Asked By: prasanth
Ans:
డేటా సైన్స్ కోర్సును యూనివర్సిటీల్లో, కళాశాలల్లో రెగ్యులర్ డిగ్రీ/డిప్లొమా/సర్టిఫికెట్ కోర్సుగా అందించడం ఈమధ్య కాలంలోనే మొదలైంది. చాలా విద్యాసంస్థల్లో ఈ కోర్సును బోధించడానికి అవసరమైన అధ్యాపకుల కొరత ఇప్పటికీ ఉంది. ప్రస్తుతం చాలామంది ఈ కోర్సును ఆన్లైన్ పద్ధతిలోనే నేర్చుకొంటున్నారు. ప్రముఖ విద్యాసంస్థలనుంచి ఆన్‌ లైన్‌లో పొందే సర్టిఫికెట్‌లకు విలువ ఎక్కువగానే ఉంటుంది. రెగ్యులర్‌గా చదివినా, ఆన్‌లైన్‌లో చదివినా విషయపరిజ్ఞానం, సరైన నైపుణ్యాలు లేనట్లయితే ఆ సర్టిఫికెట్‌కు విలువ ఉండదు. మీకు అవకాశం ఉంటే అత్యుత్తమ విదేశీ యూనివర్సిటీలు, ఐఎస్‌బీ, ఐఐఎంలు, ఐఐటీల్లాంటి ప్రముఖ విద్యాసంస్థల్లో డేటా సైన్స్/ఎనలిటిక్స్‌ కోర్సును ఆఫ్‌లైన్‌/ ఆన్‌లై న్‌లో చేసే ప్రయత్నం చేయండి. డేటా సైన్స్/ ఎనలిటిక్స్‌ రంగాల్లో మెరుగైన ఉద్యోగం పొందాలంటే సర్టిఫికెట్‌తోపాటు అనుభవం కూడా ప్రధానం. మీరు కోర్సు నేర్చుకొంటూనే డేటా సైన్స్/ ఎనలిటిక్స్‌లో రకరకాల ప్రాజెక్టులు చేస్తూ అనుభవం, మెలకువలూ, నైపుణ్యాలను పొందండి: నచ్చిన సంస్థల్లో ఉద్యోగ ప్రయత్నాలు చేయండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: బిందు
Ans:
మీరు కంప్యూటర్‌ సైన్స్‌లో కానీ, ఇండస్ట్రియల్‌ ఇంజినీరింగ్‌లో కానీ, ఇండస్ట్రియల్‌ మేనేజ్‌మెంట్‌లో కానీ ఎంఎస్ చేయవచ్చు. ఇవే కాకుండా, ఇండస్ట్రియల్‌ మేనేజ్‌మెంట్‌కు సంబంధించి లాజిస్టిక్స్, సప్లై చైన్ మేనేజ్మెంట్ లాంటి వాటి గురించీ ఆలోచించవచ్చు. ఇటీవలికాలంలో డేటా సైన్స్ చదివినవారికి ఎక్కువ ఉద్యోగావకాశాలు వస్తున్నాయి. అందుకని ఆసక్తి ఉంటే డేటా సైన్స్, బిజినెస్‌ ఎనలిటిక్స్‌ లాంటి సబ్జెక్టుల్లో ఎంఎస్ చేసే ప్రయత్నం చేయండి. ఇవే కాకుండా ఆర్టిఫిషియల్‌ ఇంటెలిజెన్స్, ఫిన్‌ టెక్, ఐఓటీ, బ్లాక్‌ చైన్ టెక్నాలజీ లాంటి కోర్సుల్లో కూడా ఉద్యోగావకాశాలు ఉన్నాయి. మీ అభిరుచి, ఆసక్తి, దీర్ఘకాలిక ఆశయాలను దృష్టిలో పెట్టుకొని సరైన నిర్ణయం తీసుకోండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: yaragorla
Ans:
According to your interest you have to choose the courses. Hope some of the courses may useful for Mechanical Engineering Students. Whatever you do, do your best.
Mathcad. Mathcad is possibly the one piece of software that is useful to every mechanical engineer, regardless of job function.
