Post your question

 

Q: నేను ఒకటి నుంచి అయిదో తరగతి వరకు హైదరాబాద్‌లో, ఆరు నుంచి పది వరకు రంగారెడ్డి జిల్లాలో చదివాను. ఆ తర్వాత డిప్లొమా హైదరాబాద్‌లో చేసి, అంబేడ్కర్ ఓపెన్ యూనివర్సిటీ నుంచి డిగ్రీ పూర్తి చేశాను. నాకు టీఎస్‌పీఎస్సీ పరీక్షలు రాయడానికి ఏ జిల్లా స్థానికత వర్తిస్తుంది?

    Asked By: ఒక అభ్యర్థి

    Ans:

    మీరు హైదరాబాద్‌లో స్థానికత పొందుతారు.

Q: నేను ఎస్ఐ పరీక్షకు ప్రిపేర్ అవుతున్నాను. డిగ్రీ, ఇంటర్ దూరవిద్యలో చేశాను. ఓపెన్ కేటగిరీ అభ్యర్థిని. అన్ని ప్రభుత్వ ఉద్యోగ పరీక్షలు రాయడానికి అర్హత ఉంటుందా?

    Asked By: నవ్య చరగొండ్ల

    Ans:

    మీకు అన్ని ప్రభుత్వ ఉద్యోగ పరీక్షలు రాయడానికి కచ్చితంగా అర్హత ఉంది. ఏ సంకోచం లేకుండా బాగా ప్రిపేర్‌ అవ్వండి.

Q: నేను హెల్మెట్ పెట్టుకోకపోవడం వల్ల ట్రాఫిక్ పోలీస్ చలానా వేశారు. ప్రభుత్వ ఉద్యోగ సాధనలో ఏదైనా సమస్య ఎదురవుతుందా?

    Asked By: నర్మద

    Ans:

    ఎలాంటి సమస్య ఉండదు. పరీక్షలకు దరఖాస్తు చేసి ఉంటే బాగా చదువుకోండి.

Q: టీఎస్‌పీఎస్సీ గ్రూప్-1 ప్రిలిమ్స్‌లో అరిథ్‌మెటిక్, రీజనింగ్ విభాగాలు ఎన్ని మార్కులకు ఉంటాయి?

    Asked By: రేష్మా

    Ans:

    గ్రూప్‌-1 ప్రిలిమ్స్‌లో లాజికల్‌ రీజనింగ్, అనలిటికల్‌ ఎబిలిటీ, డేటా ఇంటర్‌ప్రిటేషన్‌ల నుంచి ప్రశ్నలు అడుగుతారు. కచ్చితంగా ఇన్ని మార్కులకు ఈ ప్రశ్నలు వస్తాయనేది లేదు. ఆ మూడు విభాగాల్లోని అన్ని చాప్టర్లను తప్పనిసరిగా ప్రాక్టీసు చేయాల్సిందే.

Q: ఒకటి నుంచి అయిదో తరగతి వరకు మంచిర్యాలలో చదివాను. ఆరో తరగతి చదవలేదు. ఒక సంవత్సరం తర్వాత ఏడో తరగతిలో చేరాను. ప్రస్తుతం ఎస్‌జీటీకి ప్రిపేర్ అవుతున్నాను. దరఖాస్తు సమయంలో ఆరో తరగతికి సంబంధించి ఏం చేయాలి?

    Asked By: కోమాకుల గీత

    Ans:

    ఆరో తరగతి కాలానికి సంబంధించి స్థానిక తహసీల్దార్‌ నుంచి నివాస ధ్రువపత్రాన్ని తీసుకోండి.   వెరిఫికేషన్‌ సమయంలో దాన్ని సమర్పించండి.

Q: గ్రూప్స్‌కి ప్రిపేర్ అవుతున్నాను. పదో తరగతి సర్టిఫికెట్‌లో అమ్మ పేరు ళ్యీ్ర్చ౯్చ-్చ అని ఉంది. తన ఆధార్‌కార్డులో ళ్యీ్ర్చ౯-్చ అని ఉంది. సర్టిఫికెట్ వెరిఫికేషన్ సమయంలో ఏదైనా సమస్య ఎదురవుతుందా? ఒకవేళ మార్పించాలంటే ఏం చేయాలి?

    Asked By: కార్తీక్

    Ans:

    ఎలాంటి సమస్యా ఉండదు. అమ్మ పేరును మీ సర్టిఫికెట్‌లో ఉన్నట్లు ఆధార్‌లో కూడా మార్పిస్తే సరిపోతుంది.

Q: పదో తరగతి తర్వాత కొంత గ్యాప్ వచ్చింది. తెలంగాణ ఓపెన్ స్కూల్ ద్వారా ఒక సంవత్సరంలో ఇంటర్ పూర్తి చేశాను. టీఎస్‌పీఎస్సీ గ్రూప్-4కి ఇతర ప్రభుత్వ ఉద్యోగాలకు ఈ ఇంటర్‌తో దరఖాస్తు చేసుకోవచ్చా?

    Asked By: క్రిష్

    Ans:

    మీరు ఇంటర్‌ కనీస అర్హతగా ఉన్న అన్ని ప్రభుత్వ ఉద్యోగాలకు దరఖాస్తు చేసుకోవచ్చు. సంకోచించకుండా అన్నింటికీ బాగా ప్రిపేర్‌ అవ్వండి.

Q: టెట్ ఫలితాల్లో అర్హత లభించింది. అయితే టెట్ హాల్ టికెట్‌లో ఉన్న ఇంటి పేరు సర్టిఫికెట్‌లో ఉన్న విధంగా కాకుండా ఆధార్‌లో ఉన్నట్లు వచ్చింది. భవిష్యత్తులో ఈ టెట్ మార్కులను డీఎస్సీకి పరిగణనలోకి తీసుకోవడంలో ఏమైనా ఇబ్బందులు తలెత్తుతాయా?

    Asked By: గోపు

    Ans:

    ఎలాంటి ఇబ్బందులు తలెత్తే అవకాశం లేదు. కానీ మీరు ఇంటిపేరును సర్టిఫికెట్‌లో ఉన్న విధంగానే ఆధార్‌ సహా అన్నింటిలోనూ మార్చుకోవడం మంచిది.

Q: నా పాఠశాల విద్యాభ్యాసమంతా మేడ్చల్ జిల్లాలో పూర్తి చేశాను. టీఎస్ పోలీసు ఉద్యోగాలకు దరఖాస్తు చేసినప్పుడు స్కూలింగ్ వివరాలలో పొరబాటున రంగారెడ్డి జిల్లా అని నింపాను. ఎడిట్ అవకాశం ఉందా?

    Asked By: కిరణ్

    Ans:

    ప్రస్తుతం ఎడిట్‌ చేసుకునే అవకాశం లేదు. సర్టిఫికెట్‌ వెరిఫికేషన్‌ సమయంలో సరిచేసుకోండి.

Q: నేను టెట్ పేపర్-1, 2 రెండింటిలో అర్హత సాధించాను. మార్కులు ఒకే విధంగా వచ్చాయి. స్కూల్ అసిస్టెంట్‌కి ప్రిపేర్ కావాలా లేదా ఎస్‌జీటీకి చదవాలా అర్థం కావడంలేదు. ఏం చేయాలి?

    Asked By: prasanth

    Ans:

    మీరు మొదట ఎస్‌జీటీకి ప్రాధాన్యాన్నిస్తూ ఎస్‌ఏకి కూడా ప్రిపేర్‌ అవ్వండి. ఇబ్బంది ఏమీ ఉండదు.