• facebook
  • twitter
  • whatsapp
  • telegram

విశ్వాసం ఉంటే విలువ త‌గ్గ‌దు!

 

 

నిత్యజీవితంలో మనకు అపజయాలూ, అవమానాలూ ఎదురవుతుంటాయి. అప్పుడప్పుడూ వార్షిక పరీక్షల్లో, పోటీ పరీక్షల్లో విఫలమై నిరాశపడుతుంటాం. ఒక్కోసారి ఎదుటివాళ్లు మనల్ని ఏమాత్రం పట్టించుకోవడం లేదనీ, హేళన చేస్తున్నారనీ బాధపడుతుంటాం. నిజానికి ఇవేమీ మన విలువను తగ్గించలేవు. ఎలాంటి పరిస్థితుల్లోనూ ఆత్మవిశ్వాసాన్ని కోల్పోకుండా ముందుకు సాగిపోవాలి. తాత్కాలికంగా ఎదురయ్యే అవరోధాల వల్ల మన విలువ ఏమాత్రం తగ్గదు.  

 

ఒకసారి వ్యక్తిత్వ వికాస నిపుణుడు ఒకరు ప్రసంగిస్తూ... రూ. రెండువేల నోటును అందరికీ చూపించి..‘ఇది ఎవరికి కావాలి’ అని అడిగారు. అక్కడున్న వారందరూ తమకు కావాలంటూ చేతులు పైకెత్తారు. ఆయన దాన్ని నలిపేసి ‘ఎవరికి కావాలి?’ అని ప్రశ్నించారు. అందరూ తమకు కావాలని చేతులెత్తారు. ఈసారి ఆయన ఆ నోటును నేల మీదకు విసిరేశారు. దుమ్ము అంటిన ఆ నోటును చూపిస్తూ ‘ఇప్పుడు ఎవరికి కావాలి?’ అని అడిగారు. అప్పుడు కూడా అందరూ తమకా నోటు కావాలన్నారు. 

 

వెంటనే ఆయన ‘మీరంతా ఆ నోటును ఎందుకు కావాలనుకుంటున్నారంటే... నేనేం చేసినా దాని విలువ తగ్గలేదు కాబట్టే. అలాగే కష్టాలూ, బాధలూ, అవమానాలూ... ఇవేమీ మీ విలువను తగ్గించలేవు’ అన్నారు. దాంతో హాలంతా చప్పట్లతో మారుమోగిపోయింది! 
 

Posted Date : 15-07-2022 .

గమనిక : ప్రతిభ.ఈనాడు.నెట్లో వచ్చే ప్రకటనలు అనేక దేశాల నుండి, వ్యాపారస్తులు లేదా వ్యక్తుల నుండి వివిధ పద్ధతులలో సేకరించబడతాయి. ఆయా ప్రకటనకర్తల ఉత్పత్తులు లేదా సేవల గురించి ఈనాడు యాజమాన్యానికీ, ఉద్యోగస్తులకూ ఎటువంటి అవగాహనా ఉండదు. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి తగిన విచారణ చేసి, తగిన జాగ్రత్తలు తీసుకొని కొనుగోలు చేయాలి. ఉత్పత్తులు / సేవలపై ఈనాడు యాజమాన్యానికి ఎటువంటి నియంత్రణ ఉండదు. కనుక ఉత్పత్తులు లేదా సేవల నాణ్యత లేదా లోపాల విషయంలో ఈనాడు యాజమాన్యం ఎటువంటి బాధ్యత వహించదు. ఈ విషయంలో ఎటువంటి ఉత్తర ప్రత్యుత్తరాలకీ తావు లేదు. ఫిర్యాదులు తీసుకోబడవు.

 

లేటెస్ట్ నోటిఫికేష‌న్స్‌