1. ఏడో తరగతి చదివే సౌమ్య అనే విద్యార్థి జ్యామితీయ పరికరాల పెట్టెలోని వృత్తలేఖిని సహయంతో వృత్తం, చాపరేఖను, ఒక రేఖా ఖండాన్ని లంబ సమద్విఖండన రేఖను, ఇచ్చిన కోణానికి కోణ సమద్విఖండన రేఖను గీస్తే, ఆ విద్యార్థి ఏ లక్ష్యాన్ని సాధించినట్లు?
జ: నైపుణ్యం
2. విద్యార్థి C = 2πr అనే సూత్రాన్ని 'ఒక వృత్తపరిధి, దాని వ్యాసార్ధానికి 2π రెట్లు ఉంటుంది' అనే శాబ్దిక ప్రవచనంగా అనువదిస్తే ఆ విద్యార్థి ఏ లక్ష్యాన్ని సాధించినట్లు?
జ: అవగాహన
3. 'విద్యార్థి ఇచ్చిన గణిత వాక్యాలు, భావనలు, ప్రక్రియల్లో దోషాలను కనుక్కుని సరిదిద్దుతాడు' అనే వ్యాసక్తి ఏ లక్ష్యాన్ని సూచిస్తుంది?
జ: అవగాహన
4. 'భవిష్యత్లో నిత్యజీవితంలో ఎదురయ్యే సమస్యల సాధనకు గణిత అభ్యసనం విద్యార్థికి దోహదపడుతుంది' - దీనిలో ఇమిడి ఉన్న గణిత విలువ?
జ: క్రమశిక్షణ విలువ
5. 9వ తరగతిలో 'సమితి పరిక్రియలు' అనే పాఠ్య పథకంలోని 'సమితి పరిక్రియలను, అంకగణిత పరిక్రియలతో పోల్చడం' అనేది ఏ లక్ష్యానికి చెందిన స్పష్టీకరణ ?
జ: అవగాహన
6. 'విద్యార్థి గణిత సంబంధమైన నమూనాలు, చిత్రాలు, చార్టులు మొదలైనవి తయారు చేస్తాడు' అనే స్పష్టీకరణ ఏ లక్ష్యానికి చెందుతుంది?
జ: ఆసక్తి
7. 'విద్యార్థి ఇచ్చిన సమస్యను సాధించడానికి సరైన సూత్రాన్ని ఎన్నుకుంటాడు' ఇది ఏ బోధనా లక్ష్యానికి చెందిన స్పష్టీకరణ?
జ: వినియోగం
8. పదోతరగతి చదివే విద్యార్థి పైథాగరస్ సిద్ధాంత ప్రవచనాన్ని చెబితే ఆ విద్యార్థి ఏ లక్ష్యాన్ని సాధించినట్లు?
జ: జ్ఞానం
9. ఎనిమిదో తరగతి చదివే రోహిత్ అనే విద్యార్థి 312 విలువ కనుక్కోవడానికి (a + b)2 = a2 + 2ab + b2 అనే సూత్రాన్ని ఉపయోగించడం ద్వారా ఒక నూతన పద్ధతిని సూచించాడు. అయితే, ఆ విద్యార్థి సాధించిన లక్ష్యం?
జ: వినియోగం
10. ఏడో తరగతి చదివే తేజ అనే విద్యార్థి ఒక దీర్ఘచతురస్ర వైశాల్య సూత్రాన్ని తన తరగతి గది వైశాల్యాన్ని కనుక్కోవడానికి ఉపయోగించాడు. అయితే ఆ విద్యార్థి సాధించిన లక్ష్యం-
జ: వినియోగం