Post your question

 

Q: నేను పోలీస్ కానిస్టేబుల్ పరీక్షకు ప్రిపేర్ అవుతున్నాను. సివిల్, ఎక్సైజ్ కానిస్టేబుల్ రెండింటికీ దరఖాస్తు చేశాను. ఈ రెండింటికీ ఒకే పరీక్ష ఉంటుందా లేదా వేర్వేరుగా ఉంటాయా?

    Asked By: రాకేష్

    Ans:

    సివిల్, ఎక్సైజ్‌ కానిస్టేబుల్‌ రెండింటికీ పరీక్షలు వేర్వేరుగా ఉంటాయి.

Q: ఒకటి నుంచి అయిదో తరగతి వరకు రాజన్న సిరిసిల్ల జిల్లాలో, ఆరు నుంచి పదో తరగతి వరకు సిద్దిపేట జిల్లాలో చదివాను. నేను ఏ జిల్లాలో స్థానికతను పొందుతాను?

    Asked By: మలోత్

    Ans:

    మీరు రాజన్న సిరిసిల్ల జిల్లాలో స్థానికత పొందుతారు.

Q: నేను పోలీసు ఉద్యోగాలకు ప్రిపేర్ అవుతున్నాను. కుడి చెవిలో వినికిడి తక్కువగా ఉంది. నాకు పోలీసు డిపార్ట్‌మెంట్‌లో చేరడానికి అర్హత ఉందా?

    Asked By: భాస్కర్

    Ans:

    నోటిఫికేషన్‌లోని సూచనల మేరకు నిబంధనలకు లోబడి మీకు అర్హత ఉంటుంది.

Q: నేను ఎంకామ్, బీఈడీ చేశాను. టీఎస్ టెట్‌లో క్వాలిఫై అయ్యాను. గురుకులాల్లో ఉపాధ్యాయ పోస్టులకు దరఖాస్తు చేసుకోవచ్చా?

    Asked By: ఒక అభ్యర్థి

    Ans:

    మీరు గురుకులాల్లోని ఎస్‌జీటీ ఉపాధ్యాయ పోస్టులకు దరఖాస్తు చేసుకోవచ్చు. మీ ఎంకామ్‌ విద్యార్హతతో జూనియర్‌ లెక్చరర్‌ పోస్టులకూ ప్రయత్నించవచ్చు.

Q: నాపై సెక్షన్ 324 ఆర్/డబ్ల్యూ 34 కేసు ఫైల్ అయ్యింది. ప్రస్తుతం కేసు క్లోజ్ అయ్యింది. ప్రభుత్వ ఉద్యోగాలకు సిద్ధమవుతున్నాను. సర్టిఫికెట్ల వెరిఫికేషన్ సమయంలో ఏదైనా సమస్య ఉంటుందా?

    Asked By: సందీప్

    Ans:

    మీకు శిక్ష పడలేదు కాబట్టి ఎలాంటి సమస్య ఉండదు. ప్రభుత్వ ఉద్యోగాలకు ప్రిపేర్‌ అవ్వండి.

Q: నేను ఎంబీఏ హెచ్‌ఆర్‌లో స్పెషలైజేషన్ చేశాను. దీనికి సంబంధించి తెలంగాణ రాష్ట్ర పబ్లిక్ సర్వీస్ కమిషన్‌లో ఉద్యోగాలు ఉంటాయా?

    Asked By: సురేష్

    Ans:

    టీఎస్‌పీఎస్సీలో ఎంబీఏ స్పెషలైజేషన్‌ చేసిన వారికి ప్రత్యేకించి ఎలాంటి ఉద్యోగ అవకాశాలు ఉండవు. టీఎస్‌పీఎస్సీ నిర్వహించే గ్రూప్‌ 1, 2, 3, 4 ఉద్యోగాలకు దరఖాస్తు చేసుకోవచ్చు.

Q: ఫారెస్ట్‌ రేంజ్‌ ఆఫీసర్‌ కావాలనుకుంటున్నాను. దీనికి ఏ పుస్తకాలు చదవాలో చెప్పగలరు.

