Asked By: ఎస్‌.పద్మ
Ans:
మీ అబ్బాయి తన కెరియర్‌ గురించి ఈ పాటికే ఒక నిర్ణయం తీసుకొనివుంటాడు. ఇంజినీరింగ్ పూర్తయ్యాక కూడా తల్లిదండ్రులు, బంధువులు కెరియర్‌ను నిర్ణయించడం శ్రేయస్కరం కాదు. ఎంటెక్‌ చేయాలా, ఎంబీఏ చేయాలా, ఎంబీఏ చేస్తే ఇండియా లోనా, విదేశాల్లోనా అనేవి అతనికే వదిలివేయడం మంచిది. తల్లిదండ్రులుగా అన్ని అవకాశాల్లో ఉన్న సాధకబాధకాలు చర్చించి నిర్ణయం మాత్రం తననే తీసుకోనివ్వండి.
ఐసెట్‌లో మంచి ర్యాంకు వస్తే రాష్ట్రంలో ఉన్న మంచి ఎంబీఏ కాలేజీల్లో మాత్రమే చదివే అవకాశం ఉంటుంది. టిస్‌నెట్‌లో మెరుగైన ప్రతిభ కనపరిస్తే టాటా ఇన్‌స్టిట్యూట్‌ ఆఫ్‌ సోషల్‌ సైన్సెస్‌లో మాత్రమే చదివే అవకాశం ఉంటుంది. క్యాట్‌లో మంచి స్కోరు పొందితే ఐఐఎంల్లో, దేశంలో ఉన్న కొన్ని ప్రముఖ బిజినెస్‌ స్కూళ్లలో ప్రవేశం పొందవచ్చు. కొన్ని ప్రైవేటు బిజినెస్‌ స్కూల్స్‌ ప్రత్యేక ప్రవేశపరీక్షలు తామే నిర్వహించి ఎంబీఏ కోర్సులో అడ్మిషన్లు చేపడుతున్నాయి. విదేశాల్లో ఎంబీఏ విషయానికొస్తే జీమ్యాట్‌ తోపాటు టోఫెల్‌/ఐఈఎల్‌టీఎస్‌లో మంచి స్కోరు పొంది, ప్రముఖ యూనివర్సిటీల్లో ప్రవేశానికి ప్రయత్నాలు చేయవచ్చు. సాధారణంగా విదేశాల్లో ఎంబీఏ చేయడానికి కనీసం రెండేళ్ల ఉద్యోగానుభవం ఉండటం మంచిది. ప్రపంచ ప్రఖ్యాత బిజినెస్‌ స్కూళ్లలో ఎంబీఏ చదవాలంటే కనీసం కోటి రూపాయలు ట్యూషన్‌ ఫీజు చెల్లించాలి. ఈ విషయాలన్నీ దృష్టిలో పెట్టుకొని నిర్ణయం తీసుకోండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: పి.హరితేజ
Ans:
ఇంజినీరింగ్‌లో ఈసీఈ చదువుతూ సీ‡ఎస్‌ఈ విద్యార్థిలా కోడింగ్‌ చేయగలగడం పెద్ద కష్టమేమీ కాదు. ముందుగా ఈ రెండు బ్రాంచ్‌ల సిలబస్‌ పరిశీలించండి. రెండిటిలో కామన్‌గా ఉన్న సబ్జెక్టులను ఎలాగూ మీరు చదువుతారు. సీఎస్‌ఈలో కోడింగ్‌కి సంబంధించిన సబ్జెక్టులు ఏమున్నాయో తెలుసుకొని వాటిని నేర్చుకొనే ప్రయత్నం చేయండి. ముందుగా ఎంఎస్‌ ఎక్సెల్, సీ, సీ ప్లస్ ప్లస్, ఆర్, జావా, పైతాన్ ప్రోగ్రామింగ్‌లను నేర్చుకోవడం మొదలుపెట్టండి. తరువాత వెబ్‌ డెవలప్మెంట్ లాంటి కోర్సులను కూడా చేయండి. వీటితో పాటు కోర్స్‌ఎరా, యుడెమి, ఎడెక్స్, ఉడాసిటీ, ఖాన్‌ అకాడెమీ, స్వయం, ఎన్‌పీటెల్‌తో పాటు కోడింగ్‌కి సంబంధించిన ప్రత్యేక ఆన్‌లైన్‌ ప్లాట్‌ఫామ్‌ల నుంచి సరైన కోర్సులు చేయండి. కోడింగ్‌ మీద ఎక్కువ శ్రద్ధ పెట్టి ఈసీఈ కోర్సును నిర్లక్ష్యం చేయకండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: పి.హరితేజ
