మాదిరి ప్రశ్నలు
1. కిందివాటిలో అత్యవసర పరిస్థితి అధికారాలకు సంబంధించి సరైంది?
ఎ) వీటిని భారత ప్రభుత్వ చట్టం, 1935 నుంచి గ్రహించారు.
బి) వీటి గురించి రాజ్యాంగంలోని 18వ భాగంలో వివరణ ఉంది.
సి) వీటిని వినియోగించినప్పుడు పాటించే పద్ధతులను జర్మనీ దేశ రాజ్యాంగం నుంచి గ్రహించారు
డి) వీటిని వినియోగించినప్పుడు జీవించే హక్కు కూడా రద్దు అవుతుంది.
1) ఎ, సి, డి 2) ఎ, బి, సి 3) ఎ, బి, డి 4) ఎ, బి సి, డి
2. వివిధ రకాల అత్యవసర పరిస్థితి అధికారాలను వివరిస్తున్న రాజ్యాంగ ఆర్టికల్స్కు సంబంధించి సరికానిది?
1) జాతీయ అత్యవసర పరిస్థితి - ఆర్టికల్ 352
2) ఆర్థిక అత్యవసర పరిస్థితి - ఆర్టికల్ 360
3) రాజ్యాంగ అత్యవసర పరిస్థితి - ఆర్టికల్ 356
4) ఆంతరంగిక అత్యవసర పరిస్థితి - ఆర్టికల్ 362
3. జాతీయ అత్యవసర పరిస్థితిని పార్లమెంటు ఆమోదం ద్వారా గరిష్ఠంగా ఎంతకాలం కొనసాగించవచ్చు?
1) 6 నెలలు 2) 12 నెలలు
3) 3 సంవత్సరాలు 4) ఎంతకాలమైనా
4. ఆర్టికల్ 352 ప్రకారం ఆంతరంగిక కారణాలతో జాతీయ అత్యవసర పరిస్థితిని విధించడానికి సంబంధించిన కారణాల్లో ‘ఆంతరంగిక అల్లకల్లోలాలు’ అనే పదం స్థానంలో ‘సాయుధ దళాల తిరుగుబాటు’ అనే పదాన్ని ఏ రాజ్యాంగ సవరణ చట్టం ద్వారా చేర్చారు?
1) 24వ రాజ్యాంగ సవరణ చట్టం, 1971
2) 42వ రాజ్యాంగ సవరణ చట్టం 1976
3) 44వ రాజ్యాంగ సవరణ చట్టం, 1978
4) 52వ రాజ్యాంగ సవరణ చట్టం, 1985
5. జాతీయ అత్యవసర పరిస్థితి సమయంలో ఏ ఆర్టికల్లో పేర్కొన్న స్వేచ్ఛా స్వాతంత్య్రాలు రద్దు అవుతాయి?
1) ఆర్టికల్ 19 2) ఆర్టికల్ 20 3) ఆర్టికల్ 21 4) ఆర్టికల్ 24
6. ఆర్టికల్ 352 ప్రకారం జాతీయ అత్యవసర పరిస్థితిని ప్రకటించిన రాష్ట్రపతుల్లో లేని వారు?
1) డాక్టర్ సర్వేపల్లి రాధాకృష్ణన్
2) ఫక్రుద్దీన్ అలీ అహ్మద్
3) వరాహగిరి వెంకటగిరి
4) జాకీర్ హుస్సేన్
7. జాతీయ అత్యవసర పరిస్థితి కొనసాగింపు ఫలితంగా ఏ లోక్సభ పదవీ కాలాన్ని పొడిగించారు?
1) 4వ లోక్సభ 2) 5వ లోక్సభ 3) 6వ లోక్సభ 4) 7వ లోక్సభ
8. ఒకే సమయంలో రెండు వేర్వేరు కారణాలతో జాతీయ అత్యవసర పరిస్థితిని విధించవచ్చని ఏ రాజ్యాంగ సవరణ ద్వారా నిర్దేశించారు?
1) 38వ రాజ్యాంగ సవరణ చట్టం, 1975
2) 41వ రాజ్యాంగ సవరణ చట్టం, 1976
3) 42వ రాజ్యాంగ సవరణ చట్టం, 1976
4) 44వ రాజ్యాంగ సవరణ చట్టం, 1978
9. మనదేశంలో ఒకే సమయంలో రెండు వేర్వేరు కారణాలతో జాతీయ అత్యవసర పరిస్థితి ఏ కాలంలో కొనసాగింది?
1) 1974 - 77 2) 1975 - 76
3) 1975 - 77 4) 1977 - 79
10. జాతీయ అత్యవసర పరిస్థితి విధింపు కారణంగా ఏ రాష్ట్ర శాసనసభ పదవీకాలాన్ని పొడిగించారు?
1) కేరళ, ఒరిస్సా, ఆంధ్రప్రదేశ్
2) కేరళ, తమిళనాడు, గుజరాత్
3) ఆంధ్రప్రదేశ్, కేరళ, రాజస్థాన్
4) ఒరిస్సా, అస్సాం, కేరళ
11. ‘భారత రాజ్యాంగం క్లిష్ట పరిస్థితులను ఎదుర్కొనేటప్పుడు తనను తాను సంరక్షించుకోవడానికి వినియోగించే ఉపాయాలు అత్యవసర అధికారాలు’ అని ఎవరు పేర్కొన్నారు?
1) అనంతశయనం అయ్యంగార్ 2) హెచ్.వి.కామత్
3) డాక్టర్ బి.ఆర్.అంబేడ్కర్ 4) బెనగళ నరసింగరావు
12. భారత్పై చైనా దురాక్రమణ ఫలితంగా మనదేశంలో తొలిసారిగా జాతీయ అత్యవసర పరిస్థితిని ఎప్పుడు విధించారు?
1) 1962, ఫిబ్రవరి 22 2) 1962, అక్టోబరు 26
3) 1962, డిసెంబరు 9 4) 1962, జనవరి 10
13. భారత రాజ్యాంగం ప్రకారం ఎన్ని రకాల అత్యవసర పరిస్థితులు ఉన్నాయి?
1) 4 2) 3 3) 5 4) 2
14. అత్యవసర పరిస్థితి సమయంలో కూడా కింది ఏ హక్కు తాత్కాలికంగా రద్దు కాదు?
1) ఆర్టికల్ 21 కింద హక్కు 2) ఆర్టికల్ 19 కింద హక్కు
3) ఆర్టికల్ 14 కింద హక్కు 4) ఆర్టికల్ 22 కింద హక్కు
15. జాతీయ అత్యవసర పరిస్థితికి సంబంధించి రాష్ట్రపతికి గల అధికారాల్లో సరికానిది?
1) కేంద్రం నుంచి రాష్ట్రాలకు బదిలీ చేసే నిధులను తగ్గించవచ్చు.
2) కేంద్రం నుంచి రాష్ట్రాలకు బదిలీ చేసే నిధులను రద్దు చేయవచ్చు.
3) జాతీయ అత్యవసర పరిస్థితిని దేశం మొత్తం లేదా ఒక భాగంలో విధించవచ్చు.
4) కేంద్రం నుంచి రాష్ట్రాలకు బదిలీ చేసే నిధులను పెంచవచ్చు.
సమాధానాలు
1-2, 2-4, 3-4, 4-3, 5-1, 6-4, 7-2, 8-1, 9-3, 10-1, 11-3, 12-2, 13-2, 14-1, 15-4.