2011 జనగణన
* 2011 సెన్సస్ కమిషనర్ డాక్టర్ చంద్రమౌళి.
* 2011 జనాభా లెక్కల సేకరణ పదిహేనోది, స్వాతంత్య్రం వచ్చాక ఏడోది.
* 2011 జనాభా లెక్కల ప్రకారం భారతదేశ జనాభా 121,05,69,573 (121 కోట్లు).
* పురుషులు 62,31,21,843; స్త్రీలు 58,74,47,730.
* దేశంలో పురుష జనాభా 51.5% కాగా స్త్రీ జనాభా 48.5 శాతంగా ఉంది.
* భారతదేశ జనాభా లెక్కల సేకరణలో 1921వ సెన్సస్ను ‘మహా విభాజక సంవత్సరంగా’ పేర్కొంటారు. ఆ గణనలో అంతకుముందు దశాబ్దం కంటే తక్కువ జనాభా నమోదుకావడమే దీనికి కారణం.
* ప్రపంచ జనాభాలో భారతదేశ జనాభా 17.5 శాతంగా ఉంది. జనాభా పరంగా చైనా తర్వాత భారత్ రెండో స్థానంలో ఉంది.
* 2011 జనాభా లెక్కల నినాదం - మన జనాభా లెక్కలు, మన భవిష్యత్తు.
శ్రామిక జనాభా విభజన
15 నుంచి 59 ఏళ్ల వయసు సమూహాన్ని శ్రామిక జనాభా అంటారు.
* వీరు పూర్తి సంవత్సరం లేదా సంవత్సరంలో కొంతభాగం పనిచేస్తారు.
* గృహిణులు చేసే ఇంటిపని ఇందులో భాగం కాదు.
* భారతదేశ జనాభా గణనలో వీరిని 4 భాగాలుగా వర్గీకరించారు. వారు:
i) రైతులు - 25%
ii) వ్యవసాయ కూలీలు - 30%
iii) పరిశ్రమల్లో పనిచేసే కార్మికులు - 04%
iv) ఇతర పనులు చేసేవారు - 41%
ఉపాంత కార్మికులు:
* ప్రతిపాదిత సంవత్సరంలో ఎవరైతే 6 నెలల కంటే తక్కువ పని కలిగి ఉంటారో వారిని ఉపాంత కార్మికులు అంటారు.
* 2011 లెక్కల ప్రకారం, మొత్తం కార్మికుల్లో ఉపాంత కార్మికుల వాటా 24.8%గా నమోదైంది.
జనసాంద్రత
చ.కి.మీ.లలో
* ఒక నిర్దిష్ట వైశాల్యంలో ఉండే ప్రజల సంఖ్య ఆధారంగా జనసాంద్రతను లెక్కిస్తారు.
* 2011 జనాభా లెక్కల ప్రకారం భారతదేశ జనసాంద్రత 382.
* జనసాంద్రత ఎక్కువగా ఉన్న రాష్ట్రాలు - బిహార్ (1106), పశ్చిమ్ బంగా (1028)
* జనసాంద్రత ఎక్కువగా ఉన్న కేంద్రపాలిత ప్రాంతాలు దిల్లీ (11,320) , చండీగఢ్ (9258).
* జన సాంద్రత తక్కువగా ఉన్న కేంద్రపాలిత ప్రాంతం అండమాన్ నికోబార్ దీవులు (46 మంది)
* జనసాంద్రత తక్కువ ఉన్న రాష్ట్రం అరుణాచల్ ప్రదేశ్ (17 మంది).
జననాల రేటు
* ఒక సంవత్సరంలో వెయ్యిమంది జనాభాకి ఎంతమంది సజీవ పిల్లలు పుట్టారో దాన్ని జననాల రేటుగా పేర్కొంటారు.
* 1992లో భారతదేశంలో జననాల రేటు 29, మరణాల రేటు 19.
* 1981 నుంచి భారతదేశంలో జననాల శాతం క్రమేణా తగ్గుతోంది.
ప్రస్తుతం దేశ జనాభా
ఐక్యరాజ్యసమితి, వరల్డ్ పాపులేషన్ రివ్యూ ప్రకారం 2022 చివరి నాటికి భారతదేశ జనాభా 141.7 కోట్లకి చేరింది.
* ఇది 2023, జనవరి 18 నాటికి 142.3 కోట్లుగా నమోదైది.
* ప్రపంచంలో అధిక జనాభా కలిగిన దేశంగా భారత్ మొదటి స్థానానికి చేరుకుంది. ప్రస్తుతం చైనా జనాభా 141.18 కోట్లు.
