Post your question

 

Q: మెకానికల్‌ ఇంజినీరింగ్‌ చేసి 5 ఏళ్లుగా మాన్యుఫ్యాక్చరింగ్‌ రంగంలో పనిచేస్తున్నాను. సాఫ్ట్‌వేర్‌ రంగంలో అవకాశాలు ఎక్కువగా ఉండటంతో అటువైపు వెళ్లాలనుకుంటున్నాను. దాని కోసం ఏ కోర్సులు చదవాలి

    Asked By: హరిచరణ్‌

    Ans:

    మీ అనుభవాన్ని బట్టి ళీతిశి కోర్సు చేస్తే మంచి భవిష్యత్తు ఉంటుంది. మాన్యుఫ్యాక్చరింగ్‌ రంగంలో మీరు ఏయే విభాగాల్లో పనిచేశారో, ఏ విభాగంలో మీకు ఆసక్తి ఉందో ళీతిశి లో సంబంధిత మాడ్యూల్‌ని చేయండి. ఐటీ ఉద్యోగాలు అంటే టెస్టింగ్, డెవలపింగ్‌ మాత్రమే కాదు. మెకానికల్‌ ఇంజినీరింగ్‌ చదివి, మాన్యుఫ్యాక్చరింగ్‌ రంగంలో ఉద్యోగానుభవం ఉన్న మీకు మెకానికల్‌ డిజైన్స్, డ్రాయింగ్, అనాలిసిస్‌ల్లో కూడా ఐటీ ఉద్యోగాలు అందుబాటులో ఉంటాయి. సాఫ్ట్‌వేర్‌ రంగంలోకి వెళ్లాలనుకొంటే ప్రోగ్రామింగ్, కోడింగ్‌ కోర్సులు చేయండి. డేటా సైన్స్, బిజినెస్‌ అనలిటిక్స్, క్లౌడ్‌ కంప్యూటింగ్‌ లాంటి కోర్సులు చేసి ఆ రంగంలోనూ ఉద్యోగాలకోసం ప్రయత్నించవచ్చు. సాధారణంగా మెకానికల్‌ ఇంజినీరింగ్‌ చదివిన ఫ్రెషర్స్‌కు సాఫ్ట్‌వేర్‌ ఉద్యోగావకాశాలు ఎక్కువ. కాబట్టి మీకు అనుభవమున్న మెకానికల్, మాన్యుఫ్యాక్చరింగ్‌ రంగాల్లోనే సాఫ్ట్‌వేర్‌ ఉద్యోగాలకోసం ప్రయత్నించండి.

Q: గ్రూప్-1 ప్రిలిమ్స్‌కు ప్రిపేర్ అవుతున్నాను. తెలంగాణ సోషియో ఎకనామిక్ ఔట్‌లుక్‌ను ఎలా చదివి గుర్తుపెట్టుకోవాలి?

    Asked By: మౌన దాసి

    Ans:

    చాప్టర్ల వారీగా చదివి, ప్రభుత్వ విధానాల వివరాలను గుర్తుపెట్టుకోండి. డేటా మొత్తం బట్టీ పట్టాల్సిన అవసరంలేదు.

Q: ఇంటర్ ఒకేషనల్ కోర్సు ఎలక్ట్రానిక్స్ అండ్ కమ్యూనికేషన్ టెక్నీషియన్ చేశాను. టీఎస్‌ఎస్‌పీడీసీఎల్‌లో జేఎల్‌ఎం పోస్టులకు అర్హత ఉంటుందా?

    Asked By: దినేష్ గౌడ్

    Ans:

    ఎలక్ట్రానిక్స్‌ అండ్‌ కమ్యూనికేషన్‌ చేసినవారికి జేఎల్‌ఎం పోస్టులకు అర్హత ఉండదు.

Q: ఆచార్య నాగార్జున విశ్వవిద్యాలయం నుంచి దూరవిద్యలో ఎంఏ తెలుగు పూర్తి చేశాను. టీఎస్‌పీఎస్సీ గ్రూప్స్, గురుకుల ఉద్యోగాలకు అర్హత ఉందా?