・ Computer Aided Design (CAD) Software
・ Finite Element Analysis (FEA) Software
・ Microsoft Excel
・ Visual Basic for Applications (VBA)
・ MATLAB
・ Python
Asked By: డి.బంధ్యానాయక్‌
Ans:
సాధారణంగా ప్రభుత్వరంగ సంస్థల్లో కంప్యూటర్‌ సైన్స్ బ్రాంచికి సంబంధించిన ఉద్యోగాలు, ఇతర ఇంజినీరింగ్ బ్రాంచీల ఉద్యోగాలకంటే తక్కువ సంఖ్యలో ఉంటాయి. ప్రముఖ ఐటీ కంపెనీలతో పోలిస్తే ప్రభుత్వరంగ సంస్థల్లో వేతనాలు, ప్రమోషన్‌లు కూడా తక్కువగానే ఉంటాయి. కంప్యూటర్‌ సైన్స్ చదివినవారు నెట్వర్క్ ఇంజినీర్, ఐటీ సపోర్ట్‌ స్పెషలిస్ట్, నెట్వర్క్ అడ్మినిస్ట్రేటర్, ఐటీ టెక్నీషియన్, వెబ్‌ డెవలపర్, సిస్టమ్స్‌ ప్రోగ్రామర్, సిస్టమ్స్‌ అనలిస్ట్, సిస్టమ్స్‌ మేనేజర్, సైబర్‌ సెక్యూరిటీ స్పెషలిస్ట్, డేటాబేస్‌ మేనేజర్, అప్లికేషన్‌ డెవలపర్, హార్డ్వేర్ ఇంజినీర్, సాఫ్ట్‌వేర్‌ డెవలపర్ లాంటి ఉద్యోగాలు చేయవచ్చు. బీహెచ్‌ఈఎల్, బీఈఎల్, ఓఎన్‌జీసీ, హెచ్‌పీసీఎల్, ఈసీ‡ఐఎల్, ఎయిర్‌ పోర్ట్‌ అథారిటీ ఆఫ్‌ ఇండియా, డీఆర్‌డిఓ, ఐఓసీ‡ఎల్, బీఎస్‌ఎన్‌ఎల్, సెయిల్, సి-డాక్, ఇస్రో, ఇండియన్‌ రైల్వేస్, బ్యాంకులు, యూనివర్సిటీలు, పోలీస్‌ డిపార్ట్‌మెంట్‌ల్లో కంప్యూటర్‌ సైన్స్ చదివినవారికి ఉద్యోగావకాశాలుంటాయి. మీకు బోధన రంగంపై ఆసక్తి ఉంటే పాలిటెక్నిక్‌ కాలేజీల్లో, కేంద్రీయ విద్యాలయాల్లో, నవోదయ పాఠశాలల్లో కూడా ప్రయత్నించవచ్చు. ఐటీ కంపెనీలతో పాటు రిలయన్స్, టాటా, ఆదిత్య బిర్లా, ఎల్ అండ్‌ టీ, ఐటీసీ, హిందుస్తాన్‌ యూనిలివర్, అమెజాన్, ఫ్లిప్‌కార్ట్, బిగ్‌ బాస్కెట్, మింత్రా, స్నాప్‌ డీల్, పేటీఎం, ఇండియామార్ట్, ఈబే, బుక్‌ మై షో, మేక్‌ మై ట్రిప్, ఎయిర్‌టెల్, బజాజ్‌ లాంటి కార్పొరేట్‌ సంస్థల్లోనూ ఉద్యోగావకాశాలు లభిస్తాయి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: స్వరూప్
Ans:
- పైలట్‌ అవ్వడానికి ఇంటర్మీడియట్ స్థాయిలో మేథమెటిక్స్, ఫిజిక్స్‌లు కచ్చితంగా చదివివుండాలి. కమర్షియల్ పైలట్‌ అవ్వాలంటే మెడికల్‌ సర్టిఫికెట్, కమర్షియల్ పైలట్‌ లైసెన్స్, ఇంగ్లిష్‌ ప్రొఫిషియెన్సీ సర్టిఫికెట్, రేడియో టెలిఫోనీ రెస్ట్రిక్టెడ్‌ సర్టిఫికెట్, ఫ్లైట్‌ రేడియో టెలిఫోనీ ఆపరేటర్స్‌ లైసెన్స్ కూడా ఉండాలి. డీజీసీఏ ఫ్లైట్‌ క్రూ లైసెన్స్ పరీక్ష కోసం ఎయిర్‌ రెగ్యులేషన్స్, ఎయిర్‌ నావిగేషన్, ఏవియేషన్ మెటిరాలజీ, టెక్నికల్‌ జనరల్, టెక్నికల్‌ స్పెసిఫిక్, రేడియో టెలిఫోనీ లాంటి ఆరు సబ్జెక్టుల్లో ఉత్తీర్ణత సాధించాలి. ఆ తరువాత డీజీసీఏ గుర్తింపు పొందిన ఫ్లైట్‌ స్కూల్‌లో కమర్షియల్ పైలట్‌ శిక్షణలో చేరి కమర్షియల్ పైలట్‌ లైసెన్స్ పొందాలి.
