Post your question

 

Q: నేను డిగ్రీ చివరి సంవత్సరం చదువుతున్నాను. ఆగస్టులో పరీక్షలు పూర్తయ్యాక గ్రూప్-2కి అర్హత ఉంటుందా?

    Asked By: అనిల్ యాదవ్

    Ans:

    డిగ్రీ పరీక్షలు రాసిన వెంటనే అర్హత ఉండదు. నోటిఫికేషన్‌ వచ్చిన నాటికి ఫలితాలు కూడా విడుదలైతే మీకు గ్రూప్‌-2 దరఖాస్తుకి అర్హత ఉంటుంది.

Q: నేను ఆచార్య నాగార్జున యూనివర్సిటీ నుంచి దూరవిద్యలో డిగ్రీ పూర్తి చేశాను. టీఎస్‌పీఎస్సీ ఉద్యోగాలకు నాకు అర్హత ఉంటుందా? తెలంగాణ స్థానికత వర్తిస్తుందా?

    Asked By: ఒక అభ్యర్థి

    Ans:

    మీకు టీఎస్‌పీఎస్సీ ఉద్యోగాలకు కచ్చితంగా అర్హత ఉంటుంది. ఒకటి నుంచి ఏడో తరగతి వరకు మీరు తెలంగాణలోనే చదివి ఉంటే ఇక్కడి స్థానికత కూడా వర్తిస్తుంది.

Q: నేను డీఎడ్, ఓపెన్ డిగ్రీ ఒకే విద్యాసంవత్సరంలో పూర్తి చేశాను. దీని వల్ల గ్రూప్స్ సాధనలో ఏమైనా సమస్య ఎదురవుతుందా?

    Asked By: బాలరాజు

    Ans:

    ఎలాంటి సమస్యా ఉండదు. ఏ సందేహాలు లేకుండా గ్రూప్స్‌ పరీక్షలకు బాగా ప్రిపేర్‌ అవ్వండి.

Q: నా దగ్గర ఒకటో తరగతి మినహా మిగిలిన అన్ని స్టడీ సర్టిఫికెట్లు ఉన్నాయి. దీని వల్ల టీఎస్‌పీఎస్సీ ఉద్యోగ సాధనలో స్థానికతకు సంబంధించి ఏదైనా సమస్య ఉంటుందా?

    Asked By: ఒక అభ్యర్థి

    Ans:

    ఒకటో తరగతికి సంబంధించి రెసిడెన్షియల్‌ సర్టిఫికెట్‌ను సమర్పించాల్సి ఉంటుంది. ఒకవేళ ప్రభుత్వ గుర్తింపు పొందిన పాఠశాలలో ఒకటో తరగతి చదివి ఉంటే ఆ స్కూల్‌ నుంచి స్టడీ సర్టిఫికెట్‌ తెచ్చుకుంటే ఏ సమస్యా ఉండదు.

Q: ఫారెస్ట్‌ రేంజ్‌ ఆఫీసర్‌ కావాలనుకుంటున్నాను. దీనికి ఏ పుస్తకాలు చదవాలో చెప్పగలరు

    Asked By: జి. వాణీప్రియ

    Ans:

    ఫారెస్ట్‌ రేంజ్‌ ఆఫీసర్‌ ఉద్యోగానికి ముందుగా క్వాలిఫయింగ్‌ పరీక్ష ఉంటుంది. దీనిలో ఉత్తీర్ణత సాధించినవారు మాత్రమే రెండో దశ పరీక్షకు అర్హులు అవుతారు. క్వాలిఫయింగ్‌ పరీక్షలో వచ్చిన మార్కులు తుది ఎంపికలో పరిగణించరు. క్వాలిఫయింగ్‌ పరీక్షలో రెండు పేపర్లు ఉంటాయి. అందులో మొదటిది జనరల్‌ ఇంగ్లిష్, రెండోది మేథమెటిక్స్‌ (10వ తరగతి స్థాయి). జనరల్‌ ఇంగ్ల్లిష్‌ కోసం ఆబ్జెక్టివ్‌ జనరల్‌ ఇంగ్లిష్‌ (ఎస్‌ చాంద్‌), ఆబ్జెక్టివ్‌ ఇంగ్లిష్‌ ఫర్‌ జనరల్‌ కాంపిటీటివ్‌ ఎగ్జామినేషన్స్‌ (పియర్‌సన్‌), ఆబ్జెక్టివ్‌ జనరల్‌ ఇంగ్లిష్‌ (అరిహంత్‌), ఇంగ్లిష్‌ ఫర్‌ కాంపిటీటివ్‌ ఎగ్జామినేషన్స్‌ (ఎస్‌ చాంద్‌) లాంటి పుస్తకాలను చదవండి. మేథమెటిక్స్‌ కోసం హైస్కూల్‌ మేథమెటిక్స్, క్వాంటిటేటివ్‌ ఆప్టిట్యూడ్‌ (ఎస్‌ చాంద్‌), టీచ్‌ యువర్‌ సెల్ఫ్‌ క్వాంటిటేటివ్‌ ఆప్టిట్యూడ్‌ (మెక్‌ గ్రాహిల్‌) లాంటి పుస్తకాలను చదవండి. రెండో దశలో జనరల్‌ స్టడీస్, ఒక ఆప్షనల్‌ సబ్జెక్ట్‌లో రెండు పరీక్షలుంటాయి. జనరల్‌ స్టడీస్‌ కోసం తెలుగు అకాడెమీ, అరిహంత్, లూసెంట్‌ లాంటి పబ్లిషర్లు ప్రచురించిన పుస్తకాలను చదవండి. ఆప్షనల్‌ పేపర్‌ విషయానికొస్తే, మీరు ఎంచుకొన్న ఆప్షనల్‌ సబ్జెక్ట్‌ సిలబస్‌ను అనుసరించి ప్రామాణిక పుస్తకాలను చదివి సొంత నోట్స్‌ ఆధారంగా తయారవ్వండి. - ప్రొ. బెల్లకొండ రాజశేఖర్, కెరియర్‌ కౌన్సెలర్‌