    Asked By: బోగి చిరు

    Ans:

    మీకు టీఎస్‌పీఎస్సీ గ్రూప్స్, గురుకులాల్లో జూనియర్‌ లెక్చరర్‌ పోస్టులకు దరఖాస్తు చేసుకోవడానికి అర్హత ఉంది. మీరు ఏదైనా ఉపాధ్యాయ ట్రైనింగ్‌కు సంబంధించి బీఈడీ లాంటివి చేసి ఉంటే గురుకుల్లాల్లో టీచర్‌ పోస్టులకు కూడా అర్హత ఉంటుంది.

Q: గ్రూప్-4 పరీక్ష రాయడానికి టైపింగ్ సర్టిఫికెట్ ఉండాలా?

    Asked By: మాతంగి అనుష

    Ans:

    కంప్యూటర్‌ ఆపరేటర్‌ లాంటి కొన్ని పోస్టులకు మాత్రమే టైపింగ్‌ సర్టిఫికెట్‌ అవసరం ఉంటుంది. మిగిలినవాటికి అవసరం లేదు.

Q: ఎక్సైజ్ కానిస్టేబుల్, సివిల్ కానిస్టేబుల్ పరీక్షలు వేర్వేరుగా జరుగుతాయా?

    Asked By: పల్లపు రాజశేఖర్

    Ans:

    అవును, ఈ రెండింటికీ పరీక్షలు వేర్వేరుగా జరుగుతాయి.

Q: నేను ఒకటి నుంచి తొమ్మిదో తరగతి వరకు ప్రభుత్వ గుర్తింపులేని స్కూల్లో చదివాను. తర్వాత ఓపెన్ యూనివర్సిటీలో బీఏ పూర్తి చేసి, బీఈడీ చేశాను. డీఎస్సీ, ఇతర ప్రభుత్వ ఉద్యోగాలు రాయడానికి అవకాశం ఉంటుందా?

    Asked By: సత్యం

    Ans:

    మీకు డీఎస్సీతో పాటు ఇతర కేంద్ర, రాష్ట్ర ప్రభుత్వ ఉద్యోగాలు రాసుకోవడానికి అవకాశం ఉంది.

Q: నేను నల్గొండకు చెందిన స్థానిక అభ్యర్థిని. ప్రస్తుతం సంగారెడ్డి జిల్లాలో నివాసం ఉంటున్నాను. ఈ జిల్లా నుంచి ఈడబ్ల్యూఎస్ సర్టిఫికెట్ను పొందవచ్చా?

    Asked By: అమనగంటి

    Ans:

    మీరు శాశ్వత నివాస ఆధారాలు చూపించి సంగారెడ్డి జిల్లాలో ఈడబ్ల్యూఎస్‌ సర్టిఫికెట్‌ను పొందవచ్చు.

Q: నేను ఒకటి నుంచి నాలుగో తరగతి వరకు హైదరాబాద్లో, అయిదు నుంచి పదో తరగతి వరకు వరంగల్ జిల్లాలో చదివాను. ఏ జిల్లాలో స్థానికతను పొందుతాను?

    Asked By: తేజావత్ కుమార్

    Ans:

    మీరు హైదరాబాద్‌లో స్థానికతను పొందుతారు.

Q: గ్రూప్-2 నా లక్ష్యం. కానీ, గ్రూప్-4 నోటిఫికేషన్ విడుదలయ్యే అవకాశం ఉందంటున్నారు. ఇప్పుడు గ్రూప్-4 సిలబస్‌పై శ్రద్ధ పెట్టాలా లేదా గ్రూప్-2 కి ప్రిపేర్ కావాలో అర్థం కావడం లేదు? పరిష్కార మార్గం చూపించండి.

    Asked By: సోమా

    Ans:

    గ్రూప్‌-2 ప్రిపరేషన్‌ గ్రూప్‌-4కి కూడా సరిపోతుంది. అయితే గ్రూప్‌-4కి అదనంగా సెక్రటేరియల్‌ ఎబిలిటీస్‌ను చదవాలి. మీరు కంగారుపడకుండా రెండింటికీ ఏకకాలంలో ప్రిపరేషన్‌ను కొనసాగించండి.