    Asked By: జి. వాణీప్రియ

    Ans:

    ఫారెస్ట్‌ రేంజ్‌ ఆఫీసర్‌ ఉద్యోగానికి ముందుగా క్వాలిఫయింగ్‌ పరీక్ష ఉంటుంది. దీనిలో ఉత్తీర్ణత సాధించినవారు మాత్రమే రెండో దశ పరీక్షకు అర్హులు అవుతారు. క్వాలిఫయింగ్‌ పరీక్షలో వచ్చిన మార్కులు తుది ఎంపికలో పరిగణించరు. క్వాలిఫయింగ్‌ పరీక్షలో రెండు పేపర్లు ఉంటాయి. అందులో మొదటిది జనరల్‌ ఇంగ్లిష్, రెండోది మేథమెటిక్స్‌ (10వ తరగతి స్థాయి). జనరల్‌ ఇంగ్ల్లిష్‌ కోసం ఆబ్జెక్టివ్‌ జనరల్‌ ఇంగ్లిష్‌ (ఎస్‌ చాంద్‌), ఆబ్జెక్టివ్‌ ఇంగ్లిష్‌ ఫర్‌ జనరల్‌ కాంపిటీటివ్‌ ఎగ్జామినేషన్స్‌ (పియర్‌సన్‌), ఆబ్జెక్టివ్‌ జనరల్‌ ఇంగ్లిష్‌ (అరిహంత్‌), ఇంగ్లిష్‌ ఫర్‌ కాంపిటీటివ్‌ ఎగ్జామినేషన్స్‌ (ఎస్‌ చాంద్‌) లాంటి పుస్తకాలను చదవండి. మేథమెటిక్స్‌ కోసం హైస్కూల్‌ మేథమెటిక్స్, క్వాంటిటేటివ్‌ ఆప్టిట్యూడ్‌ (ఎస్‌ చాంద్‌), టీచ్‌ యువర్‌ సెల్ఫ్‌ క్వాంటిటేటివ్‌ ఆప్టిట్యూడ్‌ (మెక్‌ గ్రాహిల్‌) లాంటి పుస్తకాలను చదవండి. రెండో దశలో జనరల్‌ స్టడీస్, ఒక ఆప్షనల్‌ సబ్జెక్ట్‌లో రెండు పరీక్షలుంటాయి. జనరల్‌ స్టడీస్‌ కోసం తెలుగు అకాడెమీ, అరిహంత్, లూసెంట్‌ లాంటి పబ్లిషర్లు ప్రచురించిన పుస్తకాలను చదవండి. ఆప్షనల్‌ పేపర్‌ విషయానికొస్తే, మీరు ఎంచుకొన్న ఆప్షనల్‌ సబ్జెక్ట్‌ సిలబస్‌ను అనుసరించి ప్రామాణిక పుస్తకాలను చదివి సొంత నోట్స్‌ ఆధారంగా తయారవ్వండి. - ప్రొ. బెల్లకొండ రాజశేఖర్, కెరియర్‌ కౌన్సెలర్‌

Q: తెలంగాణ ఎస్ఐ పరీక్ష పత్రం తెలుగు, ఇంగ్లిష్ రెండు భాషల్లోనూ ఉంటుందా?

    Asked By: సోమనాథ్

    Ans:

    అవును. రెండు భాషల్లోనూ పరీక్ష పత్రం ఇస్తారు.

Q: నేను తెలంగాణ స్టేట్ డిజాస్టర్ రెస్పాన్స్ అండ్ ఫైర్ సర్వీసెస్ డిపార్ట్‌మెంట్‌లో డ్రైవర్ ఆపరేటర్ పోస్టుకు దరఖాస్తు చేశాను. నోటిఫికేషన్‌లో రెండు సంవత్సరాలు లేదా అంతకంటే ఎక్కువ కాలం పాటు చెల్లుబాటు అయ్యే హెచ్‌ఎంవీ లైసెన్స్‌ను కలిగి ఉండాలని పేర్కొన్నారు. 2020 ఏప్రిల్‌లో నా లైసెన్స్ గడువు ముగిసింది. కరోనా వల్ల లైసెన్స్‌ను కొంత ఆలస్యంగా అదే సంవత్సరం అక్టోబరులో పొందాను. ఈ పోస్టుకు నాకు అర్హత ఉంటుందా?

    Asked By: చెన్నా

    Ans:

    ఇలాంటి అంశాలకు సంబంధించి అధికారిక సమాచారం అందుబాటులో లేదు. డ్రైవింగ్‌ లైసెన్స్‌ను జత చేసి, కొవిడ్‌-19 పత్రాన్ని సమర్పిస్తే పరిగణించే అవకాశం ఉంది. ప్రయత్నించి చూడండి.

Q: నేను ఇంజినీరింగ్‌లో డిప్లొమా చేశాను. టీఎస్‌పీఎస్సీ నిర్వహించే గ్రూప్స్ ఉద్యోగాలకు అర్హత ఉంటుందా?

    Asked By: సాయి

    Ans:

    మీకు గ్రూప్‌-4 రాసుకోవడానికి అర్హత ఉంది. గ్రూప్‌-1, గ్రూప్‌-2, గ్రూప్‌-3 పోస్టులకు అవకాశం లేదు.