Post your question

 

Q: నేను హెచ్‌సీయూ నుంచి మాస్ కమ్యూనికేషన్స్‌లో పీజీ డిగ్రీ పూర్తిచేశాను. వీహెచ్ కేటగిరీ అభ్యర్థిని. మాస్ కమ్యూనికేషన్‌కి సంబంధించి తెలంగాణ ప్రభుత్వ ఉద్యోగాల గురించి తెలియజేయండి

    Asked By: ఉమా శంకర్

    Ans:

    మాస్‌ కమ్యూనికేషన్స్‌లో ప్రత్యేకించి ప్రభుత్వ ఉద్యోగాలు అరుదుగా ఉంటాయి. మీరు టీఎస్‌పీఎస్సీ గ్రూప్స్‌ పరీక్షలన్నీ రాసుకోవచ్చు.

Q: లాక్‌డౌన్ సమయంలో ఒక గొడవ కారణంగా నాపై కేసు నమోదైంది. అవతలివారు రాజీపడ్డారు. లోక్ అదాలత్‌లో కేసు కొట్టివేశారు. ప్రస్తుతం ప్రభుత్వ ఉద్యోగ సాధనలో ఏదైనా సమస్య అవుతుందా?

    Asked By: నవీన్

    Ans:

    మీ పై ఉన్న కేసు కొట్టివేశారు కాబట్టి, ప్రభుత్వ ఉద్యోగ సాధనలో ఎలాంటి సమస్య ఉండదు.

Q: నేను 2010-14లో బీటెక్ చదివాను. అయితే బ్యాక్‌లాగ్ ఉన్న ఒక సబ్జెక్ట్ 2019లో పూర్తయ్యింది. టీఎస్‌పీఎస్సీ గ్రూప్స్‌కి దరఖాస్తు చేసుకోవడానికి అర్హత ఉందా?

    Asked By: షేక్ జావీద్ అక్రమ్

    Ans:

    మీరు టీఎస్‌పీఎస్సీ గ్రూప్స్‌ పరీక్షలకు నిస్సందేహంగా దరఖాస్తు చేసుకోవచ్చు.

Q: ఒకటి నుంచి నాలుగో తరగతి వరకు పాత/కొత్త వరంగల్ జిల్లాలో, అయిదు నుంచి పదో తరగతి వరకు ములుగులో చదివాను. కొత్త జోనల్ వ్యవస్థ ప్రకారం ప్రస్తుతం వరంగల్ భద్రాద్రి జోన్‌లోకి, ములుగు కాళేశ్వరం జోన్‌లోకి వస్తుంది. నేను ఏ జోన్‌లోకి వెళతాను?

    Asked By: పీహెచ్‌సీ ఇనుగుర్తి

    Ans:

    మీరు భద్రాద్రి జోన్‌ పరిధిలోకి వస్తారు.

Q: టీఎస్‌పీఎస్సీ గ్రూప్-1 నోటిఫికేషన్ దరఖాస్తులో ప్రిలిమ్స్ రాయడానికి లాంగ్వేజ్ ఎంపికలో పొరబాటున ఇంగ్లిష్, ఉర్దూ అని ఎంచుకున్నాను. ఇప్పుడు తెలుగు లేదా ఇంగ్లిష్‌లో పరీక్ష రాయాలని ఉంది. దరఖాస్తు సరిచేయడానికి ఎడిట్ ఆప్షన్ ఏమైనా ఉంటుందా?

    Asked By: ఒక అభ్యర్థి

    Ans:

    ప్రస్తుతం దరఖాస్తు ప్రక్రియ పూర్తవడంతో సర్వీస్‌ కమిషన్‌ ఎడిట్‌ ఆప్షన్‌ను నిలిపివేసింది. మీరు ఎంచుకున్న మీడియంలోనే పరీక్ష రాయాల్సి ఉంటుంది.

Q: నేను ఒకటి నుంచి అయిదో తరగతి ఏడు సంవత్సరాలు చదివాను. దీని వల్ల ప్రభుత్వ ఉద్యోగ సాధనలో ఏదైనా సమస్య ఉంటుందా?

    Asked By: ఒక అభ్యర్థి

    Ans:

    ఎలాంటి సమస్యా ఉండదు. నిస్సంకోచంగా ప్రభుత్వ ఉద్యోగాలకు ప్రిపేర్‌ అవ్వండి.

Q: టీఎస్‌పీఎస్సీ గ్రూప్-4 ప్రిపరేషన్‌లో భాగంగా తెలుగు అకాడమీ పుస్తకాలను చదవాలా?

