Post your question

 

Q: గ్రూప్స్‌కి ప్రిపేర్ అవుతున్నాను. పదో తరగతి సర్టిఫికెట్‌లో అమ్మ పేరు ళ్యీ్ర్చ౯్చ-్చ అని ఉంది. తన ఆధార్‌కార్డులో ళ్యీ్ర్చ౯-్చ అని ఉంది. సర్టిఫికెట్ వెరిఫికేషన్ సమయంలో ఏదైనా సమస్య ఎదురవుతుందా? ఒకవేళ మార్పించాలంటే ఏం చేయాలి?

    Asked By: కార్తీక్

    Ans:

    ఎలాంటి సమస్యా ఉండదు. అమ్మ పేరును మీ సర్టిఫికెట్‌లో ఉన్నట్లు ఆధార్‌లో కూడా మార్పిస్తే సరిపోతుంది.

Q: ఏం చేస్తే మేలు? అడ్వాన్స్డ్ కంప్యూటర్ సైన్స్ డిగ్రీ చేశాను. ఎథికల్ హ్యాకింగ్పై ఆసక్తి. కానీ త్వరగా ఉద్యోగం రావాలంటే సీ, సీ++, పైతాన్ నేర్చుకోమంటున్నారు స్నేహితులు. ఏం చేస్తే బాగుంటుంది?

    Asked By: కృష్ణ

    Ans:

    - ఎథికల్‌ హ్యాకింగ్‌ అనేది ఒక ప్రత్యేకమైన రంగం. ఈ రంగంలో రాణించాలంటే విపరీతమైన ఆసక్తి, విషయ పరిజ్ఞానం చాలా అవసరం. ఈ రంగంలో రోజురోజుకూ పెరుగుతున్న సవాళ్ళ దృష్ట్యా నిత్యం కొత్త విషయాలను నేర్చుకోవాల్సి ఉంటుంది. ఎథికల్‌ హ్యాకింగ్‌లో శిక్షణ పొందినవారికి పెనట్రేషన్‌ టెస్టర్, వల్నరబిలిటీ అసెసర్, ఇన్ఫర్మేషన్‌ సెక్యూరిటీ అనలిస్ట్, సర్టిఫైడ్‌ ఎథికల్‌ హ్యాకర్, సెక్యూరిటీ ఇంజినీర్, ఇన్ఫర్మేషన్‌ సెక్యూరిటీ మేనేజర్‌ లాంటి ఉద్యోగాలు అందుబాటులో ఉంటాయి. నెట్‌ వర్కింగ్, కంప్యూటర్‌ సిస్టమ్స్, వివిధ ఆపరేటింగ్‌ సిస్టమ్స్, సెక్యూరిటీ ప్రోటోకాల్స్, వివిధ రకాల పాస్‌వర్డ్స్‌ను ఛేదించగలగటం, ఎథికల్‌ హ్యాకింగ్‌పై పూర్తి పరిజ్ఞానం, ఎన్‌క్రిప్షన్, క్రిప్టోగ్రఫీ, కోడ్‌ ఆఫ్‌ ఎథిక్స్, ప్రొఫెషనల్‌ కాండక్ట్‌లపై పట్టు సాధించాలి. ఎథికల్‌ హ్యాకింగ్‌లో నిలదొక్కుకోవాలంటే, సీ, సీ++, పైతాన్, ఎస్‌క్యూఎల్, జావా, పీహెచ్‌పీ..లాంటి కోడింగ్‌ లాంగ్వేజ్‌లూ నేర్చుకోవాల్సిందే. కాబట్టి మీరు సీ, సీ++, పైతాన్‌లు నేర్చుకోవడం ద్వారా ఎథికల్‌ హ్యాకింగ్‌తో పాటు, ఇతర సాఫ్ట్‌వేర్‌ ఉద్యోగాలనూ ప్రయత్నించవచ్చు.

Q: పదో తరగతి తర్వాత కొంత గ్యాప్ వచ్చింది. తెలంగాణ ఓపెన్ స్కూల్ ద్వారా ఒక సంవత్సరంలో ఇంటర్ పూర్తి చేశాను. టీఎస్‌పీఎస్సీ గ్రూప్-4కి ఇతర ప్రభుత్వ ఉద్యోగాలకు ఈ ఇంటర్‌తో దరఖాస్తు చేసుకోవచ్చా?

    Asked By: క్రిష్

    Ans:

    మీరు ఇంటర్‌ కనీస అర్హతగా ఉన్న అన్ని ప్రభుత్వ ఉద్యోగాలకు దరఖాస్తు చేసుకోవచ్చు. సంకోచించకుండా అన్నింటికీ బాగా ప్రిపేర్‌ అవ్వండి.

Q: టెట్ ఫలితాల్లో అర్హత లభించింది. అయితే టెట్ హాల్ టికెట్‌లో ఉన్న ఇంటి పేరు సర్టిఫికెట్‌లో ఉన్న విధంగా కాకుండా ఆధార్‌లో ఉన్నట్లు వచ్చింది. భవిష్యత్తులో ఈ టెట్ మార్కులను డీఎస్సీకి పరిగణనలోకి తీసుకోవడంలో ఏమైనా ఇబ్బందులు తలెత్తుతాయా?