కమర్షియల్ పైలట్‌కు ప్రత్యేకమైన పీజీ కోర్సులు అవసరం లేదు. మీకు ఆసక్తి ఉంటే ఏరోస్పేస్‌ ఇంజినీరింగ్, ఏవియేషన్, ఏరోనాటికల్‌ సైన్స్‌ల్లో ఎంఎస్సీ/ ఎంటెక్ కోర్సులు చేయవచ్చు. పైలట్‌ అవ్వాలంటే బలమైన సాంకేతిక నైపుణ్యాలు, విమర్శనాత్మక ఆలోచన, సరైన నిర్ణయం తీసుకోగలగడం, పరిస్థితుల, పర్యావరణ అవగాహన, భావవ్యక్తీకరణ నైపుణ్యాలు, సునిశిత దృష్టి, క్రమశిక్షణ, మానసిక స్థిరత్వం, శారీరక దృఢత్వం, బృందంలో సమష్టిగా పనిచేయగల సామర్ధ్యం, నాయకత్వ లక్షణాలు చాలా అవసరం. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: జయశ్రీ
Ans:
ఇటీవలి కాలంలో ల్యాప్‌టాప్‌ విద్యావ్యవస్థలో ఒక భాగం అయింది. ముందుగా మీ అమ్మాయి చదవబోయే కోర్సు, ఆ కోర్సుకు అవసరమైన సాఫ్ట్‌వేర్‌ల గురించి వారి సీనియర్‌ విద్యార్థులనూ, అధ్యాపకులనూ అడిగి తెలుసుకోవాలి. ల్యాప్‌టాప్‌ కొనడానికి మీ బడ్జెట్‌ ఎంత అనేది కూడా ముఖ్యం. 50,000 నుంచి 60,000 రూపాయిల్లో మంచి ల్యాప్‌టాప్‌లు అందుబాటులో ఉన్నాయి. వేగవంతమైన ప్రాసెసర్‌ కంపైల్‌ సమయాన్ని వేగవంతం చేస్తుంది. మల్టీ టాస్కింగ్‌లో సహాయపడుతుంది. క్వాడ్‌-కోర్‌ i5 లేదా అంతకంటే ఎక్కువ ప్రాసెసర్‌ ఉండటం మంచిది. కోడ్‌ను కంపైల్‌ చేస్తున్నప్పుడు కనిష్ఠంగా 8 జీబీ రామ్‌ అవసరం. 13 అంగుళాల తెరపై ప్రోగ్రామింగ్ చేయడం అంత సులభం కాదు. 15-అంగుళాలూ లేదా అంతకంటే ఎక్కువ ఉన్న స్క్రీన్‌కి వెళ్లడానికి ప్రయత్నించండి. ల్యాప్‌టాప్‌కు కీ బోర్డ్‌ కూడా చాలా ప్రధానం. ల్యాప్‌టాప్‌ కొనడానికి ముందు, ల్యాప్‌టాప్‌లో టైపింగ్‌ టెస్ట్‌ని తెరిచి, మీరు నిమిషానికి మీ గరిష్ట పదాలను చేరుకునేలా చూసుకోండి. ల్యాప్‌టాప్‌లో ఎక్కువ స్టోరేజ్‌ స్పేస్‌ ఉంటే కంపైల్‌ సమయాన్ని తగ్గిస్తుంది. మీ ల్యాప్‌టాప్‌లో సాలిడ్‌ స్టేట్‌ డ్రైవ్‌ (ఎస్‌ఎస్‌డీ) ని కనీసం 512 జీబీ ఉండేట్లుగా చూసుకోండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: ఎం.ముస్తాక్‌
Ans:
బిజినెస్‌ అనలిటిక్స్‌ కోర్సులు చేసినవారికి మెరుగైన ఉద్యోగావకాశాలు ఉంటాయి. కానీ, ఈ రంగంలో వస్తున్న విప్లవాత్మక మార్పులవల్ల మీరు డిగ్రీలో చదివిన సిలబస్‌కు తోడుగా మరికొన్ని కోర్సులు చేస్తే ఐటీ ఉద్యోగం సంపాదించవచ్చు. ఈ రంగంలో స్థిరపడాలనుకొంటే స్టాటిస్టిక్స్, ఎమ్‌ఎస్‌ ఎక్సెల్, ఆర్‌ ప్రోగ్రామింగ్, పైతాన్, డేటా విజువలైజేషన్, మైక్రోసాఫ్ట్‌ పవర్‌ బీఐ, మెషిన్‌ లెర్నింగ్, టేబ్ల్యు, ఎస్‌క్యూఎల్‌లపై గట్టి పట్టు సాధించాలి. వీటితో పాటు డేటా మైనింగ్, బ్లాక్‌ చైన్, డేటా మోడలింగ్‌లపై కూడా మంచి అవగాహన ఉంటే ఈ రంగంలో రాణించడం కష్టం కాదు. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: కె. సుదీక్ష