Ans:
ఇంజినీరింగ్‌లో ఈసీఈ చదువుతూ సీ‡ఎస్‌ఈ విద్యార్థిలా కోడింగ్‌ చేయగలగడం పెద్ద కష్టమేమీ కాదు. ముందుగా ఈ రెండు బ్రాంచ్‌ల సిలబస్‌ పరిశీలించండి. రెండిటిలో కామన్‌గా ఉన్న సబ్జెక్టులను ఎలాగూ మీరు చదువుతారు. సీఎస్‌ఈలో కోడింగ్‌కి సంబంధించిన సబ్జెక్టులు ఏమున్నాయో తెలుసుకొని వాటిని నేర్చుకొనే ప్రయత్నం చేయండి. ముందుగా ఎంఎస్‌ ఎక్సెల్, సీ, సీ ప్లస్ ప్లస్, ఆర్, జావా, పైతాన్ ప్రోగ్రామింగ్‌లను నేర్చుకోవడం మొదలుపెట్టండి. తరువాత వెబ్‌ డెవలప్మెంట్ లాంటి కోర్సులను కూడా చేయండి. వీటితో పాటు కోర్స్‌ఎరా, యుడెమి, ఎడెక్స్, ఉడాసిటీ, ఖాన్‌ అకాడెమీ, స్వయం, ఎన్‌పీటెల్‌తో పాటు కోడింగ్‌కి సంబంధించిన ప్రత్యేక ఆన్‌లైన్‌ ప్లాట్‌ఫామ్‌ల నుంచి సరైన కోర్సులు చేయండి. కోడింగ్‌ మీద ఎక్కువ శ్రద్ధ పెట్టి ఈసీఈ కోర్సును నిర్లక్ష్యం చేయకండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: రోహిత్‌
Ans:
మధ్యలోనే మానేసి నాకిష్టమైనది చదవాలా? ఎటూ తేల్చుకోలేకపోతున్నాను. - రోహిత్‌
ప్రస్తుతం మీ సమస్య చాలామంది విద్యార్థులు ఎదుర్కొంటున్నదే. మనదేశంలో సరైన కెరియర్‌ నిర్ణయాలను తీసుకోవడంలో విద్యార్థులూ, వారి తల్లిదండ్రులూ చాలాసార్లు విఫలమవుతున్నారు. పిల్లల ఇష్టాయిష్టాలతో సంబంధం లేకుండా తల్లిదండ్రులు సామాజిక హోదా కోసం వారిని బలవంతంగా ఇంజినీరింగ్/ ఇతర కోర్సులు చదివిస్తున్నారు.
ఇంజినీరింగ్‌లో చాలా బ్రాంచ్‌లు ఉన్నప్పటికీ త్వరగా ఉద్యోగం వస్తుందన్న ఆశతో కంప్యూటర్‌ సైన్స్, డేటా సైన్స్, ఐటీ, ఏఐ లాంటి బ్రాంచీల్లో మూకుమ్మడిగా చేర్పిస్తున్నారు. నాలుగు, ఐదు సంవత్సరాల తరువాత ఒకవేళ పరిస్థితులు మారితే మనదేశంలో కంప్యూటర్‌ సైన్స్ చదివిన నిరుద్యోగులు చాలామంది ఉండొచ్చు. ఈ మొత్తం ప్రక్రియలో విద్యార్థులు చాలా సందర్భాల్లో వారికి నచ్చని కోర్సులు చదవలేక, వదిలి రాలేక సతమతమవుతున్నారు.
