• facebook
  • whatsapp
  • telegram

జంతు ప్రపంచం - అవయవ వ్యవస్థలు

1. ఆహారంలో ఇమిడి ఉన్న శక్తిని వినియోగపడే శక్తిగా మార్చడానికి సహాయపడే వ్యవస్థ- 
జ:  జీర్ణ వ్యవస్థ
2. శరీరంలో వివిధ జీవక్రియల ఫలితంగా ఏర్పడిన వ్యర్థ పదార్థాలను శరీరం నుంచి వెలుపలికి పంపడంలో సహాయపడే వ్యవస్థ- 
జ:  విసర్జక వ్యవస్థ   
3. 'ఆహార పదార్థాల ఆక్సీకరణ'ఏ క్రియలో మనకు కనిపిస్తుంది?
జ: శ్వాస క్రియ
4. జీర్ణనాళం ఏ భాగంతో ప్రారంభమై, ఏ భాగంతో అంతమవుతుంది?
జ: నోరు, పాయువు
5. 2123/2123 అనే దంతసూత్రంలో పై వరుస/ కింది వరుస దేన్ని సూచిస్తుంది?
జ:  ఒక దవడలోని సగభాగం దంతాల సంఖ్యను
6. ఆస్యకుహరంలోని మొత్తం విసురు దంతాల సంఖ్య-
జ: 12

7. నాలుక ఉపరితలం మీద 'చేదు రుచి'ని తెలిపే గ్రాహకాలు ఏ భాగంలో ఉంటాయి?
జ: వెనుక భాగం
8. లాలాజలానికి ఏ లక్షణం ఉంటుంది?
జ: కొద్దిగా క్షార లక్షణం
9. వాయునాళంలోకి ఆహారం వెళ్లకుండా సహాయపడే నిర్మాణం-
జ: కొండనాలుక
10. ఆహార, శ్వాస మార్గాల కూడలిగా పిలిచే గరాటు లాంటి నిర్మాణం-
: గ్రసని
11. ఆస్యకుహరంలో పాక్షికంగా నమిలిన ఆహారాన్ని ఏమంటారు?
జ: బోలస్
12. జీర్ణాశయ కుడ్యంలో ఉన్న జీర్ణాశయ గ్రంథుల పేరేమిటి?
: జఠర గ్రంథులు

13. ఒక వ్యక్తి తన ఆహారంలో ఎక్కువ మొత్తంలో అపరాలు/ పప్పు దినుసులు తీసుకున్నాడు. అయితే అవి జీర్ణనాళంలోని ఏ భాగాల్లో జీర్ణమవుతాయి?
జ: జీర్ణాశయం, ఆంత్రమూలం, శేషాంత్రికం
14. జీర్ణనాళంలో 'U' ఆకారంలో ఉన్న చిన్నపేగు మొదటి భాగం-
: ఆంత్రమూలం
15. జీర్ణనాళంలోని ఏ భాగాల్లో జీర్ణక్రియ జరగదు?
జ: గ్రసని, ఆహారవాహిక, పెద్దపేగు
16. గ్రసని, స్వర పేటికలోనికి తెరుచుకునే రంధ్రాన్ని ఏమని పిలుస్తారు?
జ: కంఠబిలం
17. మానవుడి శ్వాస వ్యవస్థలోని ఏ భాగంలో శబ్దాలు ఉత్పత్తి అవుతాయి?
జ: శబ్దపేటిక

18. ఊపిరితిత్తులకు రక్షణ కలిగించే రెండు పొరలతో నిర్మితమైన త్వచం-
జ: ప్లూరా
19. ఊపిరితిత్తుల్లోని ఏ భాగాల్లో వాయువుల మార్పిడి జరుగుతుంది?
జ: వాయు గోణులు,  వాయు కోశాలు,  ఆల్వియోలై
20. బాహ్య శ్వాసక్రియలో ఆక్సిజన్, కార్బన్‌డయాక్సైడ్‌ల మార్పిడి వేటిలో జరుగుతుంది?
జ: ఊపిరితిత్తులు
21. ఊపరితిత్తుల నుంచి వెలుపలికి వచ్చే గాలిలో ఉండే ఆక్సిజన్ వాయువు శాతం-
జ: 16%
22. పురుషుల శ్వాస కదలికల్లో ప్రముఖ పాత్ర వహించే నిర్మాణం-
జ: ఉదరవితానం
23. మానవుడిలో విసర్జనక్రియ నిర్వహించే అవయవాలు-
జ: చర్మం, ఊపిరితిత్తులు,  మూత్రపిండాలు

24. విసర్జన ముఖ్య లక్ష్యం ఏమిటి?
జ: శరీరంలో అయానుల తులస్థితిని కాపాడటం. 
25. మానవుడిలోని విసర్జక పదార్థం-
జ: యూరియా
26. మూత్రపిండాల నిర్మాణాత్మక, క్రియాత్మక ప్రమాణం-
జ: నెఫ్రాన్
27. నెఫ్రాన్ (మూత్రనాళిక)లో మూత్రం తయారయ్యే భాగం-
జ: భౌమన్ గుళిక
28. డయాలసిస్ అంటే-
జ: కృత్రిమ పద్ధతిలో రక్తం నుంచి విసర్జక పదార్థాలను వేరుచేయడం
29. మూత్రం పచ్చని రంగులో ఉండటానికి కారణమయ్యే వర్ణ ద్రవ్యం-
జ: బైలురూబిన్
30. రక్తప్రసరణ వ్యవస్థ కింది భాగాల కలయిక-
జ: హృదయం, రక్తం,  రక్తనాళాలు
31. హృదయ అంతర్నిర్మాణంలో కుడికర్ణిక, కుడిజఠరికల మధ్య ఉన్న కవాటం-
జ: అగ్రత్రయ కవాటం