* 1974లో ప్రపంచ జనాభా 400 కోట్లు కాగా 48 సంవత్సరాల వ్యవధిలో అంటే, 2022 నవంబరు 15 నాటికి ప్రపంచ జనాభా 800 కోట్లకు చేరింది.
రాష్ట్రాలవారీ జనాభా
* మనదేశంలో అత్యధిక జనాభా కలిగిన రాష్ట్రం ఉత్తర్ ప్రదేశ్. దేశ జనాభాలో 16.49% ఈ రాష్ట్రంలోనే ఉంది.
* అధిక జనాభా ఉన్న రెండో రాష్ట్రం మహారాష్ట్ర కాగా, మూడో స్థానంలో బిహార్ ఉంది.
* అధిక జనాభా కలిగిన కేంద్రపాలిత ప్రాంతాలు - దిల్లీ, పుదుచ్చేరి.
* అత్యల్ప జనాభా ఉన్న కేంద్రపాలిత ప్రాంతాలు - లక్షద్వీప్, డామన్ డయ్యూ.
* అత్యల్ప జనాభా కలిగిన రాష్ట్రాలు - సిక్కిం, మిజోరం, అరుణాచల్ప్రదేశ్.
* జనాభా వృద్ధిరేటు ఎక్కువగా మేఘాలయ (28%), తక్కువగా నాగాలాండ్ (0.6%) లో నమోదైంది.
* ఎస్సీ జనాభా శాతం ఎక్కువగా ఉన్న రాష్ట్రాలు - పంజాబ్ (31.9%), హిమాచల్ప్రదేశ్ (25%).
* ఎస్సీ జనాభా తక్కువగా ఉన్న రాష్ట్రాలు - మిజోరం (0.1%), మేఘాలయ (0.6%).
* సంఖ్యాపరంగా ఎస్సీ జనాభా ఎక్కువగా ఉన్న రాష్ట్రం - ఉత్తర్ ప్రదేశ్, తక్కువ కలిగిన రాష్ట్రం - మిజోరం.
* నాగాలాండ్, అరుణాచల్ప్రదేశ్, లక్షద్వీప్, అండమాన్ నికోబార్ దీవుల్లో ఎస్సీలు లేరు.
* సంఖ్యాపరంగా ఎస్టీ జనాభా ఎక్కువగా మధ్యప్రదేశ్లో, తక్కువగా గోవాలో ఉంది.
* ఎస్టీ జనాభా శాతం ఎక్కువగా ఉన్న రాష్ట్రం మిజోరం, తక్కువ ఉన్న రాష్ట్రం ఉత్తర్ ప్రదేశ్.
* ఎస్టీ జనాభా లేని రాష్ట్రాలు - పంజాబ్, హరియాణా.వయసుల వివరణ దేశంలో వయసుల వారీగా ఉన్న స్త్రీ, పురుషుల సంఖ్యను ఇది తెలుపుతుంది.
* జనాభాకి సంబంధించి ఇది అత్యంత మౌలిక లక్షణం.
* ఒక దేశ జనాభాను ప్రధానంగా మూడు వర్గాలుగా విభజిస్తారు. అవి:
1. పిల్లలు 2. పనిచేసే వయసులో ఉన్నవారు 3. వృద్ధులు
పిల్లలు: సాధారణంగా 14 సంవత్సరాలలోపు వయసు కలిగిన వారు ఈ జాబితాలోకి వస్తారు.
* 2011 జనాభా లెక్కల ప్రకారం వీరు మనదేశంలో 31% ఉన్నారు.
పనిచేసే వయసులో ఉన్నవారు: 15 నుంచి 59 సంవత్సరాల మధ్య వయసు కలిగిన వారు ఈ పరిధిలోకి వస్తారు. దీన్నే పునరుత్పత్తి వయసు అని కూడా అంటారు.
* 2011 జనాభా లెక్కల ప్రకారం, దేశ జనాభాలో వీరు 64% ఉన్నారు.
వృద్ధులు: 59 ఏళ్ల వయసు దాటిన వారిని వృద్ధులుగా పేర్కొంటారు.
* 2011 జనాభా లెక్కల ప్రకారం, దేశ జనాభాలో వీరి శాతం 5%.
* ఇతర వయసుల వారితో పోలిస్తే వీరి వైద్య ఖర్చులు చాలా ఎక్కువగా ఉండే అవకాశం ఉంది.
లింగ నిష్పత్తి
* ఒక సమాజంలో నిర్దిష్ట కాలంలో స్త్రీ, పురుషుల మధ్య సమానత్వం ఎంత ఉందో తెలుసుకోవడానికి ఉపయోగపడే ముఖ్యమైన సామాజిక సూచిక లింగనిష్పత్తి.