మీ విషయానికొస్తే ఆసక్తి లేని కోర్సును చదవడం అనవసరం. ఇంజినీరింగ్ కోర్సును మధ్యలో వదిలివేయడం కంటే మీరు ఏ కోర్సు, ఎక్కడ చదవాలని అనుకుంటున్నారో ముందుగా నిర్ణయించుకోండి. కాలేజీల్లో, యూనివర్సిటీల్లో ‘సోషల్‌ వెల్ఫేర్‌’ అనే కోర్సు ప్రత్యేకంగా ఉండదు. రూరల్‌ డెవలప్మెంట్, సోషియాలజీ, సోషల్‌ వర్క్‌ లాంటి సోషల్‌ సైన్స్ కోర్సుల్లో నచ్చిన కోర్సును ఎంచుకోండి. సామాజిక సేవ, సంక్షేమం, అభివృద్ధి లాంటి రంగాల్లో పనిచేసేవారికి ఆత్మసంతృప్తి ఉంటుంది. అయితే సాప్ట్‌వేర్‌ రంగంలో ఉన్నంత పెద్ద వేతనాలు దక్కవు.
ప్రస్తుతం మీరు అనుకొంటున్న కెరియర్‌తో జీవితకాలం ప్రయాణించగలరా లేదా అనేది ఆలోచించండి. అసలు ‘సోషల్‌ వెల్ఫేర్‌’ అంటే మీ ఉద్దేశం ఎంటి? స్వచ్ఛంద సంస్థల ద్వారా సమాజాభివృద్ధి చేయడమా, ఏదైనా ప్రభుత్వ ఉద్యోగం ద్వారా చేయడమా? దీనిపై స్పష్టత పొందండి.
ఒకవేళ ప్రభుత్వ ఉద్యోగం ద్వారా సమాజాభివృద్ధి చేయాలనుకుంటే మీముందు మూడు అవకాశాలున్నాయి. 1) ఇంజినీరింగ్ డిగ్రీని పూర్తి చేసి సివిల్ సర్వీసెస్‌/ రాష్ట్ర పబ్లిక్‌ సర్వీస్‌ కమిషన్‌ ఉద్యోగాలకోసం ప్రయత్నించడం. 2) ఇంజినీరింగ్ కోర్సును మధ్యలోనే వదిలేసి, సోషల్‌ సైన్స్ సబ్జెక్టులతో డిగ్రీ చేస్తూ, ప్రభుత్వ ఉద్యోగాలకు సన్నద్ధం అవడం. 3) డిగ్రీ పూర్తయ్యాక, విదేశాల్లో సోషల్‌ సైన్స్ సంబంధిత కోర్సులు చదివి, అంతర్జాతీయ స్వచ్ఛంద సంస్థల్లో ఉద్యోగం చేస్తూ మీ ఆశయాన్ని నెరవేర్చుకోవడం. మీరు ఏ నిర్ణయం తీసుకున్నా, దాని పర్యవసానాలు మీరే అనుభవించాలి కాబట్టి, అన్ని కోణాల్లో ఆలోచించుకోండి. మీ మనసుకూ, జీవితానికీ సరిపడే సరైన నిర్ణయాన్ని తీసుకోండి! - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: రమ్యకృష్ణ
Ans:
- నచ్చింది చదవడానికి వయసు ఎప్పుడూ అడ్డంకి కాదు. కానీ, విదేశీ విద్య విషయానికి వచ్చేసరికి వీసా నిబంధనలు పరిశీలించి సరైన నిర్ణయం తీసుకోవాలి. ముందుగా.. మీరు ఏ దేశంలో ఉన్నత విద్యను చదవాలని అనుకుంటున్నారో.. ఆ దేశ వీసా నిబంధనలను తెలుసుకోండి. సాధారణంగా అమెరికా, కెనడా లాంటి దేశాల్లో 30 సంవత్సరాలు దాటిన వారికి స్టూడెంట్‌ వీసా, స్కాలర్‌షిప్‌ పొందడంలో కొన్ని ఇబ్బందులు ఉంటాయి. మీ చదువుకి అయ్యే మొత్తం ఖర్చు మీరే భరిస్తే ప్రోగ్రామింగ్‌ కోర్సు చేసే అవకాశం ఉంది. మీ విద్యార్హతలను పరిగణనలోకి తీసుకుంటే మీరు స్టూడెంట్‌గా కాకుండా స్టెమ్‌ (సైన్స్, టెక్నాలజీ, ఇంజినీరింగ్, మేథమెటిక్స్‌) ప్రొఫెషనల్‌ కేటగిరీలో నేరుగా పర్మినెంట్‌ రెసిడెంట్‌ వీసా కోసం ప్రయత్నం చేసుకుని.. అక్కడ ఉద్యోగం సంపాదించే అవకాశం ఉంది. ఈ వయసులో ఈ నిర్ణయం సరైనదేనా, కాదా అనేది మీ కుటుంబ పరిస్థితులు, ఆర్థిక స్థాయిని బట్టి ఉంటుంది. ఈ నిర్ణయం మీతోపాటు మీ కుటుంబ సభ్యుల భవిష్యత్తుని కూడా ప్రభావితం చేస్తుంది. కాబట్టి అందరితో చర్చించి.. లాభనష్టాలను బేరీజు వేసుకుని ముందుకు వెళ్లండి.
