• facebook
  • whatsapp
  • telegram

ర్యాంకింగ్ టెస్ట్

ఈ విభాగం నుంచి వచ్చే ప్రశ్నల్లో... ఒక సమూహంలోని వ్యక్తులకు పైనుంచి లేదా కింద నుంచి ర్యాంకులను పేర్కొంటారు. వీటి ఆధారంగా ఆ గుంపులోని మొత్తం వ్యక్తుల సంఖ్యను కనుక్కోవాల్సి ఉంటుంది. కొన్ని సందర్భాల్లో ఈ ప్రశ్నలు పజిల్స్ రూపంలో ఉంటాయి. సమూహంలోని సభ్యుల ర్యాంకులను పరస్పరం మార్చడం ద్వారా... కొత్త ర్యాంకులతో ఇద్దరి మధ్య ఉండే వ్యక్తుల సంఖ్యను కనుక్కోవడం లాంటి ప్రశ్నలు ఈ కోవలోకి వస్తాయి.

 

మాదిరి ప్రశ్నలు

1. ఒక తరగతిలో రాము ర్యాంకు చివరి నుంచి 22 కాగా మొదటి నుంచి 14. ఆ తరగతిలోని మొత్తం విద్యార్థుల సంఖ్య ఎంత?

    ఎ) 36     బి) 34     సి) 37     డి) 35

సమాధానం: (డి)

వివరణ: తరగతిలో ఒక విద్యార్థి ర్యాంకు మొదటి నుంచి R1 , చివరి నుంచి R2 అయితే ఆ తరగతిలోని మొత్తం విద్యార్థుల సంఖ్య
    T = R1 + R2 – 1
    పై సూత్రం నుంచి, R1 = 14, R2 = 22
మొత్తం విద్యార్థుల సంఖ్య (T) = 14 + 22 – 1 = 36 – 1 = 35

 

2. 40 మంది విద్యార్థులు ఉండే ఒక తరగతిలో రవి ర్యాంకు కుడి నుంచి 14 అయితే ఎడమ నుంచి అతడి ర్యాంకు ఎంత?
    ఎ) 24     బి) 25     సి) 26     డి) 27

సమాధానం: (డి)

వివరణ: తరగతిలో మొత్తం విద్యార్థుల సంఖ్య T, ఒక విద్యార్థి ర్యాంకు ఒకవైపు నుంచి R1, రెండోవైపు నుంచి R2 అయితే
R2 = T - R1 + 1.
పై సూత్రం నుంచి, T = 40, R1 = 14.
కాబట్టి ఎడమ నుంచి రవి ర్యాంకు
(R2) = 40 - 14 + 1 = 26 + 1 = 27

 

3. ఒక వరుసలోని బాలికల్లో సుధ ఎడమ నుంచి 10వ స్థానంలోనూ, సంధ్య కుడి నుంచి 15వ స్థానంలోనూ ఉన్నారు. వారిద్దరూ స్థానాలను పరస్పరం మార్చుకున్న తర్వాత సుధ ఎడమవైపు నుంచి 25వ స్థానంలో ఉంది. ఆ వరుసలోని మొత్తం బాలికల సంఖ్య ఎంత?
    ఎ) 39     బి) 40     సి) 38     డి) 41

సమాధానం: (ఎ)

వివరణ: వరుసలో ఎడమవైపు నుంచి సుధ స్థానం = 10
కుడివైపు నుంచి సంధ్య స్థానం = 15
వారి స్థానాలను పరస్పరం మార్చుకుంటే, సుధ స్థానం ఎడమవైపు నుంచి = 25, ఇది సంధ్య పూర్వ స్థానానికి సమానం.

