Post your question

 

Q: నేను ఒకటి నుంచి ఆరో తరగతి వరకు మేడ్చల్‌లో, ఏడో తరగతి నుంచి పదో తరగతి రంగారెడ్డిలో, ఇంటర్, డిగ్రీ మేడ్చల్‌లో పూర్తిచేశాను. నేను ఏ జిల్లాలో స్థానికతను పొందుతాను?

    Asked By: శ్రవణ్

    Ans:

    మీ ప్రాథమిక విద్య అంతా మేడ్చల్‌లోనే ఎక్కువ కాలం సాగింది కాబట్టి, మీరు అక్కడి స్థానికతనే పొందుతారు.

Q: నేను గ్రూప్-1 కి ప్రిపేర్ అవుతున్నాను. రిజిస్ట్రేషన్‌లో పదోతరగతి హాల్ టికెట్ నంబర్‌లోని ఒక అంకె తప్పుగా నమోదు చేశాను. దీనివల్ల ఉద్యోగ సాధనలో ఏదైనా సమస్య ఉంటుందా?

    Asked By: ఒక అభ్యర్థి

    Ans:

    ఎలాంటి సమస్యా ఉండదు. ఏ సంకోచం లేకుండా గ్రూప్‌-1 ప్రిపరేషన్‌పై శ్రద్ధ పెట్టండి.

Q: గ్రూప్-4 పేపర్-1, పేపర్-2కి మధ్య కొద్ది రోజుల విరామం ఉంటుందా లేదా ఉదయం ఒక పేపర్, సాయంత్రం ఒక పేపర్ జరుగుతాయా?

    Asked By: రాజేష్

    Ans:

    గ్రూప్‌-4 పేపర్‌-1, పేపర్‌-2కి మధ్య కొంత విరామం ఉంటుంది. కానీ ఒకే రోజులో పూర్తవుతాయి.

Q: గ్రూప్-4, సబ్-ఇన్‌స్పెక్టర్ పోస్టులకు ఏకకాలంలో ప్రిపరేషన్‌ను ఎలా సాగించాలో తెలియజేయండి.

    Asked By: గుగ్గిళ్ల విజయ్

    Ans:

    రెండింటికీ చాలావరకు కామన్‌ సిలబస్‌ ఉంటుంది. సబ్‌-ఇన్‌స్పెక్టర్‌కు చదివితే పరోక్షంగా గ్రూప్‌-4కి కూడా సరిపోతుంది. తర్వాత కామన్‌గాలేని వాటిని నేర్చుకుంటే ఏకకాలంలో గ్రూప్‌-4, సబ్‌-ఇన్‌స్పెక్టర్‌ పోస్టులకు ప్రిపరేషన్‌ను సులభంగా పూర్తి చేయవచ్చు.

Q: నేను ఒకటో తరగతి నుంచి తొమ్మిదో తరగతి వరకు హైదరాబాద్‌లో చదివాను. ఆ తర్వాత ఆంధ్రప్రదేశ్‌లో ప్రైవేట్‌గా పదోతరగతి చేశాను. నాకు తెలంగాణ స్థానికత వర్తిస్తుందా?

    Asked By: సాంబ

    Ans:

    మీ ప్రాథమిక విద్యాభ్యాసమంతా తెలంగాణలోనే జరిగింది కాబట్టి ఇక్కడి స్థానికత కచ్చితంగా వర్తిస్తుంది.

Q: నేను డిగ్రీ పాసై గ్రూప్-2కి ప్రిపేర్ అవుతున్నాను. 2018లో నాపై ఐపీసీ 337 కింద యాక్సిడెంట్ కేసు నమోదైంది. తర్వాత లోక్ అదాలత్‌లో రాజీ కుదరడంతో కేసు కొట్టేశారు. ప్రభుత్వ ఉద్యోగాలకు దరఖాస్తు చేసుకోవడానికి అర్హత ఉందా? దరఖాస్తులో ఈ కేసుకు సంబంధించిన వివరాలను ఇవ్వాలా?

    Asked By: మహ్మద్

    Ans:

    శిక్షపడలేదు కాబట్టి ప్రభుత్వ ఉద్యోగాలకు దరఖాస్తు చేసుకోవడానికి ఎలాంటి ఇబ్బంది ఉండదు. అయితే దరఖాస్తులో వివరాలను తెలియజేయాల్సి ఉంటుంది.

Q: ఆచార్య నాగార్జున విశ్వవిద్యాలయం నుంచి ఓపెన్‌ డిగ్రీ పూర్తి చేశాను. తెలంగాణలో డిగ్రీ అర్హతతో వచ్చే నోటిఫికేషన్‌లకు దరఖాస్తు చేసుకోవచ్చా?

    Asked By: ఒక అభ్యర్థి

    Ans:

    మీరు నిస్సంకోచంగా తెలంగాణలో డిగ్రీ అర్హతతో వచ్చే నోటిఫికేషన్‌లకు దరఖాస్తు చేసుకోవచ్చు.

Q: ప్రభుత్వ ఉద్యోగాల్లో వైకల్యం ఉన్న అభ్యర్థుల ఎంపిక వైకల్య శాతాన్ని బట్టి జరుగుతుందా లేదా వారు సాధించిన మార్కుల ఆధారంగా ప్రాధాన్యం ఇస్తారా?

    Asked By: రమేశ్

    Ans:

    వైకల్యం ఎక్కువ శాతం ఉన్నవారికి ప్రాధాన్యం ఉంటుంది.

Q: నేను ప్రస్తుతం టీఎస్‌పీఎస్సీ గ్రూప్-1కి ప్రిపేర్ అవుతున్నాను. ఒకటో తరగతి నుంచి మూడో తరగతి స్టడీ సర్టిఫికెట్లు లేవు. వాటిని పొందడం ఎలా?

    Asked By: రాయుడు

    Ans:

    మీరు చదివిన పాఠశాలకు వెళ్లి ఒకటో తరగతి నుంచి మూడో తరగతి స్టడీ సర్టిఫికెట్లను తెచ్చుకోండి. ఒకవేళ ఆ స్కూల్‌ ఇప్పుడు లేకపోతే సంబంధిత కాలానికి ఎంఈఓ లేదా డీఈఓ కార్యాలయం నుంచి స్టడీ సర్టిఫికెట్‌లను తీసుకోండి.

Q: నేను సబ్ ఇన్‌స్పెక్టర్ పోస్టులకు దరఖాస్తు చేసుకున్నాను. సర్టిఫికెట్ వెరిఫికేషన్ సమయంలో కచ్చితంగా ఒరిజినల్ డిగ్రీ చూపించాలా లేదా ప్రొవిజినల్ డిగ్రీ సరిపోతుందా?

    Asked By: విజయ్ కుమార్ గుగ్గిల్ల

    Ans:

    సబ్‌ ఇన్‌స్పెక్టర్‌ సర్టిఫికెట్‌ వెరిఫికేషన్‌ సమయానికి సంబంధిత యూనివర్సిటీ నుంచి ఒరిజినల్‌ డిగ్రీ తెచ్చుకుంటే మంచిది. అప్పటివరకు రాకపోతే ప్రొవిజినల్‌ ఉన్నా సరిపోతుంది.