Asked By: ఎ.రాజు, మచిలీపట్నం
Ans:
ఐటీ, కంప్యూటర్‌ సైన్స్ ఉద్యోగ విప్లవాల తరువాత సంప్రదాయ కోర్సులైన సివిల్, మెకానికల్, ఎలక్ట్రికల్, ఎలక్ట్రానిక్స్‌ లాంటి కోర్సులు చదివినవారికి ఉద్యోగావకాశాలు బాగా తగ్గిపోయాయి. ఇలాంటి సంప్రదాయ కోర్సులు చదివినవారు క్యాంపస్‌ రిక్రూట్‌మెంట్‌లో ఉద్యోగం పొందలేకపోతే, కాలేజ్‌ నుంచి బయటకి వచ్చాక సొంతంగా ఉద్యోగాలు సంపాదించడం చాలా కష్టంగా ఉంది. ఈ పోటీ ప్రపంచంలో ఉద్యోగం పొందాలంటే నైపుణ్యాలు మెరుగుపర్చుకోవడం చాలా అవసరం. ఆసక్తి ఉంటే ఏవైనా స్వల్పకాలిక ప్రోగ్రామింగ్‌ కోర్సులు నేర్చుకొని ఐటీ రంగంలో ఉద్యోగావకాశాల కోసం ప్రయత్నించండి. డేటా సైన్స్, డేటా అనలిటిక్స్, బిజినెస్‌ అనలిటిక్స్ లాంటి కోర్సుల్లో శిక్షణ పొందే అవకాశం ఉంది. మెరుగైన ఉపాధి అవకాశాల కోసం ప్రతిష్ఠాత్మక విద్యాసంస్థల నుంచి ఎంబీఏ చేసే అవకాశం కూడా ఉంది. మెకానికల్ ఇంజినీరింగ్‌లోనే స్వల్పకాలిక కోర్సుల విషయానికొస్తే- ఆటో క్యాడ్, త్రీడీ ప్రింటింగ్, మెకట్రానిక్స్, ప్రొడక్ట్‌ డిజైన్, ప్రెడిక్టివ్‌ మెయింటెనెన్స్, డీప్‌ లెర్నింగ్, మెషిన్‌ లెర్నింగ్ విత్‌ పైతాన్, రోబోటిక్‌ ఆపరేటింగ్‌ సిస్టం, మ్యాట్‌ ల్యాబ్, సిగ్నల్‌ ప్రాసెసింగ్‌ టెక్నాలజీ, డిజైన్ ఆఫ్‌ మౌల్డ్స్‌ లాంటి కోర్సులు చేయొచ్చు. మరిన్ని స్వల్పకాలిక కోర్సుల వివరాల కోసం సెంట్రల్‌ ఇన్‌స్టిట్యూట్‌ ఆఫ్‌ టూల్‌ డిజైన్ వెబ్‌సైట్‌ సందర్శించండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: జి.అరుణ్‌కుమార్‌
Ans:
36 ఏళ్ల వయసులో మాస్టర్స్ ప్రోగ్రామ్ చేయాలనుకొంటున్నందుకు అభినందనలు. జర్మనీలో మాస్టర్స్ చేయడానికి వయః పరిమితి లేదు. మీరు ఎంచుకొన్న కోర్సు/ యూనివర్సిటీలకు అవసరమైన పరీక్షలు (జీఆర్‌ఈ/ జీమ్యాట్‌/ టోఫెల్‌/ ఐఈఎల్‌ఈఎస్‌) రాసి, ఆయా యూనివర్సిటీలు నిర్దేశించిన కనిష్ఠ స్కోర్లను పొందాక దరఖాస్తు చేయాలి. సాధారణంగా జర్మనీలో చాలా పబ్లిక్‌ యూనివర్సిటీలు డిగ్రీలో కనీసం 70% మార్కులు ఉన్నవారికే పీజీలో ప్రవేశం కల్పిస్తున్నాయి. మీ ఇంజినీరింగ్ ఫస్ట్‌ క్లాస్ డిగ్రీతో, అతి తక్కువ యూనివర్సిటీల్లో మాత్రమే పీజీ చదవడానికి అర్హులవుతారు. డిగ్రీలో తక్కువ మార్కులు ఉన్నందున పీజీలో ప్రవేశం పొందినా స్కాలర్‌షిప్‌/ ఫెలోషిప్‌ అవకాశాలు తక్కువే. చాలా అంతర్జాతీయ యూనివర్సిటీలు డిగ్రీ/ అర్హత పరీక్షలో పొందిన మార్కులతో పాటు రిఫరెన్స్‌ లెటర్లు, స్టేట్‌మెంట్‌ ఆఫ్‌ పర్పస్, వివరణాత్మక బయోడేటా, ఉద్యోగానుభవం లాంటి అంశాలనూ పరిగణనలోకి తీసుకొంటాయి. యూనివర్సిటీలో ప్రవేశం లభించిన తరువాత కూడా కొన్ని సందర్భాల్లో వయసు ఎక్కువగా ఉన్నందున వీసా లభించకపోయే అవకాశం ఉంది. కానీ రిస్క్‌ తీసుకొని ప్రయత్నం చేస్తే మీ కలను నిజం చేసుకోవచ్చు. ఒకవేళ జర్మనీలో చదవడం సాధ్యం కాకపోతే మరేదైనా దేశంలో అయినా పీజీ చేసే ప్రయత్నం చేయండి. ఈ వయసులో మాస్టర్స్ చదవడం సరైన నిర్ణయమేనా అనేది మీ ఆర్థిక పరిస్థితులు, కుటుంబ బాధ్యతలను బట్టి ఆలోచించండి. పీజీ చదివాక జర్మనీలో స్థిరపడతారా, మరేదైనా దేశానికి వెళ్తారా, మళ్ళీ ఇక్కడికే వస్తారా, ఉద్యోగానికి సెలవు పెట్టి వెళ్తారా, ఉద్యోగానికి రాజీనామా చేసి వెళ్తారా అనే అంశాలతో పాటు, మీ స్వల్పకాలిక/ దీర్ఘకాలిక ఆశయాలను కూడా దృష్టిలో పెట్టుకొని సరైన నిర్ణయం తీసుకోండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: ఎస్‌. సురేష్‌తేజ
Ans:
సాధారణంగా రెగ్యులర్‌గా చదివిన డిగ్రీలకూ, ఆన్‌లైన్‌ డిగ్రీలకూ సమానమైన హోదానే ఉంటుంది. కాకపోతే ఇంటర్వ్యూల్లో ఆన్‌లైన్‌ డిగ్రీలున్నవారితో పోలిస్తే రెగ్యులర్‌ డిగ్రీలు చదివినవారిపై కొంత సానుకూలత ఉండొచ్చు. దీన్ని అధిగమించాలంటే ఆన్‌లైన్‌ డిగ్రీ చదివేవారు, రెగ్యులర్‌ డిగ్రీ చదివినవారితో సమానంగా విషయ పరిజ్ఞానం, నైపుణ్యాలు పెంపొందించుకోవాలి. ఎంటెక్‌/ ఎంఎస్‌ లాంటి ప్రొఫెషనల్‌ కోర్సులను రెగ్యులర్‌గా చేస్తేనే ప్రయోజనాలు ఎక్కువ. రెగ్యులర్‌గా చేసే అవకాశం లేకపోతే మాత్రమే ఆన్‌లైన్‌ ద్వారా చేయాలి. ఆన్‌లైన్‌/దూర విద్య డిగ్రీలు ఉద్యోగం చేస్తున్నవారికి ప్రమోషన్లు పొందడంలో ఉపయోగకరంగా ఉంటాయి.
