ప్రపంచంలోని యూనివర్సిటీలకు ర్యాంకింగ్ ఇచ్చే ది (ది టైమ్స్ హయ్యర్ ఎడ్యుకేషన్) ఇంపాక్ట్ ర్యాంకింగ్స్ - 2022 ఇటీవల విడుదలయ్యాయి. వీటిలో ఉత్తమ విద్యాసంస్థలు కలిగిన దేశంగా భారత్ నాలుగో స్థానంలో నిలిచింది. టాప్ 100 యూనివర్సిటీల్లో మన దేశం నుంచి 3 వర్సిటీలకు చోటు దక్కింది.
దేశంలోని సెంట్రల్, స్టేట్ ఎయిడెడ్ పబ్లిక్ విశ్వవిద్యాలయాల్లో కలకత్తా యూనివర్సిటీ తొలిస్థానం (14వ ర్యాంకు) కైవసం చేసుకుంది. డీసెంట్ వర్క్ అండ్ ఎకనమిక్ గ్రోత్ సబ్ కేటగిరీలో ఈ ర్యాంకు లభించింది. ఆ తర్వాత స్థానాల్లో వరుసగా అమృత విశ్వవిద్యాపీఠం- కోయంబత్తూర్ (41వ ర్యాంకు), లవ్లీ ప్రొఫెషనల్ యూనివర్సిటీ-పంజాబ్ (74వ ర్యాంకు) నిలిచాయి.
‣ టాప్ 800లో ఓపీ జిందాల్ గ్లోబల్ యూనివర్సిటీ (హర్యానా), కళింగ ఇన్స్టిట్యూట్ ఆఫ్ ఇండస్ట్రియల్ టెక్నాలజీ (భువనేశ్వర్), వెల్లూర్ ఇన్స్టిట్యూట్ ఆఫ్ టెక్నాలజీ (తమిళనాడు), అమిటీ యూనివర్సిటీ (నోయిడా), చిట్కార యూనివర్సిటీ (చండీఘర్) చోటు సంపాదించాయి.
‣ ఈ ఏడాది ప్రపంచవ్యాప్తంగా 110 దేశాల నుంచి 1,524 విద్యాసంస్థలు ఈ ర్యాంకింగ్స్లో పాల్గొన్నాయి. వీటన్నింటిలో ఆస్ట్రేలియాలోని వెస్టర్న్ సిడ్నీ యూనివర్సిటీ మొదటి స్థానంలో నిలిచింది. విద్యాప్రమాణాల నాణ్యత, పరిశుద్ధమైన తాగునీరు - పరిసరాలు, మౌలిక వసతులు, విద్యార్థుల సర్వతోముఖాభివృద్ధి... వీటి ఆధారంగా ఈ ర్యాంకులను నిర్ణయించారు.
మన దేశంలోని ఇతర విశ్వవిద్యాలయాల ర్యాంకింగ్
ర్యాంకు విశ్వవిద్యాలయం
101 - 200 షూలిని యూనివర్సిటీ ఆఫ్ బయోటెక్నాలజీ అండ్ మేనేజ్మెంట్ సైన్సెస్, హిమాచల్ ప్రదేశ్
201 - 300 ఎన్ఐటీటీఈ, మంగుళూరు
301 - 400 జేఎస్ఎస్ అకాడమీ ఆఫ్ హయ్యర్ ఎడ్యుకేషన్ అండ్ రిసెర్చ్, మైసూర్
301 - 400 సింబయాసిస్ ఇంటర్నేషనల్ యూనివర్సిటీ, పూణె
401 - 600 దత్త మేఘ్ ఇన్స్టిట్యూట్ ఆఫ్ మెడికల్ సైన్స్, నాగ్పూర్
401 - 600 డాన్ బాస్కో యూనివర్సిటీ, అసోం
401 - 600 ఎటర్నల్ యూనివర్సిటీ, హిమాచల్ ప్రదేశ్
401 - 600 గీతమ్ యూనివర్సిటీ, విశాఖపట్నం
401 - 600 హిందుస్థాన్ ఇన్స్టిట్యూట్ ఆఫ్ టెక్నాలజీ అండ్ సైన్స్, చెన్నై
401 - 600 ఇండియన్ ఇన్స్టిట్యూట్ ఆఫ్ టెక్నాలజీ, గాంధీనగర్
401 - 600 మణిపాల్ అకాడమీ ఆఫ్ హయ్యర్ ఎడ్యుకేషన్, కర్ణాటక
401 - 600 టాటా ఇన్స్టిట్యూట్ ఆఫ్ సోషల్ సైన్సెస్, ముంబై
601 - 800 ఆచార్య నాగార్జున యూనివర్సిటీ, గుంటూరు
601 - 800 శ్రీ పద్మావతి మహిళా విశ్వవిద్యాలయం, తిరుపతి
601 - 800 శ్రీశ్రీ యూనివర్సిటీ, కటక్
1001 ప్లస్ ఆంధ్రా యూనివర్సిటీ, విశాఖపట్నం
1001 ప్లస్ విజ్ఞాన్ ఫౌండేషన్ ఫర్ సైన్స్, టెక్నాలజీ అండ్ రిసెర్చ్, గుంటూరు
********************************************************
మరింత సమాచారం ... మీ కోసం!
‣ టెన్త్తో పోస్టల్ ఉద్యోగాలు
‣ ఇఫ్లూ కోర్సుల్లో ప్రవేశాలకు ప్రకటన
‣ సౌకర్యంగా చదువుకోడానికి ఈ-బుక్రీడర్
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.