ఒక కచ్చితమైన (క్రమ) నియమాన్ని అనుసరించి ఉండే సంఖ్యల జాబితాను 'శ్రేఢి' అంటారు. శ్రేఢిలోని సంఖ్యలను 'పదాలు' అంటారు.
ఉదా: 1, 4, 7, 10, 13, .........
     2, 4, 8, 16, 32, .........
అంకశ్రేఢి: మొదటి పదం తప్ప మిగిలిన అన్ని పదాలు, ముందున్న పదానికి ఒక స్థిర సంఖ్యను కలపడం లేదా తీసివేయడం వల్ల వచ్చే జాబితాను 'అంకశ్రేఢి' అంటారు.
* స్థిర సంఖ్యను సామాన్య భేదం లేదా పదాంతరం అంటారు. దీన్ని 'd' తో సూచిస్తారు.
* పదాంతరం ధనాత్మకం లేదా రుణాత్మకం లేదా సున్నా కావచ్చు.
ఉదా: 1, 3, 5, 7, 9, .........
* అంకశ్రేఢిలో మొదటిపదం a₁, రెండో పదం a₂, ...... nవ పదాన్ని a_n గా పిలుస్తారు. శ్రేఢి a₁, a₂, a₃, ......... anగా ఉంటుంది.
* సామాన్య భేదం (d) = a₂ - a₁ = a₃ - a₂ ....... = a_n - an _{- 1} = a_{k + 1} - a_k
* అంకశ్రేఢిలో మొదటిపదం a, సామాన్య భేదం d అయితే అంకశ్రేఢి కింది రూపంలో ఉంటుంది.
             a, a + d, a + 2d, a + 3d, .........