32. హృదయంలోని ఏ గది ఆమ్లజని సహితరక్తాన్ని ఊపిరితిత్తులు తప్ప మిగతా అన్ని శరీరభాగాలకు పంప్ చేస్తుంది?
జ: ఎడమ జఠరిక
33. హృదయ స్పందనలో 'డయాస్టోల్' అంటే-
జ: హృదయ కండరం సడలిక దశ
34. రక్తపీడనాన్ని ఏ పరికరంతో కొలుస్తారు?
జ: స్పిగ్నోమానోమీటర్
35. హృదయంలో మూడుగదులు ఏ వర్గ జంతువుల్లో కనిపిస్తాయి?
జ: ఉభయ చరాలు
36. రక్తం నీలం రంగులో ఉండే జంతువు-
జ: నత్త
37. మానవుడి రక్తనాళాల్లో రక్తం గడ్డకట్టకుండా ఉంచే పదార్థం-
జ: హెపారిన్

38. హిమోగ్లోబిన్‌లో ఉన్న 'గ్లోబిన్' అనేది-
జ: ప్రోటీన్ అణువు
39. ఎర్రరక్తకణాల జీవిత కాలం-
జ: 120 రోజులు
40. ఏ అవయవాన్ని 'ఎర్రరక్త కణాల శ్మశానవాటిక' అంటారు?
జ: ప్లీహం
41. ఎయిడ్స్ వ్యాధిలో నశించే తెల్లరక్త కణాలు ఏవి?
: లింఫోసైట్లు
42. రక్తం గడ్డకట్టడంలో సహాయపడే రక్తకణాలు ఏవి?
జ: త్రాంబోసైట్లు
43. శరీరంలోని వివిధ అవయవాలు, అవయవ వ్యవస్థల మధ్య సమన్వయాన్ని కలిగించే వ్యవస్థ-
జ: నాడీ వ్యవస్థ

44. నాడీ వ్యవస్థ నిర్మాణాత్మక, క్రియాత్మక ప్రమాణాలు-
 జ: నాడీ కణం, న్యూరాన్
45. పోలియోలాంటి వ్యాధుల్లో వైరస్‌లతో నశించే నాడులు-
జ: చాలక నాడులు
46. మెదడు, వెన్నుపాములు నాడీ మండలంలోని ఏ విభాగానికి చెందుతాయి?
జ: కేంద్రీయ నాడీవ్యవస్థ
47. మెదడుకు రక్షణనిచ్చే ఎముకలతో ఏర్పడిన పెట్టెలాంటి నిర్మాణం-
జ: కపాలం
48. వెన్నుపాము అడ్డుకోతలో 'H' ఆకారంలో ఉండే పదార్థం-
జ: బూడిదరంగు పదార్థం

49. శరీర సమతాస్థితికి సహాయపడే మెదడు భాగం-
జ: అనుమస్తిష్కం
50. మానవుడిలో పరధీయనాడుల జతల సంఖ్య-
జ: 43
51. శరీరం మొత్తం బరువులో మెదడు బరువు సుమారుగా-
జ: 2 శాతం
52. అసంకల్పిత ప్రతీకార చర్యలు నాడీమండలంలో దేని అధీనంలో ఉంటాయి?
జ: వెన్నుపాము

Posted Date : 04-03-2021

గమనిక : ప్రతిభ.ఈనాడు.నెట్లో వచ్చే ప్రకటనలు అనేక దేశాల నుండి, వ్యాపారస్తులు లేదా వ్యక్తుల నుండి వివిధ పద్ధతులలో సేకరించబడతాయి. ఆయా ప్రకటనకర్తల ఉత్పత్తులు లేదా సేవల గురించి ఈనాడు యాజమాన్యానికీ, ఉద్యోగస్తులకూ ఎటువంటి అవగాహనా ఉండదు. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి తగిన విచారణ చేసి, తగిన జాగ్రత్తలు తీసుకొని కొనుగోలు చేయాలి. ఉత్పత్తులు / సేవలపై ఈనాడు యాజమాన్యానికి ఎటువంటి నియంత్రణ ఉండదు. కనుక ఉత్పత్తులు లేదా సేవల నాణ్యత లేదా లోపాల విషయంలో ఈనాడు యాజమాన్యం ఎటువంటి బాధ్యత వహించదు. ఈ విషయంలో ఎటువంటి ఉత్తర ప్రత్యుత్తరాలకీ తావు లేదు. ఫిర్యాదులు తీసుకోబడవు.

 

పేపర్ - II

పాత ప్రశ్నప‌త్రాలు

 

విద్యా ఉద్యోగ సమాచారం

 

నమూనా ప్రశ్నపత్రాలు

 

లేటెస్ట్ నోటిఫికేష‌న్స్‌