Ans:
సైకాలజీలో పీజీ చేసిన వారు కౌన్సెలర్‌లుగా స్థిరపడే అవకాశం ఉంది. సైకాలజీతో పాటు కెరియర్‌ గైడెన్స్‌లో డిప్లొమా కానీ, సర్టిఫికెట్ కోర్సు కానీ చేస్తే కెరియర్‌ కౌన్సిలర్‌గా కూడా అవకాశాలుంటాయి. మీకు సాఫ్ట్‌వేర్‌ రంగంలో ఉద్యోగానుభవం ఉంది కాబట్టి ట్రైనింగ్‌ అండ్‌ డెవలప్‌మెంట్‌లో ఏదైనా కోర్సు చేసి ట్రైనర్‌గా కూడా రాణించవచ్చు. హ్యూమన్‌ రిసోర్స్‌ మేనేజ్మెంట్, ఆర్గనైజేషనల్‌ బిహేవియర్‌లో ఏమైనా కోర్సులు చేసి మేనేజ్మెంట్/ బిజినెస్‌ రంగంలోనూ ప్రవేశించవచ్చు. బీఈడీ, ఎంఈడీ చేసి ఉపాధ్యాయ శిక్షణ కళాశాలల్లో అధ్యాపక వృత్తినీ ఎంచుకోవచ్చు. సైకాలజీలోనే పీ‡హెచ్‌డీ చేసి, ఆ రంగంలోనే అధ్యాపక వృత్తిని చేపట్టవచ్చు. మీకు ఆసక్తి ఉంటే పరిశోధన రంగంలో కూడా ఉద్యోగావకాశాలు ఉంటాయి. హెల్త్‌కేర్‌ రంగంపై ఆసక్తి ఉంటే కార్పొరేట్‌ హాస్పిటల్స్‌లో రోగులకూ, వారి సహాయకులకూ కౌన్సెలింగ్‌ చేసే ఉద్యోగాల కోసం కూడా ప్రయత్నించవచ్చు. స్వచ్ఛంద సేవాసంస్థల్లో, మీడియా రంగంలో సైకాలజీ చదివినవారికి పరిమిత సంఖ్యలో ఉద్యోగాలు ఉంటాయి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌
Asked By: ఎం.అనిరుధ్
Ans:
ఎంఎస్ ఎలక్ట్రానిక్స్ చదివినవారికి బోధన, పరిశోధన, రక్షణ రంగాలతోపాటు టెలివిజన్, ఆటోమొబైల్, రెఫ్రిజిరేటర్‌ తయారీలో ఉద్యోగావకాశాలుంటాయి. మహారత్న, నవరత్న లాంటి ప్రభుత్వరంగ సంస్థల్లో ఇంజినీర్ ఉద్యోగాల కోసం ప్రయత్నించవచ్చు. కంప్యూటర్‌ హార్డ్వేర్, నెట్వర్క్, డిజైన్, డెవలప్‌మెంట్, ఆటోమేషన్‌ రంగాల్లో కూడా ప్రవేశించవచ్చు. ప్రముఖ ఐటీ కంపెనీల్లోనూ ఎలక్ట్రానిక్స్ సంబంధిత విభాగాలు ఉంటాయి. ఎంటెక్‌లో చదివిన స్పెషలైజేషన్‌కు అనుగుణంగా నచ్చిన ఉద్యోగాలకు ప్రయత్నించండి, యూఎస్లో ఎంఎస్ చేయడం వల్ల ప్రధానంగా.. మెరుగైన ఉద్యోగావకాశాలు ఉంటాయి. బీటెక్‌లో చదివిన సబ్జెక్ట్‌లో మాత్రమే కాకుండా యూఎస్లో మీకు నచ్చిన సబ్జెక్ట్‌లో ఎంఎస్ చేసే వెసులుబాటూ ఉంది.
-బెల్లంకొండ రాజశేఖర్, కెరియర్‌ కౌన్సెలర్‌