    Asked By: అర్జున్

    Ans:

    సిలబస్‌ ఆధారంగా పేపర్‌-1కు సంబంధించి సబ్జెక్టులవారీగా తెలుగు అకాడమీ పుస్తకాలను చదవాల్సి ఉంటుంది. డిగ్రీ పాసై గ్రూప్‌-2కి ప్రిపేర్‌ అవుతున్నవారికి కూడా ఈ ప్రిపరేషన్‌ ఉపయోగపడుతుంది. అంటే తెలుగు అకాడమీ పుస్తకాలను చదవడం వల్ల ఏకకాలంలో రెండింటికీ ప్రిపేర్‌ కావచ్చు.

Q: ఒకటో తరగతి నుంచి అయిదో తరగతి వరకు తెలంగాణలో, ఆరో తరగతి నుంచి పదో తరగతి వరకు ఆంధ్రప్రదేశ్‌లో చదివాను. తెలంగాణ డీఎస్సీ రాయడానికి స్థానికత వర్తిస్తుందా?

    Asked By: ఒక అభ్యర్థి

    Ans:

    మీకు తెలంగాణ రాష్ట్రంలో స్థానికత వర్తించదు. ఆంధ్రప్రదేశ్‌ స్థానికత కిందకు వస్తారు.

Q: నేను కొన్ని అనివార్య కారణాల వల్ల టీఎస్‌టెట్ పరీక్ష రాయలేకపోయాను. ఇప్పుడు జరగబోయే డీఎస్సీ పరీక్ష రాయడానికి అవకాశం ఉంటుందా?

    Asked By: సునీత

    Ans:

    డీఎస్సీ పరీక్ష రాయడానికి టెట్‌ ఉత్తీర్ణత అనేది కనీస అర్హత. కాబట్టి, మీకు డీఎస్సీ రాయడానికి అవకాశం ఉండదు.

Q: పీజీ లేకుండా పీహెచ్డీ? కెమికల్ ఇంజినీరింగ్లో గ్రాడ్యుయేషన్ చేసి (ఎన్ఐటీ, దుర్గాపూర్) క్యాంపస్ రిక్రూట్మెంట్ సాధించాను. గణితంలో పీహెచ్డీ చేయాలనుంది. పీజీ లేకుండా ఇది సాధ్యమేనా?

    Asked By: సుమన్ తేజ్ బదావత్

    Ans:

    - ప్రపంచవ్యాప్తంగా ఇటీవలికాలంలో మల్టీ డిసిప్ల్లినరీ పరిశోధనలకు ప్రాధాన్యం పెరుగుతోంది. కానీ మనదేశంలో ఐఐటీ/ యూనివర్సిటీల్లో, ప్రస్తుతం అమల్లో ఉన్న నియమ నిబంధనల ప్రకారం, మేథమెటిక్స్‌లో పీహెచ్‌డీ చేయాలంటే గణితంలో కచ్చితంగా ఎంఎస్సీ/ఎంఏ చదివి ఉండాలి. జాతీయ విద్యావిధానం-2020 పూర్తి స్థాయిలో అమల్లోకి వస్తే మాత్రం ఈ విషయంలో వెసులుబాటు ఇవ్వొచ్చు. బీటెక్‌ డిగ్రీతో పాటు, మేథమెటిక్స్‌ సబ్జెక్ట్‌లో అత్యంత విషయపరిజ్ఞానం కలిగినవారికి టాటా ఇన్‌స్టిట్యూట్‌ ఆఫ్‌ ఫండమెంటల్‌ రిసెర్చ్, చెన్నై మేథమెటికల్‌ ఇన్‌స్ట్టిట్యూట్, ది ఇన్‌స్టిట్యూట్‌ ఆఫ్‌ మేథమెటికల్‌ సైన్సెస్‌ లాంటి అతికొద్ది పరిశోధన సంస్థల్లో మేథమెటిక్స్‌లో పీహెచ్‌డీ చేయడానికి అర్హత ఉంది. అయితే, మీరు ప్రవేశ పరీక్ష/ ఇంటర్వ్యూల్లో ఎంఎస్సీ/ఎంఏ మేథమెటిక్స్‌ చదివినవారితో పోటీపడవలసి ఉంటుంది. విదేశాల్లో చాలాచోట్ల నాలుగు సంవత్సరాల డిగ్రీ తరువాత పీజీ చేయకుండానే నచ్చిన సబ్జెక్టులో పీహెచ్‌డీ… చేసే అవకాశం ఉంటుంది.

    - ప్రొ. బెల్లంకొండ రాజశేఖర్,  కెరియర్‌ కౌన్సెలర్‌