Q: ప్రభుత్వ ఉద్యోగం చేస్తూ ఇతర పోటీ పరీక్షలకు సన్నద్ధమవుతున్నాను. గతంలో ఎలాంటి కోచింగ్ తీసుకోకుండానే అర్హత సాధించాను. నాకు పుస్తౖకాలు చదవడం పెద్దగా ఆసక్తి అనిపించదు. వార్తా పత్రికల్లోని సమాచారాన్ని ప్రామాణికంగా తీసుకుని ప్రిపేర్ అవుతున్నాను. గ్రూప్-2 లాంటి పోటీ పరీక్షలకు ఈ సమాచారం సరిపోతుందా?

    Asked By: ఎస్. పవన్

    Ans:

    వార్తా పత్రికల్లోని సమాచారం ఒకటే సరిపోదు. దాంతో పాటు గ్రూప్‌-2 సిలబస్‌ ఆధారంగా రూపొందిన ప్రామాణిక పుస్తకాలను కచ్చితంగా చదవాల్సి ఉంటుంది. కరెంట్‌ అఫైర్స్‌కి వార్తాపత్రిల్లోని సమాచారం ఉపయోగపడుతుంది.

Q: నేను ఇంటర్ ఒకేషనల్ ఎలక్ట్రానిక్స్ అండ్ కమ్యూనికేషన్ టెక్నీషియన్ కోర్సు పూర్తి చేశాను. నాకు రాష్ట్ర, కేంద్ర ప్రభుత్వాల్లోని ఏయే ఉద్యోగాలకు అర్హత ఉంది?

    Asked By: దినేష్ గౌడ్

    Ans:

    గ్రూప్‌-4, కానిస్టేబుల్‌ తదితర ఉద్యోగాలు అంటే ఇంటర్‌ అర్హతతో ఉన్న కేంద్ర, రాష్ట్ర ప్రభుత్వ ఉద్యోగాలన్నింటికీ దరఖాస్తు చేసుకోవచ్చు. మరింత సమాచారం కోసం  లింక్‌ క్లిక్‌ చేయండి.

    https://pratibha.eenadu.net/jobs/index/police-jobs/police-jobs---telangana/2-1-10-427

Q: నేను 2014లో ఆచార్య నాగార్జున యూనివర్సిటీ నుంచి లైబ్రరీ సైన్స్ పూర్తి చేశాను. టీఎస్‌పీఎస్సీ, గురుకుల ఉద్యోగాలకు అర్హత ఉంటుందా?

    Asked By: శరత్

    Ans:

    డిగ్రీ నాగార్జున యూనివర్సిటీ నుంచి పూర్తి చేసినప్పటికీ   మీరు ఒకటి నుంచి ఏడో తరగతి వరకు తెలంగాణలో చదివి ఉంటే టీఎస్‌పీఎస్సీ, గురుకుల ఉద్యోగాలకు అర్హత ఉంటుంది.

Q: నాపైన క్రిమినల్ కేసు 308 పెండింగ్‌లో ఉంది. టీఎస్‌పీఎస్సీ, టీఎస్‌ఎల్‌పీఆర్‌బీ నిర్వహించే పోటీ పరీక్షలకు దరఖాస్తు చేసుకోవడానికి అర్హత ఉందా?

    Asked By: రాజేష్

    Ans:

    ఇప్పటివరకు ఎలాంటి శిక్ష పడలేదు కాబట్టి మీరు దరఖాస్తు చేసుకోవడానికి అర్హత ఉంది. అయితే కేసుకి సంబంధించిన వివరాలను దరఖాస్తులో తెలియజేయండి.

Q: నా దగ్గర రెండు, మూడు తరగతుల బోనఫైడ్‌లు లేవు. ఒకటి, నాలుగు నుంచి డిగ్రీ వరకు అన్ని బోనఫైడ్ సర్టిఫికెట్లు ఉన్నాయి. రెండు, మూడు తరగతుల బోనఫైడ్‌లు తీసుకుందామంటే ప్రస్తుతం ఆ పాఠశాలను మూసివేశారు. ఏం చేయాలి?

    Asked By: అనుపతి

    Ans:

    మీరు సంబంధిత ప్రాంత డీఈఓ లేదా ఎంఈఓ ఆఫీసులో లభ్యమయ్యే రికార్డుల నుంచి రెండు, మూడు తరగతుల బోనఫైడ్‌లను తెచ్చుకోవచ్చు.