Post your question

 

Q: గ్రూప్-4 పరీక్ష రాయడానికి టైపింగ్ సర్టిఫికెట్ ఉండాలా?

    Asked By: మాతంగి అనుష

    Ans:

    కంప్యూటర్‌ ఆపరేటర్‌ లాంటి కొన్ని పోస్టులకు మాత్రమే టైపింగ్‌ సర్టిఫికెట్‌ అవసరం ఉంటుంది. మిగిలినవాటికి అవసరం లేదు.

Q: ఎక్సైజ్ కానిస్టేబుల్, సివిల్ కానిస్టేబుల్ పరీక్షలు వేర్వేరుగా జరుగుతాయా?

    Asked By: పల్లపు రాజశేఖర్

    Ans:

    అవును, ఈ రెండింటికీ పరీక్షలు వేర్వేరుగా జరుగుతాయి.

Q: నేను ఒకటి నుంచి తొమ్మిదో తరగతి వరకు ప్రభుత్వ గుర్తింపులేని స్కూల్లో చదివాను. తర్వాత ఓపెన్ యూనివర్సిటీలో బీఏ పూర్తి చేసి, బీఈడీ చేశాను. డీఎస్సీ, ఇతర ప్రభుత్వ ఉద్యోగాలు రాయడానికి అవకాశం ఉంటుందా?

    Asked By: సత్యం

    Ans:

    మీకు డీఎస్సీతో పాటు ఇతర కేంద్ర, రాష్ట్ర ప్రభుత్వ ఉద్యోగాలు రాసుకోవడానికి అవకాశం ఉంది.

Q: నేను నల్గొండకు చెందిన స్థానిక అభ్యర్థిని. ప్రస్తుతం సంగారెడ్డి జిల్లాలో నివాసం ఉంటున్నాను. ఈ జిల్లా నుంచి ఈడబ్ల్యూఎస్ సర్టిఫికెట్ను పొందవచ్చా?

    Asked By: అమనగంటి

    Ans:

    మీరు శాశ్వత నివాస ఆధారాలు చూపించి సంగారెడ్డి జిల్లాలో ఈడబ్ల్యూఎస్‌ సర్టిఫికెట్‌ను పొందవచ్చు.

Q: నేను ఒకటి నుంచి నాలుగో తరగతి వరకు హైదరాబాద్లో, అయిదు నుంచి పదో తరగతి వరకు వరంగల్ జిల్లాలో చదివాను. ఏ జిల్లాలో స్థానికతను పొందుతాను?

    Asked By: తేజావత్ కుమార్

    Ans:

    మీరు హైదరాబాద్‌లో స్థానికతను పొందుతారు.

Q: గ్రూప్-2 నా లక్ష్యం. కానీ, గ్రూప్-4 నోటిఫికేషన్ విడుదలయ్యే అవకాశం ఉందంటున్నారు. ఇప్పుడు గ్రూప్-4 సిలబస్‌పై శ్రద్ధ పెట్టాలా లేదా గ్రూప్-2 కి ప్రిపేర్ కావాలో అర్థం కావడం లేదు? పరిష్కార మార్గం చూపించండి.

    Asked By: సోమా

    Ans:

    గ్రూప్‌-2 ప్రిపరేషన్‌ గ్రూప్‌-4కి కూడా సరిపోతుంది. అయితే గ్రూప్‌-4కి అదనంగా సెక్రటేరియల్‌ ఎబిలిటీస్‌ను చదవాలి. మీరు కంగారుపడకుండా రెండింటికీ ఏకకాలంలో ప్రిపరేషన్‌ను కొనసాగించండి.

Q: 2017లో ఒక భూమి విషయంలో నాపై ఐపీసీ 306, 447 కింద ఎఫ్‌ఐఆర్ నమోదైంది. తర్వాత లోక్ అదాలత్‌లో ఆ కేసును కొట్టివేశారు. గ్రూప్-1 దరఖాస్తులో పొరపాటున కేసు విషయంలో నేను దోషిని అని నింపాను. దీనివల్ల గ్రూప్-1 ఉద్యోగ సాధనకు ఏదైనా అవరోధం ఏర్పడుతుందా?

    Asked By: రతన్

    Ans:

    ఎలాంటి అవరోధం ఉండదు. సర్టిఫికెట్‌ వెరిఫికేషన్‌ సమయంలో లోక్‌ అదాలత్‌ ఇచ్చిన తీర్పు కాపీని సమర్పించాల్సి ఉంటుంది.

Q: నేను ఒకటి నుంచి అయిదో తరగతి వరకు గద్వాల్‌లో; ఆరు నుంచి పదో తరగతి వరకు నాగర్‌కర్నూల్‌లో చదివాను. టీఎస్‌పీఎస్సీ, ఇతర ప్రభుత్వ ఉద్యోగాలకు సంబంధించి ఏ జిల్లాలో స్థానికత పొందుతాను?

    Asked By: రాజేష్

    Ans:

    మీరు గద్వాల్‌ జిల్లా స్థానికతను పొందుతారు.

Q: నేను ప్రభుత్వ ఉద్యోగాలకు ప్రిపేర్ అవుతున్నాను. ఇటీవల బస్సులో ప్రయాణిస్తున్నప్పుడు ఒరిజినల్ సర్టిఫికెట్లు ఉన్న బ్యాగ్ దొంగతనానికి గురైంది. డూప్లికేట్స్ తీసుకున్నాను. అయితే ఆ సర్టిఫికెట్స్ అన్నింటిపై డూప్లికేట్ అని ప్రింట్ అయి ఉంది. ప్రభుత్వ ఉద్యోగాలు రాయడానికి నాకు అర్హత ఉంటుందా?

    Asked By: ఒక అభ్యర్థి

    Ans:

    సర్టిఫికెట్స్‌పై డూప్లికేట్‌ అని ఉన్నంత మాత్రాన ఎలాంటి సమస్యా ఉండదు. అయితే మీరు ఇచ్చిన ఫిర్యాదు, దానికి పోలీసు శాఖవారు ఇచ్చిన రిపోర్ట్‌ మీ దగ్గర ఉంచుకోవాలి. ప్రభుత్వ ఉద్యోగ పరీక్షలు రాయడానికి కచ్చితంగా అర్హత ఉంది. కంగారు పడకుండా బాగా ప్రిపేర్‌ అవ్వండి.

     

Q: ఒకటో తరగతి నుంచి అయిదో తరగతి వరకు హైదరాబాద్‌లో; ఆరో తరగతి ఆంధ్రప్రదేశ్‌లో; ఏడో తరగతి హైదరాబాద్‌లో చదివాను. టీఎస్‌పీఎస్సీ పరీక్షలు రాయడానికి స్థానికత వర్తిస్తుందా?

    Asked By: శివకృష్ణ

    Ans:

    ఆరో తరగతి ఆంధ్రప్రదేశ్‌లో చదివిన కారణంగా టీఎస్‌పీఎస్సీ పరీక్షలు రాయడానికి స్థానికత వర్తించదు. మీరు నాన్‌లోకల్‌ కిందకు వస్తారు.