మాదిరి సమస్యలు
1. ఒక కుటుంబంలో Q, P, R, S, T అనే అయిదుగురు వ్యక్తులు ఉన్నారు.
i) P, Sలు పెళ్లయిన జంట
ii) S పురుషుడు కాదు
iii) P కుమారుడు T, Q కుమారుడు P
iv) T సోదరి R
అయితే S, Q కు ఏమవుతారు?
1) మనవరాలు 2) కోడలు 3) కుమార్తె 4) తల్లి
సాధన: i. P, Sలు పెళ్లయిన జంట. వారిని కింది విధంగా సూచించవచ్చు.
సమాధానం: 2
2. B సోదరి A, B తల్లి C, C తండ్రి D, D తల్లి E. అయితే D కి A ఏమవుతారు?
1) మనవరాలు 2) కుమార్తె 3) అత్తయ్య 4) తండ్రి
సాధన: దత్తాంశం ప్రకారం, మొత్తం కుటుంబ చిత్రాన్ని కింది విధంగా సూచించవచ్చు.
సమాధానం: 1
3. P, Q , R, S, T, U అనే పిల్లలు ఫుట్బాల్ ఆడుతున్నారు. వారిలో P, T లు సోదరులు. T కి సోదరి U. P పినతండ్రి కొడుకు R. R తండ్రి సోదరుడి కుమార్తెలు Q, S. అయితే U కి R ఏమవుతారు?
1) సోదరి 2) సోదరుడు 3) కుమారుడు 4) మామయ్య
సాధన: దత్తాంశం ప్రకారం, మొత్తం కుటుంబాన్ని కింది విధంగా సూచించవచ్చు.
పై చిత్రం ఆధారంగా U కి ళR సోదరుడు అవుతాడు.
సమాధానం: 2
4. P కుమారుడు Q, Q కుమార్తె X, X మేనత్త R, R కుమారుడు L. అయితే P కి L ఏమవుతారు?
1) మనవడు 2) మనవరాలు 3) కుమార్తె 4) మేనకోడలు
సాధన: దత్తాంశం ప్రకారం,
5. Q తండ్రి B. Bకు ఇద్దరు పిల్లలు ఉన్నారు. R సోదరుడు Q. P కుమార్తె R. P మనవరాలు A, A తండ్రి S. అయితే S కి Q ఏమవుతారు?
1) కుమారుడు 2) అల్లుడు 3) సోదరుడు 4) బావ
సాధన: దత్తాంశం ప్రకారం Q తండ్రి B, B కు ఇద్దరు పిల్లలు, R సోదరుడు Q
పై చిత్రం ఆధారంగా B, P లు భార్యా భర్తలు, P మనవరాలు A, A తండ్రి S. మొత్తం కుటుంబ చిత్రాన్ని కింది విధంగా గీయొచ్చు.
పై చిత్రం నుంచి S కి Q బావ అవుతాడు.
సమాధానం: 4
6. A, Q, Y, Z లు వేర్వేరు వ్యక్తులు. Q తండ్రి Z. Y కుమార్తె A, Z కుమారుడు Y. Y కుమారుడు P, P సోదరుడు B అయితే,
1) B, Y లు సోదరులు 2) B సోదరి A 3) Bమామయ్య Z 4) Q, Y లు సోదరులు
సాధన: దత్తాంశం ప్రకారం,
పై చిత్రం ఆధారంగా 'B సోదరి A'
సమాధానం: 2
7. K సోదరుడు D, K సోదరి M. Tఅనే వ్యక్తి R కి తండ్రి, M కి సోదరుడు R. K తల్లి F. అయితే T, F లకు కనీసం ఎంతమంది కుమారులు ఉన్నారు?
1) 2 2) 3 3) 4 4)చెప్పలేం
సాధన: దత్తాంశం ప్రకారం,
పై చిత్రం నుంచి T, F ల పిల్లలు R, M, K, D. ప్రశ్నలో K నిర్దిష్టమైన లింగాన్ని పేర్కొనలేదు. T, F ల కొడుకులు D, R. కాబట్టి T, F లు కనీసం ఇద్దరు మగ సంతానాన్ని కలిగి ఉన్నారు.
సమాధానం: 1
వివిధ రక్త సంబంధాలు
* తండ్రి లేదా తల్లి కుమారుడు - సోదరుడు
* తండ్రి లేదా తల్లి కుమార్తె - సోదరి
* తండ్రి సోదరుడు - పినతండ్రి (బాబాయ్)
* తల్లి సోదరుడు - మేనమామ
* తండ్రి సోదరి - మేనత్త
* తల్లి సోదరి - పినతల్లి (పిన్ని)
* తల్లి లేదా తండ్రికి తండ్రి - తాత
* కుమార్తె భర్త - అల్లుడు
* భర్త లేదా భార్య సోదరి - మరదలు
* భర్త లేదా భార్య సోదరుడు - మరిది
* కుమార్తె భర్త - అల్లుడు
* భార్య లేదా భర్త తండ్రి - మామయ్య
* భార్య లేదా భర్త తల్లి - అత్తయ్య
* అన్న భార్య - వదిన
* తమ్ముడి భార్య - మరదలు
* సోదరి కొడుకు/ కూతురు : పురుషుడికి - మేనల్లుడు/ మేనకోడలు; మహిళకు - కొడుకు/ కూతురు
* తాతయ్య ఏకైక కుమారుడు - నాన్న
* తాతయ్య ఏకైక కుమార్తె - అమ్మ
* అమ్మ లేదా నాన్న ఏకైక కుమారుడు - అతడే
* అమ్మ లేదా నాన్న ఏకైక కుమార్తె - ఆమే
గమనిక: రక్త సంబంధాలపై అడిగే ప్రశ్నల్లో ఇంగ్లిష్ - తెలుగు వర్షన్లలో కొంచెం తేడా ఉంటుంది. అభ్యర్థులు ఏదో ఒకదాన్ని మాత్రమే అనుసరించాలి. ఉదా: మనం పిన్ని లేదా పెద్దమ్మ కూతురు, కొడుకులను తెలుగులో అక్క, చెల్లి, అన్న, తమ్ముడిగా సంబోధిస్తే, ఇంగ్లిష్లో వారందరినీ ‘కజిన్’గా పిలుస్తారు.