పరీక్షలు దగ్గర పడుతుంటే రకరకాల ఆలోచనలూ, ఒత్తిడితో సరిగా నిద్ర పట్టదు. దాంతో అనేక అనారోగ్య సమస్యలూ వస్తాయి. ఈ చిట్కాలు పాటిస్తే ఒత్తిడికి దూరంగా.. ప్రశాంతతకు దగ్గరగా ఉండొచ్చంటున్నారు నిపుణులు.
‣ కొంతమంది ఎక్కువ సబ్జెక్టులూ, వాటిలో ఎక్కువ చాప్టర్లూ చదివేసెయ్యాలనే పెద్ద లక్ష్యాలను పెట్టుకుంటారు. అది కుదరక నిరాశకు గురవుతుంటారు. అలాకాకుండా ఉండాలంటే ముందుగా చిన్న లక్ష్యాలను పెట్టుకుని అవి సాధించాక.. క్రమంగా పెద్ద లక్ష్యాల జోలికి వెళ్లాలి.
‣ చేయాల్సిన పనులు చాలా ఉంటాయి. కానీ సమయం తక్కువగా ఉంటుంది. ఇలాంటప్పుడు వెంటనే చేయాల్సిన పనుల జాబితాను తయారుచేసుకుంటే ఒత్తిడి కాస్త తగ్గుతుంది.
‣ టైమ్‌ టేబుల్‌ వేసుకుంటే ఒత్తిడి నియంత్రణలో ఉంటుంది. సబ్జెక్టుల క్లిష్టతబట్టి సమయం కేటాయించేలా టైమ్‌ టేబుల్‌ వేసుకోవాలి.
‣ స్నేహితుల్లో కొందరు ఎప్పుడూ ప్రతికూలంగానే ఆలోచిస్తుంటారు. అలాంటివారి మాటలు మన మీదా ప్రతికూల ప్రభావాన్నే చూపిస్తాయి. అంతేకాదు, మనలో ఒత్తిడినీ పెంచేస్తాయి. కాబట్టి సాధ్యమైనంత వరకూ ఇలాంటివారికి దూరంగా ఉండటానికి ప్రయత్నించాలి.
‣ జరిగిన విషయాల గురించీ, జరగబోయే వాటి గురించీ ఎక్కువగా ఆలోచించడం వల్ల ఒత్తిడి పెరుగుతుంది. కాబట్టి వర్తమానంలో మాత్రమే జీవించడాన్ని అలవాటు చేసుకోవాలి.
‣ ‘నేనింతే.. ఇలాగే ఉంటా. నేను మారను’ అని కూర్చోవడం వల్ల పనులు కావు. ఒత్తిడీ పెరుగుతుంది. కాబట్టి పరిస్థితులకు అనుగుణంగా మారడానికి ప్రయత్నించాలి.
‣ సమయ నిర్వహణ తెలిస్తే ఒత్తిడికి గురికారు. ఏ పనికి ఎంత సమయం అవసరమో అంతే కేటాయించాలి.
‣ ‘కాదు’ అని చెప్పలేని మొహమాటంతో ఒత్తిడి పెరిగిపోతుంది. మీరు చదువుకోవాలనుకుంటారు. స్నేహితులేమో కొత్త సినిమా వెంటనే చూడాలంటారు. ఇలాంటి పరిస్థితుల్లో కచ్చితంగా ‘నో’ చెప్పడం వల్ల ఒత్తిడి ఉండదు.
‣ Read Latest job news, Career news, Education news and Telugu news
‣ Follow us on Facebook, Twitter, Koo, Share chat, Google News Subscribe our Youtube Channel.
