Post your question

 

Q: డిగ్రీలో బీఏ కంప్యూటర్‌ అప్లికేషన్స్‌ పూర్తి చేశాను. నాకు అటవీ శాఖలో ఫారెస్ట్‌ రేంజ్‌ ఆఫీసర్‌ పోస్టుకు అర్హత ఉంటుందా?  

    Asked By: Deshetty

    Ans:

    అటవీ శాఖలో ఫారెస్ట్‌ రేంజ్‌ ఆఫీసర్‌గా ఉద్యోగం సాధించాలంటే తప్పనిసరిగా ఏదైనా సైన్స్‌ గ్రూప్‌తో డిగ్రీ లేదా బీటెక్‌ పూర్తయినవారు అర్హులు. మీది సైన్స్‌ గ్రూప్‌ కిందకు రాదు. కాబట్టి మీరు అనర్హులు.

Q: ఒకటి  నుంచి ఏడో తరగతి వరకు ఒకే జిల్లాలో రెండు వేర్వేరు పాఠశాలల్లో చదువుకున్నాను. నా దగ్గర నాలుగో తరగతి నుంచి ఏడో తరగతి వరకు స్టడీ సర్టిఫికెట్‌ ఉంది. కానీ ఒకటి నుంచి మూడో తరగతికి సంబంధించి ఏ సర్టిఫికెట్‌ లేదు. గరిష్ఠంగా చదివిన కాలానికి చెందిన స్టడీ సర్టిఫికెట్‌ సరిపోతుందా? లేదా ఒకటి నుంచి మూడో తరగతికి సంబంధించింది కూడా అవసరమా?  

    Asked By: Raviteja

    Ans:

    ఒకటి నుంచి మూడో తరగతి వరకు చదివిన స్కూల్‌ ఇప్పటికీ ఉంటే అక్కడి నుంచి స్టడీ సర్టిఫికెట్‌ను పొందవచ్చు. లేదా ఓటీఆర్‌ కాలమ్‌ నింపేటప్పుడు చదివిన ఏడాది ప్రైవేట్‌ అని రాస్తే సరిపోతుంది.

Q: నేను తెలుగు మీడియంలో బీకామ్‌ గ్రాడ్యుయేషన్‌ పూర్తి చేశాను. త్వరలో గ్రూప్‌-1 నోటిఫికేషన్‌ విడుదల కానుంది. తక్కువ వ్యవధిలో ప్రిపరేషన్‌ను ఎలా ప్లాన్‌ చేసుకోవాలి, ఏ మెటీరియల్‌ చదవాలో తెలియజేయగలరు.  

    Asked By: Krishna

    Ans:

    గ్రూప్‌-1 వచ్చే వరకు వేచి చూడకుండా ఎంత త్వరగా ప్రిపరేషన్‌ మొదలు పెడితే అంత మంచిది. ప్రిలిమినరీ పరీక్షకు మౌలికాంశాలను క్షుణ్ణంగా చదివి బిట్లు ప్రాక్టీస్‌ చేస్తే సరిపోతుంది. మెయిన్స్‌ను డిస్క్రిప్టివ్‌ ప్రధానంగా నిర్వహిస్తారు. దీనికి సబ్జెక్టులను విశ్లేషణాత్మకంగా చదవాల్సి ఉంటుంది. రాసే నైపుణ్యం, భాషపై పట్టు అవసరం. ప్రిపరేషన్‌కు తెలుగు అకాడమీ పుస్తకాలను ప్రామాణికంగా తీసుకోవాలి. అలాగే ప్రతిరోజూ దినపత్రికను చదివి నోట్స్‌ ప్రిపేర్‌ చేసుకోవాలి.

Q: నేను నాలుగో తరగతి చదవకుండా జంప్‌ చేసి నేరుగా అయిదో తరగతి చదివాను. ఓటీఆర్‌ నింపేటప్పుడు అకడమిక్‌ ఇయర్స్‌ కాలమ్‌లో ఏమని పేర్కొనాలి?

    Asked By: ramesh

    Ans:

    మీరు అకడమిక్‌ ఇయర్స్‌ కాలమ్‌ నింపేటప్పుడు నాలుగో తరగతిలో డ్యాష్‌(-) పెట్టి వదిలేయండి. ఉదాహరణకు మీరు మూడో తరగతి 2012-13లో చదివి ఉంటే నాలుగో తరగతి డ్యాష్‌ పెట్టి అయిదో తరగతి కాలమ్‌లో 2013-14 అని నింపితే సరిపోతుంది. మీరు నేరుగా మూడో తరగతి నుంచి అయిదో తరగతిలోకి వెళ్లారని వారికి అర్థమైపోతుంది.  .

Q:  ఆరో తరగతి నుంచి పదో తరగతి వరకు ఉన్న స్కూల్‌ సర్టిఫికెట్లలో పుట్టిన సంవత్సరం 1996 అని ఉంది. అయిదో తరగతిలో 1995 అని ఉంది. ఒకటి నుంచి నాలుగు వరకు ప్రభుత్వ అనుమతి లేని పాఠశాలలో చదివాను. ప్రస్తుతం ఆ స్కూల్‌ను తీసేశారు. స్టడీ సర్టిఫికెట్‌ ఎలా తీసుకోవాలో తెలియజేయండి.   