* ఇది జనాభాలో ప్రతి వెయ్యిమంది పురుషులకు ఎంతమంది స్త్రీలు ఉన్నారో తెలుపుతుంది.
* భారతదేశంలో ప్రతి వందమంది మగ పిల్లలకు 103 మంది ఆడపిల్లలు జన్మిస్తున్నారు. అయితే బాలుర కంటే ఎక్కువ సంఖ్యలో బాలికలు మరణిస్తున్నారు.
* 1951లో భారతదేశ స్త్రీ, పురుష నిష్పత్తి 946 : 1000
* 2011లో భారతదేశ స్త్రీ, పురుష నిష్పత్తి 943 : 1000
* ఎక్కువ స్త్రీ, పురుష నిష్పత్తి ఉన్న రాష్ట్రం కేరళ 1083 : 1000
* తక్కువ స్త్రీ, పురుష నిష్పత్తి ఉన్న రాష్ట్రం హరియాణా 879 : 1000
* ఉమ్మడి ఆంధ్రప్రదేశ్లో స్త్రీ, పురుష నిష్పత్తి 993 : 1000
అక్షరాస్యత
7 సంవత్సరాల కంటే ఎక్కువ వయసు కలిగి, ఏ భాషలోనైనా చదివి, రాయగలిగే సామర్థ్యాన్ని అక్షరాస్యత అంటారు. 2011 జనాభా లెక్కల ప్రకారం దేశ అక్షరాస్యత 74.04%. వీరిలో పురుషుల అక్షరాస్యత 82.14%, స్త్రీ అక్షరాస్యత 65.46%.
* అక్షరాస్యత ఎక్కువగా ఉన్న రాష్ట్రం కేరళ (94%) , తక్కువ ఉన్న రాష్ట్రం బిహార్ (63%).
* అక్షరాస్యత ఎక్కువగా ఉన్న కేంద్రపాలిత ప్రాంతం లక్షద్వీప్ (91%), తక్కువగా ఉంది దాద్రానగర్ హవేలి (76%).
సంవత్సరం | దేశ అక్షరాస్యత |
1947 | 12% |
1951 | 18% |
1961 | 28% |
1971 | 34% |
1981 | 43% |
1991 | 52.3% |
2001 | 64.48% |
2011 | 74.04% |
జనాభా మార్పు
ఒక దేశంలో లేదా ఒక ప్రాంతంలో నిర్దిష్ట కాలంలో ప్రజల సంఖ్యలో వచ్చే తేడాను జనాభాలో మార్పు అంటారు.
* జనాభా మార్పును అంకెలు లేదా శాతంలో తెలుపుతారు.
* జనాభా మార్పు = (తర్వాతి కాలంనాటి జనాభా) - (ముందు కాలంనాటి జనాభా)
* ఒక ప్రాంతంలో జనాభాలో మార్పు = (జననాల సంఖ్య + ప్రాంతంలోకి వలస వచ్చిన వారి సఖ్య) - (మరణాల సంఖ్య + ప్రాంతం నుంచి బయటకు వలస వెళ్లిన వారి సంఖ్య).
* జనాభాలో మార్పును ప్రాథమికంగా జనన, మరణాల ఆధారంగా లెక్కిస్తారు.
ఫెర్టిలిటీ శాతం
* ఒక మహిళ పునరుత్పత్తి వయసు చివరి వరకు జీవించి, ప్రస్తుత తీరు ప్రకారం పిల్లలను కంటే, పుట్టే మొత్తం పిల్లలను ఫెర్టిలిటీ శాతం అంటారు.
* 1960లో భారతదేశంలో ఫెర్టిలిటీ శాతం 5.6 కంటే ఎక్కువ.
* భారతదేశ ప్రస్తుత ఫెర్టిలిటీ శాతం 2.7% కాగా ఉమ్మడి ఆంధ్రప్రదేశ్లో ఇది 1.9 శాతంగా ఉంది.
భారతదేశంలో ఫెర్టిలిటీ రేటు
సంవత్సరం | ఫెర్టిలిటీ |
1961 | 5.9 |
1971 | 5.4 |
1981 | 4.6 |
1991 | 3.8 |
2001 | 3.1 |
2011 | 2.7 |
భారతదేశ జనాభా
1951 | 361 మిలియన్లు |
1961 | 439 మిలియన్లు |
1971 |
548 మిలియన్లు |
1981 | 683 మిలియన్లు |
1991 | 846 మిలియన్లు |
2001 | 102 బిలియన్లు |
2011 | 121 బిలియన్లు |