంది?
జ: అనుకరణ స్వభావం
13. బోధన సాఫల్యత వేటివల్ల సాధ్యం?
జ: సమర్థుడైన ఉపాధ్యాయుడు
14. పాఠశాలలో డ్రాప్ అవుట్కు ప్రధాన కారణమేమిటి?
జ: తోటి విద్యార్థులతోపాటు సామర్థ్యం పెంపొదించుకోలేకపోవడం
15. బోధనలో సరైన ఎంపిక-
జ: వైయక్తిక భేదాలకు అనువైన కృత్యం
16. బోధన ముఖ్య ఉద్దేశమేమిటి?
జ: విద్యార్థుల్లో ఆలోచనా శక్తిని పెంపొందింపజేయడం
17. 'ఉపాధ్యాయుడు విద్యార్థికి మార్గదర్శకుడు'. ఉపాధ్యాయుడిగా నేను-
జ: ఆదర్శవంతంగా ఉంటాను
18. తరగతిలో ఎవరికి ఉపాధ్యాయుడి అవసరం ఎక్కువగా ఉంటుంది?
జ: విద్యలో వెనుకబడిన వారికి
19. తరగతి గదిలో అనుసరించదగిన బోధన-
జ: అందరినీ గమనిస్తూ బోధించాలి
20. విద్యార్థి పాఠాలను బాగా అర్థం చేసుకోవడానికి సులువైన పద్ధతి ఏది?
జ: ప్రత్యక్ష అనుభవాలు కల్పించడం