టెట్ పేపర్-2లో గణితం, సైన్సు విభాగ అభ్యర్థులు ఎక్కువ దృష్టి కేంద్రీకరించవలసిన ఆవశ్యకత ఉంది. డిగ్రీ స్థాయిలో గణితం అభ్యసించినవారు జీవశాస్త్ర విషయాలను, డిగ్రీస్థాయిలో సామాన్యశాస్త్రాన్ని అభ్యసించినవారు గణిత, భౌతికశాస్త్ర అంశాలపై దృష్టి కేంద్రీకరించాలి. సులభంగా ఉండి ఇప్పటికే బాగా పట్టు సాధించిన అంశాలకు కాకుండా మిగతా విషయాలకు ఎక్కువ సమయం కేటాయిస్తే మంచి ఫలితాలు పొందవచ్చు.
పేపర్-2లో కంటెంట్ పదోతరగతి స్థాయిలో ప్రశ్నలు అడుగుతారు. ప్రాథమిక, కీలక భావనలపై అవగాహన అవసరం. అందరు అభ్యర్థులూ పదో తరగతి వరకు గణితం అభ్యసించినవారే కాబట్టి ఆందోళన అనవసరం. ప్రశ్నలు కనీస సామర్థ్యాలను పరీక్షించేవిగా, అవగాహనను పరిశీలించేవిగా ఉంటాయి. తరచూ పునరావృతమయ్యే భావనలకు సంబంధించిన సమస్యలను ఎక్కువసార్లు సాధిస్తే మంచి మార్కులు పొందవచ్చు. బీజగణితం, క్షేత్రమితి, రేఖాగణితం, అంకగణితం అంశాలు ఉన్నత పాఠశాల స్థాయిలోనివే. ఆత్మవిశ్వాసంతో నిర్విరామ సాధన అవసరం.
ఇవి గమనించండి
‣ ఇప్పుడు మిగిలున్న కొద్ది రోజులూ నిరుత్సాహాన్ని వదిలి ఉత్సాహపూరిత వాతావరణంలో అభ్యసించాలి.
‣ ఈ నిర్ణీత సమయంలో సిలబస్లోని ప్రధాన అంశాలకే పరీక్ష దృష్ట్యా ప్రాధాన్యమివ్వాలి.
‣ ఇప్పటికే ప్రాథమిక భావనలపై పట్టు సాధించి ఉంటారు కాబట్టి అవగాహన, వినియోగస్థాయి ప్రశ్నలపై ప్రత్యేక దృష్టిసారించాలి.
‣ గత టెట్ ప్రశ్నపత్రాల పరిశీలన, విశ్లేషణ ఆధారంగా అధికశాతం ప్రశ్నలు అభ్యర్థి అవగాహనను, అనుప్రయుక్త సామర్థ్యాలను అంచనావేసే ప్రశ్నలు అడుగుతున్నారు. ఆ విధమైన ప్రశ్నలకు సరైన సమాధానాలు రాసేలా మెలకువలు, నైపుణ్యం అత్యావశ్యకం.
‣ నూతన అంశాల జోలికి వెళ్లకుండా గతంలో అధ్యయనం చేసిన ప్రామాణిక మెటీరియల్నే పునరభ్యసం, పునశ్చరణ చేయాలి.
‣ వీలైనన్ని మాదిరి- ప్రామాణిక ప్రశ్నపత్రాలు సాధన చేయాలి.
‣ ఉన్న కొద్దిపాటి సమయాన్ని ఏకాగ్రత, ఓర్పు, క్రమశిక్షణతో సద్వినియోగం చేసుకోవాలి. పరీక్ష హాలులో సకాలంలో అన్నిటికీ జవాబులు రాసేలా మెలకువలు పాటించాలి.
‣ మెథడాలజీలో కామన్గా ఉండే అధ్యాయాలపై ప్రత్యేక శ్రద్ధ అవసరం. చాలావరకు ఇతర సబ్జెక్టు మెథడాలజీలో కూడా అవే అంశాలు పునరావృతమయ్యే అవకాశం ఎక్కువ. ఇలా సమయం ఆదా అవుతుంది. విషయంపై పునర్బలనం కలుగుతుంది. ఈ సమయం వేరొక సబ్జెక్టు అభ్యసనానికి దోహదపడుతుంది.
‣ శిశువికాసం- అధ్యాపనం, బోధన విధానాలు రెండు పేపర్లకూ ఒకే సన్నద్ధత ఉపయోగపడుతుంది.
‣ డిగ్రీలో తాము చదివిన ప్రధాన సబ్జెక్టు కాకుండా మిగతావాటిపైనా పట్టు సాధించాలి.
‣ విషయంపై జ్ఞానంతోపాటు అవగాహన, అనుప్రయుక్తం అవసరం.
‣ సమాధానం గుర్తించడంలో సరైన మెలకువలు పాటించాలి.
‣ కఠినతా స్థాయి ఎక్కువగా ఉండే ప్రశ్నలను సాధించే క్రమంలో సమయం వృథా కాకుండా జాగ్రత్త వహించి, ఒత్తిడికి దూరంగా ఉండాలి. వీటికి పరీక్ష చివరి సమయంలో సమాధానాలు రాయాలి.
‣ ఆత్మవిశ్వాసం, మనోబలం, నైపుణ్యం, మెలకువలు.. ఇవీ మీ విజయానికి సోపానాలు!
వీటిపై దృష్టిపెట్టాలి
Posted Date : 06-11-2020
ప్రత్యేక కథనాలు
- మౌలిక అంశాలే ముఖ్యం
- మంచి మార్కులు సాధించాలంటే?
- ‘టెట్’ కాలపరిమితి.. జీవితకాలం
- టెట్లో తెలుగెంత?
- టెట్ జీవశాస్త్రంలో మెరిసేదెలా?
Previous Papers
- APTET Paper-1A SGT (Session-1) &
- APTET Paper-1A SGT (Session-2) &
- APTET Paper-1A SGT (Session-1) &
- APTET Paper-1A SGT (Session-2) &
- APTET Paper-1A SGT (Session-1) &
విద్యా ఉద్యోగ సమాచారం
- Latest News: 06-05-2024 తాజా విద్యా ఉద్యోగ సమాచారం
- KU degree: నేటి నుంచి కేయూ డిగ్రీ సెమిస్టర్ పరీక్షలు
- NEET: ముగిసిన నీట్-యూజీ పరీక్ష
- TET: ఉపాధ్యాయుల పదోన్నతికి టెట్ అవసరం లేదు
- NEET: మధ్యస్థంగా నీట్ ప్రవేశ పరీక్ష
- Recruitment: జూన్ 20 నుంచి ఆర్మీ రిక్రూట్మెంట్ ర్యాలీ
Model Papers
- AP TET (Paper-1) - 1
- Tet(paper-2a, maths&science) - 2
- Tet(paper-2a, maths&science) - 1
- Tet(paper-2a, social studies) - 2
- Tet(paper-2a, social studies) - 1