* జనవరి 29 దరఖాస్తుకు గడువు
అస్సాంలోని ఆయిల్‌ ఇండియా లిమిటెడ్‌ (ఓఐఎల్‌) 102 గ్రేడ్‌-ఏ, బీ, సీ పోస్టుల భర్తీకి దరఖాస్తులు కోరుతోంది. కంప్యూటర్‌ ఆధారిత పరీక్ష, పర్సనల్‌ ఇంటర్వ్యూ, ప్రొఫిషియన్సీ టెస్ట్‌/ స్కిల్‌ టెస్ట్‌/ ధ్రువపత్రాల పరిశీలన/ వైద్య పరీక్షల ఆధారంగా అభ్యర్థులను ఎంపిక చేస్తారు.
గ్రేడ్‌-సీ అభ్యర్థుల ఎంపిక రెండు దశల్లో జరుగుతుంది. ఫేజ్‌-1లో కంప్యూటర్‌ ఆధారిత పరీక్షకు 100 మార్కులు. దీంట్లో జనరల్‌ అభ్యర్థులు 50 శాతం, ఎస్సీ, ఎస్టీ, పీడబ్ల్యూబీడీ అభ్యర్థులు 40 శాతం మార్కులు సాధించాలి. ఫేజ్‌-2లో పర్సనల్‌ ఇంటర్యూకు 15 మార్కులు. ఇది అర్హత పరీక్ష మాత్రమే.
‣ గ్రేడ్‌-బీ అభ్యర్థులకు కంప్యూటర్‌ బేస్డ్‌ టెస్ట్‌ 100 మార్కులకు ఉంటుంది. దీంట్లో జనరల్‌ అభ్యర్థులు 50 శాతం, ఎస్సీ, ఎస్టీ, పీడబ్ల్యూబీడీ అభ్యర్థులు 40 శాతం మార్కులు సాధించాలి. ఫేజ్‌-2లోని పర్సనల్‌ ఇంటర్యూకు 15 మార్కులు. ఇది అర్హత పరీక్ష మాత్రమే.
‣ కంప్యూటర్‌ ఆధారిత పరీక్ష (సీబీటీ) వ్యవధి గంటన్నర. రాత పరీక్షలో అర్హత సాధించిన వారిని 1:5 నిష్పత్తిలో ఇంటర్వ్యూకు ఎంపిక చేస్తారు.
‣ సీబీటీలోని ప్రశ్నలు సిలబస్‌ ఆధారంగా ఉంటాయి. కాబట్టి చదివిన సబ్జెక్టులోని ముఖ్యాంశాలపై గట్టి పట్టు సాధించాలి.
‣ గ్రేడ్‌-ఏలోని పోస్టుకు ఫేజ్‌-1లో కంప్యూటర్‌ ఆధారిత పరీక్ష 100 మార్కులకు ఉంటుంది. జనరల్‌ అభ్యర్థులు 50 శాతం, ఎస్సీ, ఎస్టీ, పీడబ్ల్యూబీడీ అభ్యర్థులు 40 శాతం మార్కులు సాధించాలి. దీంట్లో అర్హత సాధించినవారిని 1:2 నిష్పత్తిలో స్కిల్‌టెస్ట్‌కు ఎంపిక చేస్తారు. గ్రేడ్‌-2లోని ప్రొఫిషియన్సీ టెస్ట్‌/ స్కిల్‌ టెస్ట్‌లో 100 మార్కులకు 50 మార్కులు సంపాదించాలి. స్కిల్‌ టెస్ట్‌ అనేది అర్హత పరీక్ష మాత్రమే.
‣ ఇంటర్వ్యూ సమయంలో ధ్రువపత్రాలను పరిశీలిస్తారు. ప్రాథమికంగా అర్హత సాధించిన అభ్యర్థులకు వైద్య పరీక్షలు నిర్వహించి తుది ఎంపికచేస్తారు.
‣ ఎంపికైన అభ్యర్థులను దేశంలోని ఐఓఎల్‌ యూనిట్లలో ఎక్కడైనా నియమిస్తారు. బదిలీలూ ఉంటాయి.
‣ ప్రభుత్వ నిబంధనలకు అనుగుణంగా ఎస్సీ/ ఎస్టీ/ ఓబీసీ/ పీడబ్ల్యూబీడీ/ ఈడబ్ల్యూఎస్‌ అభ్యర్థులకు రిజర్వేషన్లు/ సడలింపులు ఉంటాయి.
ఎవరు అర్హులు? ఎన్ని ఖాళీలు?
గ్రేడ్‌-సి:
సూపరింటెండింగ్‌ మెడికల్‌ ఆఫీసర్‌ (ఆర్థోపెడిక్స్‌): 1. ఎంఎస్‌ ఆర్థోపెడిక్స్‌ చేసివుండాలి. గరిష్ఠ వయసు 40 ఏళ్లు.
సూపరింటెండింగ్‌ మెడికల్‌ ఆఫీసర్‌ (రేడియాలజీ): 1. ఎండీ రేడియో డయాగ్నోసిస్‌ పూర్తిచేయాలి. గరిష్ఠ వయసు 37 సంవత్సరాలు.