బిర్లా ఇన్‌స్ట్టిట్యూట్‌ ఆఫ్‌ టెక్నాలజీ అండ్‌ సైన్స్ ఆన్‌లైన్‌ ఎంటెక్‌ కోర్సు చాలాకాలం నుంచి అందుబాటులో ఉంది. ఇండియన్‌ ఇన్‌స్ట్టిట్యూట్‌ ఆఫ్‌ సైన్స్ బెంగళూరు, ఐఐటీ హైదరాబాద్, ఐఐటీ మద్రాస్, ఐఐటీ పాట్నా లాంటి ప్రతిష్ఠాత్మక విద్యాసంస్థలు ఉద్యోగుల కోసం ఆన్‌లైన్‌ ఎంటెక్‌ కోర్సులను ప్రారంభించాయి. వీటితో పాటు మరికొన్ని ప్రైవేటు యూనివర్సిటీలూ ఆన్‌లైన్‌ ఎంటెక్‌ కోర్సులను అందిస్తున్నాయి. ఏదైనా కోర్సులో చేరేముందు, ఆ విద్యాసంస్థ వెబ్‌సైట్‌కి వెళ్ళి, మీరు చదవబోయే ఆన్‌లైన్‌ కోర్సుకు యూజీసీ/ ఏఐసీటీఈ గుర్తింపు ఉందో లేదో నిర్థారించుకోండి. ఆన్‌లైన్‌ కోర్సులను ప్రతిష్ఠాత్మక విద్యాసంస్థల నుంచి చేస్తేనే ఆ డిగ్రీలకు మంచి గుర్తింపు ఉంటుంది. ఇక చాలా విదేశీ యూనివర్సిటీలు ఆన్‌లైన్‌ ఎంఎస్‌ డిగ్రీలను అందిస్తున్నాయి. మీరు చదవాలనుకొంటున్న విశ్వవిద్యాలయపు అంతర్జాతీయ ర్యాంకింగ్, ట్యూషన్‌ ఫీజు, విశ్వసనీయత ఆధారంగా సరైన నిర్ణయం తీసుకోండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: జి. శ్రీనివాస్‌
Ans:
దూరవిద్యలో చేసిన బీటెక్ డిగ్రీలకు ఏఐసీటీఈ/యూజీసీ గుర్తింపు లేదు. అందువల్ల మీ సంస్థ ప్రమోషన్‌ కోసం మీ డిగ్రీని గుర్తించడం లేదు. ప్రస్తుతం మీ ముందు మూడు అవకాశాలున్నాయి. అందులో మొదటిది.. ఇంజినీరింగ్ కోర్సుకు సమానమైన ఏఎంఐఈని చేయడం. దీనికోసం మీరు ఉద్యోగానికి సెలవు పెట్టవలసిన అవసరం లేదు. రెండోది.. మూడు సంవత్సరాలు ఉద్యోగానికి సెలవు పెట్టి, ఇంజినీరింగ్ కోర్సు రెగ్యులర్‌గా చేయటం. మూడోది.. మీ సంస్థలో బీఎస్సీ/బీఏ కోర్సుల ద్వారా ప్రమోషన్‌ పొందే వీలుంటే ఆ కోర్సులను దూరవిద్య ద్వారా చదవటానికి ప్రయత్నించండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: ఎం.చందు
Ans:
ఒక కోర్సులో చేరి కొంతకాలం చదివి, దాన్ని మధ్యలో వదిలేసి మరో కోర్సులో చేరాలా, వద్దా అనే ఆలోచన చాలామందిని వేధిస్తుంది. ఈ నిర్ణయం తీసుకునేముందు కొన్ని విషయాలను పరిగణనలోకి తీసుకోండి. ముందుగా మీరు ఇంజినీరింగ్ కోర్సులో ఎందుకు చేరారు? ఇబ్బంది బ్రాంచితోనా? ఇంజినీరింగ్ కోర్సుతోనా? ఇంజినీరింగ్ కష్టంగా తోచి, సబ్జెక్టుల్లో మంచి మార్కులు పొందలేకపోతున్నారా? ఏమైనా బ్యాక్‌లాగ్స్‌ ఉన్నాయా? సమస్య కళాశాల అధ్యాపకులతోనా? సహాధ్యాయుులతోనా? ఈ కోర్సును కొనసాగించడం వల్ల ఉద్యోగావకాశాలు ఉండవని దిగులు పడుతున్నారా? గతంలో తెలుగు మీడియం చదివి ఇప్పుడు ఇంగ్లిష్‌ మీడియంలోకి మారడం వల్ల భాషా సమస్యతో ఇబ్బంది పడుతున్నారా? సాధారణ డిగ్రీలో చేరి పోటీ పరీక్షలకు సిద్ధం అవ్వాలనుకొంటున్నారా?