పై చిత్రం ఆధారంగా, ఎడమ నుంచి సుధ ర్యాంక్ (R1) = 25
కుడి నుంచి సుధ ర్యాంక్ (R2) = 15
ఆ వరుసలోని మొత్తం బాలికల సంఖ్య
(T) = R1 + R2 - 1 = 25 + 15 - 1 = 39
సంక్షిప్త పద్ధతి: వరుసలోని మొత్తం బాలికల సంఖ్య = (స్థాన మార్పిడి తర్వాత ఎడమవైపు నుంచి సుధ స్థానం) + (మార్పిడికి ముందు కుడివైపు నుంచి సంధ్య స్థానం) 1
= 25 + 15 -1 = 39
సూత్రం: (T) = R3 + R2 -1
= 25 + 15 - 1 = 39

 

4. 29 విద్యార్థులు ఉండే ఒక వరుసలో రోహిత్... ఎడమవైపు నుంచి 17వ వాడు కాగా కరణ్ కుడివైపు నుంచి 17వ వాడు. ఆ వరుసలో వారిద్దరి మధ్య ఎంతమంది విద్యార్థులు ఉంటారు?
    ఎ) 3     బి) 5     సి) 6     డి) 7

సమాధానం: (ఎ)

వివరణ: కుడివైపు నుంచి కరణ్ స్థానం = 17
కరణ్‌కు ఎడమవైపు ఉండే విద్యార్థుల సంఖ్య = 29 - 17 = 12

ఎడమ నుంచి కరణ్ స్థానం = 13
ఎడమవైపు నుంచి రోహిత్ స్థానం = 17
వారిద్దరి మధ్య ఉండే విద్యార్థుల సంఖ్య = 3

 

5. ఒక బాలికల వరుసలో నివేదిత ఎడమవైపు నుంచి 18వ స్థానంలోనూ, ప్రీతి కుడివైపు నుంచి 22వ స్థానంలోనూ ఉన్నారు. వారిద్దరి మధ్య 5 గురు బాలికలుంటే, ఆ వరుసలోని మొత్తం బాలికల సంఖ్య ఎంత?
    ఎ) 45     బి) 33     సి) 46     డి) 45, 33

సమాధానం: (డి)

వివరణ: ఈ సమస్యను రెండు రకాలుగా సాధించ వచ్చు.
సందర్భం 1:

వరుసలోని మొత్తం బాలికల సంఖ్య = 18 + 5 + 22 = 45
సందర్భం 2:

వరుసలోని మొత్తం బాలికల సంఖ్య = 22 + 18 (5 + ప్రీతి + నివేదిత)
= 22 + 18 - 7
= 40 - 7 = 33.

Posted Date : 28-03-2022

గమనిక : ప్రతిభ.ఈనాడు.నెట్లో వచ్చే ప్రకటనలు అనేక దేశాల నుండి, వ్యాపారస్తులు లేదా వ్యక్తుల నుండి వివిధ పద్ధతులలో సేకరించబడతాయి. ఆయా ప్రకటనకర్తల ఉత్పత్తులు లేదా సేవల గురించి ఈనాడు యాజమాన్యానికీ, ఉద్యోగస్తులకూ ఎటువంటి అవగాహనా ఉండదు. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి తగిన విచారణ చేసి, తగిన జాగ్రత్తలు తీసుకొని కొనుగోలు చేయాలి. ఉత్పత్తులు / సేవలపై ఈనాడు యాజమాన్యానికి ఎటువంటి నియంత్రణ ఉండదు. కనుక ఉత్పత్తులు లేదా సేవల నాణ్యత లేదా లోపాల విషయంలో ఈనాడు యాజమాన్యం ఎటువంటి బాధ్యత వహించదు. ఈ విషయంలో ఎటువంటి ఉత్తర ప్రత్యుత్తరాలకీ తావు లేదు. ఫిర్యాదులు తీసుకోబడవు.

 

సెక్రటేరియల్ ఎబిలిటీస్

పాత ప్రశ్నప‌త్రాలు

 
 

నమూనా ప్రశ్నపత్రాలు

 

లేటెస్ట్ నోటిఫికేష‌న్స్‌