సూపరింటెండింగ్‌ ఇంజినీర్‌ (ఎన్విరాన్‌మెంట్‌): 2. ఎన్విరాన్‌మెంటల్‌ ఇంజినీరింగ్‌ డిగ్రీ 65 శాతం మార్కులతో పాసవ్వాలి/ ఏదైనా ఇంజినీరింగ్‌ డిగ్రీ పాసై నాలుగేళ్ల అనుభవం ఉండాలి. గరిష్ఠ వయసు 35 సంవత్సరాలు.
గ్రేడ్‌-బి:
సీనియర్‌ ఆఫీసర్‌ (కెమికల్‌): 2. కెమిస్ట్రీలో పోస్ట్‌గ్రాడ్యుయేట్‌ డిగ్రీ 60 శాతం మార్కులతో పాసవ్వాలి. గరిష్ఠ వయసు 29 ఏళ్లు.
సీనియర్‌ ఆఫీసర్‌ (ఎలక్ట్రికల్‌): 10. ఎలక్ట్రికల్‌ ఇంజినీరింగ్‌ డిగ్రీ 65 శాతం మార్కులతో పాసవ్వాలి. గరిష్ఠ వయసు 27 సం.
సీనియర్‌ ఆఫీసర్‌ (ఫైర్‌ అండ్‌ సేఫ్టీ): 11. ఫైర్‌ అండ్‌ సేఫ్టీ ఇంజినీరింగ్‌ 65 శాతం మార్కులతో పాసవ్వాలి. గరిష్ఠ వయసు 27 ఏళ్లు.
సీనియర్‌ అకౌంట్స్‌ ఆఫీసర్‌ / సీనియర్‌ ఇంటర్నల్‌ ఆడిటర్‌: 11. ఐసీఏఐ/ ఐసీఎంఏఐలో అసోసియేట్‌ సభ్యుడై ఉండాలి. గరిష్ఠ వయసు 29 సం.
సీనియర్‌ ఆఫీసర్‌ మెకానికల్‌: 41. మెకానికల్‌ ఇంజినీరింగ్‌ డిగ్రీ 65 శాతం మార్కులతో పాసవ్వాలి. గరిష్ఠ వయసు 27 ఏళ్లు.
సీనియర్‌ ఆఫీసర్‌ (ఇన్‌ఫర్మేషన్‌ టెక్నాలజీ): 3. కంప్యూటర్‌ సైన్స్‌/ ఐటీ ఇంజినీరింగ్‌ డిగ్రీ 65 శాతం మార్కులతో పాసవ్వాలి. గరిష్ఠ వయసు 27 సం.
సీనియర్‌ ఆఫీసర్‌ (ఎలక్ట్రానిక్స్‌ అండ్‌ కమ్యూనికేషన్‌): 6. ఎలక్ట్రానిక్స్‌ అండ్‌ కమ్యూనికేషన్‌ ఇంజినీరింగ్‌ డిగ్రీ 65 శాతం మార్కులతో పాసవ్వాలి. గరిష్ఠ వయసు 27 ఏళ్లు.
సీనియర్‌ ఆఫీసర్‌ (పెట్రోలియం): 5. పెట్రోలియం ఇంజినీరింగ్‌లో మాస్టర్స్‌ డిగ్రీ 60 శాతం మార్కులతో పాసవ్వాలి. గరిష్ఠ వయసు 29 సం.
సీనియర్‌ జియాలజిస్ట్‌: 3. జియాలజీ/ అప్లైడ్‌ జియాలజీ పోస్ట్‌ గ్రాడ్యుయేట్‌ డిగ్రీ 60 శాతం మార్కులతో పాసవ్వాలి. గరిష్ఠ వయసు 32 ఏళ్లు.
సీనియర్‌ ఆఫీసర్‌ (హెచ్‌ఆర్‌): 3. ఎంబీఏ (హెచ్‌ఆర్‌) 60 శాతం మార్కులతో పాసవ్వాలి. గరిష్ఠ వయసు 32 సం.
సీనియర్‌ ఆఫీసర్‌ (హెచ్‌ఎస్‌ఈ): 2. ఎన్విరాన్‌మెంటల్‌ ఇంజినీరింగ్‌ డిగ్రీ 65 శాతం మార్కులతో పాసవ్వాలి. గరిష్ఠ వయసు 32 ఏళ్లు
గ్రేడ్‌-ఎ:
కాన్ఫిడెన్షియల్‌ సెక్రటరీ: 1. షార్ట్‌హ్యాండ్‌లో నైపుణ్యం, ప్రభుత్వ/ పబ్లిక్‌/ ప్రైవేటు రంగంలో రెండేళ్ల ఉద్యోగానుభవం ఉండాలి. ఈ పోస్టును దివ్యాంగులకు కేటాయించారు.గరిష్ఠ వయసు కేటగిరీని బట్టి 40-45 సంవత్సరాలు.
దరఖాస్తు ఫీజు జనరల్‌/ఓబీసీ (ఎన్‌సీఎల్‌) అభ్యర్థులకు రూ.500 + ట్యాక్సులు అదనం. ఎస్సీ/ ఎస్టీ/ పీడబ్ల్యూబీడీ/ ఈడబ్ల్యూఎస్‌/ ఎక్స్‌-సర్వీస్‌మెన్‌ అభ్యర్థులకు ఫీజు లేదు.
దరఖాస్తుకు చివరి తేదీ: 29.01.2024
వెబ్‌సైట్‌: http://www.oil-india.com/