ఈ ప్రశ్నలన్నింటికీ సరైన సమాధానాలు తెలియకుండా.. సలహా ఇవ్వడం కష్టమే! ఇలాంటి నిర్ణయాలు తీసుకొనేముందు ఒక్కో అంశంలో ఉన్న లాభ నష్టాలను బేరీజు వేసుకోవాలి.
మీ దీర్ఘకాలిక ఆశయాలు, స్వల్పకాలిక లక్ష్యాలు ఏమిటి? ఇంజినీరింగ్ కోర్సు చదవడం వల్ల వాటిని సాధించలేననే భయమా? పరీక్షల ఒత్తిడి ఎక్కువగా ఉందా? ఈ కోర్సు వదిలేసి డిగ్రీలో చేరాక, దానిపై కూడా ఆసక్తి తగ్గితే, అప్పుడేం చేస్తారు? ఇలాంటి ప్రశ్నలకు మీదగ్గర సరైన సమాధానాలున్నాయా? ఈ విషయాలన్నింటినీ దృష్టిలో పెట్టుకొని మంచి నిర్ణయం తీసుకోండి.
ఒక కోర్సును రెండు సంవత్సరాలు చదివి, మరో కోర్సుకి మారడం అనేది చాలా పెద్ద నిర్ణయం. అందుకే తొందరపాటు వద్దు. మీ శ్రేయోభిలాషులతో, అధ్యాపకులతో, కెరియర్‌ కౌన్సెలర్‌లతో చర్చించండి. గతంలో ఇంజినీరింగ్/ మెడిసిన్‌ కోర్సును మధ్యలో వదిలేసి, డిగ్రీ చదివి ఐఏఎస్, ఐపీఎస్‌ లాంటి అత్యున్నత ఉద్యోగాలు పొందినవారు, డిగ్రీ పూర్తిచేసి చెప్పుకోదగ్గ స్థాయిలో ఉద్యోగం పొందనివారు, డిగ్రీనే పూర్తిచేయనివారూ ఉన్నారు. మీరు ఏ కేటగిరీలో ఉంటారు అనేది మీ కృషి, పట్టుదల, బలమైన ఆశయం, కుటుంబ సభ్యుల సహకారం, ఆర్థిక వనరులు లాంటి విషయాలపై ఆధారపడి ఉంటుంది.
నా మిత్రుడొకరు ప్రముఖ ప్రభుత్వ ఇంజినీరింగ్ కళాశాలలో రెండేళ్లు బీటెక్ చదివి, ఆ కోర్సుపై ఆసక్తి లేకపోవడం వల్ల మధ్యలో వదిలేసి, డిగ్రీ, పీజీ పూర్తిచేశారు. థియేటర్‌పై ఉన్న ఆసక్తితో నేషనల్‌ స్కూల్‌ ఆఫ్‌ డ్రామాలో డిప్లొమా కోర్సు చదివారు. ప్రస్తుతం ఒక ప్రముఖ యూనివర్సిటీలో ఆచార్యుడిగా పనిచేస్తూ, థియేటర్‌ రంగంలో రాణిస్తున్నారు. నూతన జాతీయ విద్యావిధానం - 2020, అకడమిక్‌ బ్యాంక్‌ ఆఫ్‌ క్రెడిట్స్, జాతీయ స్థాయిలో క్రెడిట్‌ల బదిలీ లాంటి విధానాలు అమల్లోకి వస్తే విద్యా సంవత్సరాలు నష్టపోకుండానే, ఒక కోర్సు నుంచి మరో కోర్సుకూ, ఒక విద్యా సంస్థ నుంచి మరో విద్యాసంస్థకూ మారే అవకాశం ఉంటుంది. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
