‘విశాల్కు లెక్కల్లో వందకు వంద.. లేకపోతే తొంభై తొమ్మిదయినా రావడం ఖాయం. రిషితకు సైన్స్ అంటే ప్రాణం. తనకూ అంతే తొంభైపైనే రావచ్చు. ఫైనల్ పరీక్షల్లోనూ వీళ్లందరికీ మంచి మార్కులే వస్తాయి. నా సంగతి ఏమవుతుందో’ అని రకరకాలుగా ఆలోచిస్తోంది వినీల. ఇలా తమను తాము ఇతరులతో పోల్చుకుంటూ చాలామంది విద్యార్థులు మథనపడుతుంటారు. పరీక్షల ముందు ఇలాంటి ఆలోచనలు మరింత భయపెడుతుంటాయి. మరేం చేయాలి?
‣ కొన్ని సబ్జెక్టులు సులువుగా అర్థం కావచ్చు. మరికొన్ని కష్టంగా ఉండొచ్చు. అలాంటివాటికి అదనంగా సమయాన్ని కేటాయించి మెరుగుపరుచుకోవడానికి ప్రయత్నించాలి. ఇతరులు ఎలా చదువుతున్నారనేది మీకు అనవసరం. మీ దృష్టి ఎప్పుడూ మీ సామర్థ్యాన్ని మెరుగుపరుచుకోవడం మీదే ఉండాలి.
‣ మీ బలహీనతలను ఇతరులతో పోల్చుకుని చూసుకోవడం వల్ల మరింత బలహీనపడతారు. వాటిని అధిగమించే మార్గాల గురించి మాత్రమే అన్వేషించాలి.
‣ నిజానికి పోల్చుకోవడం అనేది... చాలామంది విషయంలో సాధారణంగా జరిగేదే. అది ఒకస్థాయి వరకూ పరిమితమైతే.. ఇతరులతో పోటీపడి చదివే అవకాశం ఉంటుంది. కానీ అదేపనిగా పోల్చుకోవడం వల్ల నమ్మకాన్ని కోల్పోతారు. అదే అలవాటుగా మారితే ఒత్తిడి, ప్రతికూల ఆలోచనలు పెరుగుతాయి.
‣ పదేపదే ఇతరులతో మిమ్మల్ని మీరు పోల్చుకోవడం వల్ల.. ఆత్మవిశ్వాసాన్ని కోల్పోవచ్చు. ఆ ప్రభావం పరీక్షా ఫలితాల మీదా పడుతుంది.
********************************************************
మరింత సమాచారం ... మీ కోసం!
‣ స్టాక్ మార్కెట్ పాఠాలు కావాలా?
‣ సొంతంగా వ్యాపారం.. ఐఐఎం నేర్పిస్తుంది!
‣ ఆస్ట్రేలియా వీసా డబ్బు రిఫండ్!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.