Post your question

 

Q: నేను ఒకటి నుంచి అయిదో తరగతి వరకు ఖమ్మంలో; ఆరు, ఏడు తరగతులు సూర్యాపేటలో చదివాను. ఏ జిల్లాలో స్థానికత పొందుతాను?

    Asked By: గోపీగౌడ్

    Ans:

    మీరు ఖమ్మం జిల్లాలో స్థానికత పొందుతారు.

Q: టీఎస్‌పీఎస్సీ గ్రూప్-4కు విద్యార్హతను తెలియజేయండి?

    Asked By: కల్యాణ్

    Ans:

    ఇంటర్మీడియట్‌ పూర్తి చేసినవారు టీఎస్‌పీఎస్సీ గ్రూప్‌-4 పరీక్ష రాయడానికి అర్హులు.

Q: టీఎస్పీఎస్సీ గ్రూప్ 1 నోటిఫికేషన్ అప్లికేషన్ లో ప్రిలిమ్స్ లాంగ్వేజ్ పొరపాటున ఇంగ్లీష్ & ఉర్దూ ఎంచుకున్నాను ఎంచుకున్నాను. అప్లికేషన్ ఎడిట్ చేసుకోవాలంటే టీఎస్పీఎస్సీ ఎడిట్ ఆప్షన్ ఇస్తుందా? ప్రిలిమ్స్ నేను తెలుగు ఇంగ్లీష్ లోనే రాయాలనుకుంటున్నాను, నాకు అప్లికేషన్ సరిదిద్దుకునే అవకాశం ఏమైనా ఉంటుందా?

    Asked By: Kundenaally

    Ans:

    ఎంఎస్సీ (కంప్యూటర్‌ సైన్స్‌) చదివినవారికి ప్రభుత్వ రంగంతో పోలిస్తే,  ప్రైవేటు రంగంలోనే ఉద్యోగావకాశాలు ఎక్కువ. ప్రైవేటు రంగంలో సాఫ్ట్‌వేర్‌ ఇంజినీర్, సాఫ్ట్‌వేర్‌ డెవలపర్, సాఫ్ట్‌వేర్‌ క్వాలిటీ అనలిస్ట్, డేటా సైంటిస్ట్, సాఫ్ట్‌వేర్‌ వాలిడేషన్‌ ఇంజినీర్, సాఫ్ట్‌వేర్‌ టెస్ట్‌ ఇంజినీర్, టెక్నికల్‌ సపోర్ట్‌ ఇంజినీర్, ఐటీ సెక్యూరిటీ స్పెషలిస్ట్, ఐటీ ఆడిటర్, సిస్టమ్స్‌ ప్రోగ్రామర్, సిస్టమ్స్‌ మేనేజర్, సిస్టమ్స్‌ అనలిస్ట్‌ లాంటి ఉద్యోగాలు అందుబాటులో ఉంటాయి. ఎంఎస్సీ (కంప్యూటర్‌ సైన్స్‌)  అనేది ఒక డిగ్రీ మాత్రమే. డిగ్రీతో పాటు ప్రోగ్రామింగ్, కోడింగ్, ప్రాబ్లం సాల్వింగ్, కమ్యూనికేషన్‌ నైపుణ్యాలూ చాలా అవసరం. ఇక ప్రభుత్వ రంగానికొస్తే వివిధ ప్రభుత్వరంగ అండర్‌ టేకింగ్‌ సంస్థలు, బ్యాంకులు, యూనివర్సిటీలు, ఎయిర్‌ పోర్ట్‌లు, కేంద్ర, రాష్ట్ర ప్రభుత్వాల్లో పరిమిత సంఖ్యలో ఉద్యోగావకాశాలు ఉన్నాయి. పీజీ కంప్యూటర్‌ సైన్స్‌తోపాటు మరికొన్ని ప్రోగ్రామింగ్‌ లాంగ్వేజెస్, కోడింగ్‌ సంబంధిత కోర్సులు కూడా చేసి మీ నైపుణ్యాలను మెరుగుపర్చుకోండి. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌

Q: టీఎస్‌పీఎస్సీ గ్రూప్-1 ప్రిలిమ్స్‌లో నెగిటివ్ మార్కులు ఉంటాయా?