    Asked By: Saikrishna

    Ans:

    ఒకటో తరగతి నుంచి అయిదో తరగతి వరకు సంబంధించి ఓటీఆర్‌లో తహశీల్దార్‌ సంతకం చేసిన రెసిడెన్షియల్‌ సర్టిఫికెట్‌ను సమర్పించండి. అందులో మీ పుట్టిన సంవత్సరం 1996 గా పేర్కొనండి. 

Q: నేను 1-5 వ తరగతి 5 సంవత్సరాలు కాకుండా 6 సంవత్సరాలు చదివినట్టుగా ఉంది 1 వ తరగతి 2 సార్లు చదివాను OTR లో 1 వ తరగతి అడ్మిషన్ అయిన సంవత్సరం నింపలా లేక రెండో సరి చదివి సంవత్సరం నింపాలా

    Asked By: Andy

    Ans:

    రెండోసారి చదివిన సంవత్సరాన్నే ఓటీఆర్‌లో అప్‌లోడ్‌ చేయండి. అకడమిక్‌ సంవత్సరాల కాలమ్‌ నింపేటప్పుడు ఇబ్బంది లేకుండా ఉంటుంది.

Q: నేను మహబూబాబాద్ జిల్లా వాసిని. ఒకటి నుంచి పదో తరగతి వరకు జనగాంలో చదివాను. ఈ రెండు ప్రాంతాలు వేర్వేరు జోన్‌లలో ఉన్నాయి. నివాసం లేదా చదువుకున్న స్థలం ఆధారంగా నేను ఏ జోన్ కిందకు వస్తానో తెలియజేయండి.

    Asked By: BHUKYA VIJAY KUMAR

    Ans:

    జనగాం జిల్లా ఏ జోన్‌ పరిధిలోకి వస్తే మీరు అదే జోన్‌ కిందకు వస్తారు.

Q: గ్రూప్‌ - 2 లో కొన్ని పోస్ట్‌లకు బీఏ అర్హత ఉంది. నేను బీఫార్మసీతో పాటు దూరవిద్యలో బీఏ చేశాను. టీఎస్‌పీఎస్సీ రిజిస్ట్రేషన్‌లో అర్హత దగ్గర బీఫార్మసీ అని పెట్టాను. బీఏ అర్హత ఉన్న పోస్టులకు ఎంపికైతే ఎలా? ఓటీఆర్‌ రిజిస్ట్రేషన్‌ ఇంకా అప్‌లోడ్‌ చేయలేదు. ఈ సమస్యకు పరిష్కారం తెలియజేయండి.     

    Asked By: srilaxmi

    Ans:

    గ్రూప్‌ - 2 పోస్టులకు ఏదైనా డిగ్రీ పట్టా ఉన్నవారు అర్హులు. మీరు చదివిన బీఫార్మసీ డిగ్రీ కిందకే వస్తుంది కాబట్టి అన్ని పోస్టులకు పోటీ పడొచ్చు.

Q: నా విద్యాభ్యాసమంతా బీసీ-బిలో కొనసాగింది. ఇప్పుడు బీసీ-ఇ కేటగిరీకి మారితే టీఎస్‌పీఎస్సీ మహిళా రిజర్వేషన్‌ కోటాలో లబ్ధి     ఏమైనా చేకూరుతుందా? లేదంటే ప్రస్తుత కేటగిరీలోనే కొనసాగాలా?

    Asked By: faheemunnisa

    Ans:

    మీరు బీసీ-బిలో కొనసాగినా, బీసీ-ఇ కి మారినా మహిళా రిజర్వేషన్‌ కోటా యథావిధిగా ఉంటుంది.

Q: నేను మొదటిసారిగా టీఎస్‌పీఎస్సీ గ్రూప్‌-2 పరీక్షకు సిద్ధమవుతున్నాను.  ప్రిపరేషన్‌కు ఉపయోగపడే పుస్తకాలను సూచించండి. సిలబస్‌ను అర్థం చేసుకోవడానికి ఏ మీడియం (ఇంగ్లిష్‌/ తెలుగు) బాగుంటుందో తెలియజేయండి. నేను పదో తరగతి వరకు తెలుగు మీడియం విద్యార్థిని

    Asked By: priyanka

    Ans:

    మీరు మొదటిసారిగా టీఎస్‌పీఎస్సీ గ్రూప్‌-2 పరీక్షకు సిద్ధమవుతున్నారు కాబట్టి, సిలబస్‌ ప్రకారం బేసిక్‌ కాన్సెప్ట్ప్‌ను పూర్తిగా అవగాహన చేసుకోండి. ఆ తర్వాత తెలుగు అకాడమీ పుస్తకాలు, దినపత్రిక (ఇంగ్లిష్‌/తెలుగు) రోజూ చదవండి. మీకు పట్టులేని సబ్జెక్టుల కోసం కోచింగ్‌కి చేరడం మంచిది లేదా ఆ సబ్జెక్టుపై అవగాహన ఉన్నవారి నుంచి సూచనలు తీసుకోండి.