    Asked By: గోపు

    Ans:

    ఎలాంటి ఇబ్బందులు తలెత్తే అవకాశం లేదు. కానీ మీరు ఇంటిపేరును సర్టిఫికెట్‌లో ఉన్న విధంగానే ఆధార్‌ సహా అన్నింటిలోనూ మార్చుకోవడం మంచిది.

Q: నా పాఠశాల విద్యాభ్యాసమంతా మేడ్చల్ జిల్లాలో పూర్తి చేశాను. టీఎస్ పోలీసు ఉద్యోగాలకు దరఖాస్తు చేసినప్పుడు స్కూలింగ్ వివరాలలో పొరబాటున రంగారెడ్డి జిల్లా అని నింపాను. ఎడిట్ అవకాశం ఉందా?

    Asked By: కిరణ్

    Ans:

    ప్రస్తుతం ఎడిట్‌ చేసుకునే అవకాశం లేదు. సర్టిఫికెట్‌ వెరిఫికేషన్‌ సమయంలో సరిచేసుకోండి.

Q: నేను టెట్ పేపర్-1, 2 రెండింటిలో అర్హత సాధించాను. మార్కులు ఒకే విధంగా వచ్చాయి. స్కూల్ అసిస్టెంట్‌కి ప్రిపేర్ కావాలా లేదా ఎస్‌జీటీకి చదవాలా అర్థం కావడంలేదు. ఏం చేయాలి?

    Asked By: prasanth

    Ans:

    మీరు మొదట ఎస్‌జీటీకి ప్రాధాన్యాన్నిస్తూ ఎస్‌ఏకి కూడా ప్రిపేర్‌ అవ్వండి. ఇబ్బంది ఏమీ ఉండదు.

Q: బీఈడీ స్పెషల్ ఎడ్యుకేషన్ పూర్తి చేశాను. టెట్ పేపర్-1, పేపర్-2లో మంచి మార్కులు సాధించాను. ఎస్‌జీటీకి మాత్రమే కాకుండా ఇతర ప్రభుత్వ ఉద్యోగాలకు అవకాశం ఉంటుందా?

    Asked By: ఒక అభ్యర్థి

    Ans:

    మీకు ఎస్‌జీటీకి మాత్రమే కాకుండా ఇతర ప్రభుత్వ ఉద్యోగాలకు కచ్చితంగా అవకాశం ఉంటుంది. ఎలాంటి సంకోచం లేకుండా అన్నింటికీ బాగా సిద్ధమవ్వండి.

Q: నేను 2012-13 విద్యాసంవత్సరంలో పదో తరగతి పూర్తి చేశాను. తర్వాత అయిదు సంవత్సరాలు చదవకుండా తిరిగి 2018-19లో దూరవిద్యలో ఇంటర్ పూర్తి చేసి, డిగ్రీలో జాయిన్ అయ్యాను. ప్రస్తుతం చివరి సెమిస్టర్ పరీక్షలు రాస్తున్నాను. డిగ్రీ ఫలితాల తర్వాత గ్రూప్స్ రాసుకోవడానికి అర్హత ఉంటుందా?

    Asked By: షేక్

    Ans:

    డిగ్రీ పూర్తయితే గ్రూప్‌-2, గ్రూప్‌-4 పరీక్షలు రాసుకోవడానికి కచ్చితంగా అర్హత ఉంటుంది. అయితే నోటిఫికేషన్‌ సమయానికి ఫలితాలు వచ్చి మార్కుల శాతం తెలిసి ఉండాలి. సర్టిఫికెట్‌ వెరిఫికేషన్‌ సమయానికి సర్టిఫికెట్‌ చేతిలో ఉండాలి.

Q: నా విద్యాభ్యాసమంతా తెలంగాణలో పూర్తయింది. ఇటీవలే ఆంధ్రప్రదేశ్ అబ్బాయితో వివాహమైంది. ఇప్పుడు టీఎస్‌పీఎస్సీ పరీక్షలు రాయడానికి స్థానికత వర్తిస్తుందా?

    Asked By: భవాని

    Ans:

    ఆంధ్రప్రదేశ్‌ అబ్బాయితో వివాహమైనప్పటికీ మీ ప్రాథమిక విద్యాభ్యాసమంతా తెలంగాణలోనే జరిగింది కాబట్టి, మీకు ఇక్కడి స్థానికత వర్తిస్తుంది.

Q: టీఎస్‌పీఎస్సీ ఉద్యోగాల్లో ఈడబ్ల్యూఎస్ రిజర్వేషన్ విషయంలో తండ్రి/భర్త ఎవరి ఆదాయాన్ని పరిగణనలోకి తీసుకోవాలి?

    Asked By: విజయ

    Ans:

    భర్త ఆదాయాన్నే పరిగణనలోకి తీసుకోవాలి.