    Asked By: ఒక అభ్యర్థి

    Ans:

    గ్రూప్‌-1 ప్రిలిమ్స్‌లో నెగిటివ్‌ మార్కులు ఉండవు.

Q: నేను 1998లో జన్మించినట్లు స్కూల్ బోనఫైడ్‌లో తప్పుగా నమోదైంది. ఆ ప్రాతిపదికనే పదో తరగతి మెమో జారీ అయ్యింది. దీని కారణంగా ఉద్యోగాల్లో నష్టపోతున్నాను. ఏదైనా పరిష్కార మార్గం చూపించండి.

    Asked By: ఒక అభ్యర్థి

    Ans:

    పదోతరగతి సర్టిఫికెట్‌లో జారీ చేసిన సంవత్సరాన్ని ప్రామాణికంగా తీసుకుంటారు. కాబట్టి ఇక చేసేదేమి ఉండదు.

Q: నాపై 2015లో ఎస్సీ, ఎస్టీ అట్రాసిటీ కేసు నమోదైంది. వాయిదాలకు కోర్టుకి వెళుతున్నాను. ఒకవేళ ఉద్యోగం వస్తే ఏదైనా సమస్య ఉంటుందా?-

    Asked By: చంద్రకాంత్

    Ans:

    కోర్టు తీర్పును అనుసరించి చర్యలు ఉంటాయి.

Q: మా నాన్న ప్రభుత్వ ఉద్యోగి. నెలకు రూ.80 వేల జీతం వస్తుంది. మా కులం బీసీ-బి. నేను ప్రభుత్వ ఉద్యోగాలకు దరఖాస్తు చేసుకోవడానికి ఏ కేటగిరీ కిందికి వస్తాను? జనరల్ కేటగిరీ/ఓబీసీ?

    Asked By: సిరి

    Ans:

    క్రీమిలేయర్‌ పరిధిలోకి వస్తారు. అయినప్పటికీ ఒకసారి సంబంధిత తహసీల్దార్‌ను సంప్రదిస్తే మీకు స్పష్టత వస్తుంది.

Q: నేను గ్రూప్-1 కి సిద్ధమవుతున్నాను. 2021లో డ్రంక్ అండ్ డ్రైవ్‌లో దొరికిపోయాను. దీనివల్ల ప్రభుత్వ ఉద్యోగసాధనలో ఏదైనా సమస్య ఉంటుందా?

    Asked By: మధు

    Ans:

    సాధారణ పరిస్థితులే అయితే ఏ సమస్యా ఉండకపోవచ్చు.

Q: నేను ఆంధ్ర అమ్మాయిని. తెలంగాణ అబ్బాయితో వివాహం జరిగింది. ఆధార్ కార్డు ఇక్కడి అడ్రస్‌కి మార్పించుకున్నాను. టీఎస్‌పీఎస్సీ పరీక్షలు రాసేందుకు అర్హత ఉంటుందా?

    Asked By: అభ్యర్థిని

    Ans:

    మీ ప్రాథమిక విద్యాభ్యాసమంతా ఆంధ్రప్రదేశ్‌లోనే జరిగి ఉంటే,  తెలంగాణలో ఓపెన్‌ కోటాలో టీఎస్‌పీఎస్సీ పరీక్షలు రాసుకోవచ్చు. కానీ 5% ఉద్యోగాలకు మాత్రమే అర్హత ఉంటుంది.

Q: దూరవిద్యావిధానంలో వేరే రాష్ట్రంలో డిగ్రీ పూర్తి చేశాను. టీఎస్‌పీఎస్సీ గ్రూప్స్, పోలీసు ఉద్యోగాలు రాసుకోవడానికి అర్హత ఉంటుందా?

    Asked By: పొన్నం

    Ans:

    ప్రాథమిక విద్య అంతా తెలంగాణలోనే జరిగి ఉంటే డిగ్రీ వేరే రాష్ట్రంలో చేసినా మీకు అర్హత ఉంటుంది.