Post your question

 

Q: గ్రూప్-4లో ఇంటర్ అర్హతతో ఏమైనా ఉద్యోగాలు ఉంటాయా? ఇంటర్ అర్హతతో రాసుకునే ప్రభుత్వ ఉద్యోగాల గురించి తెలియజేయండి. \

    Asked By: యశ్వంత్

    Ans:

    గ్రూప్‌-4లో చాలా వరకు ఉద్యోగాలు ఇంటర్‌ అర్హతతోనే ఉంటాయి. స్టాఫ్‌ సెలక్షన్‌ కమిషన్‌ ఏటా విడుదల చేసే కొన్ని నోటిఫికేషన్లకు ఇంటర్‌ సరిపోతుంది. ఇంటర్మీడియట్‌ తర్వాత పలు రకాల ఉద్యోగ అవకాశాల వివరాల కోసంఈ లింక్‌ను క్లిక్‌ చేసి చూడండి

    https://pratibha.eenadu.net/notifications/latestnotifications/government-jobs/2-8-27

Q: టెన్త్, ఇంటర్ మెమోలో నా పేరు ల్టీ. కమల్ అని; డిగ్రీ, పీజీ మెమోలో మహమ్మద్ కమల్ అని ఉంది. ప్రస్తుతం టీఎస్‌పీఎస్సీ ఉద్యోగాలకు ప్రిపేర్ అవుతున్నాను. దీని వల్ల ఉద్యోగ విషయంలో ఏమైనా సమస్య వస్తుందా?

    Asked By: కమల్

    Ans:

    మీ పేరులో చిన్న మార్పు ఉన్నంత మాత్రాన ఉద్యోగ  విషయంలో ఏ సమస్యా ఉండదు. నిస్సంకోచంగా పరీక్షలకు ప్రిపేర్‌ అవ్వండి.

Q: నేను ప్రస్తుతం స్కూల్ అసిస్టెంట్ (ఇంగ్లిష్) (లోకల్ బాడీ మేనేజ్‌మెంట్)గా పని చేస్తున్నాను. జూనియర్ లెక్చరర్ రిక్రూట్‌మెంట్ పరీక్షకు హాజరు కావాలనుకుంటున్నాను. ఎంపికైతే పే ప్రొటెక్షన్ ఉంటుందా?

    Asked By: ఎ. రమేష్

    Ans:

    ఇంతకుముందు పే ప్రొటెక్షన్‌ను కల్పించేవారు. అయితే ప్రస్తుతం పే ప్రొటెక్షన్‌ ఇవ్వడం, ఇవ్వకపోవడం అనేది ప్రభుత్వ విధానాలపై ఆధారపడి ఉంటుంది.

Q: నేను ఫిజికల్లీ హ్యండీక్యాప్డ్. గ్రూప్-1 దరఖాస్తులో పొరపాటున వ్ని అని పడింది. ఎడిట్ చేయడం ఎలా?

    Asked By: అనిల్ కుమార్

    Ans:

    గ్రూప్‌-1 దరఖాస్తులో పొరబాటున వ్ని అని పడినా చేసేది ఏమీ ఉండదు. గడువు తేదీ ముగియడంతో ఎడిట్‌ చేసుకునే అవకాశం ఆగిపోయింది. భవిష్యత్తులో సర్వీస్‌ కమిషన్‌ తప్పులు సరిదిద్దుకునే అవకాశం ఇస్తే చేసుకోవచ్చు.

Q: నేను జాగ్రఫీ ప్రధాన సబ్జెక్టుగా డిగ్రీ పూర్తి చేశాను. ఫారెస్ట్ రేంజ్ ఆఫీసర్ (ఎఫ్‌ఆర్ఓ) పరీక్ష రాయడానికి అర్హత ఉందా?

    Asked By: ఒక అభ్యర్థి

    Ans:

    మీకు ఫారెస్ట్‌ రేంజ్‌ ఆఫీసర్‌ (ఎఫ్‌ఆర్‌ఓ) పరీక్ష రాయడానికి అర్హత ఉంటుంది.

Q: నేను హియరింగ్ హ్యాండిక్యాప్డ్. ఎంత శాతం వైకల్యం ఉంటే గ్రూప్-1 హెచ్‌హెచ్ కేటగిరీ పోస్టులకు అర్హత ఉంటుంది?

    Asked By: కంభంపాటి వెంకటేష్ శారదా దేవీ

    Ans:

    40 శాతం లేదా అంతకు మించి వైకల్యం ఉంటే గ్రూప్‌-1 హెచ్‌హెచ్‌ కేటగిరీ పోస్టులకు అర్హత ఉంటుంది.

Q: నేను 2018 నుంచి స్టేట్ సర్వీస్‌లో ఉద్యోగం చేస్తున్నాను. ఒకవేళ వేరే డిపార్ట్‌మెంట్‌లో ఉద్యోగం వస్తే పే ప్రొటెక్షన్, సర్వీస్ ప్రొటెక్షన్ ఉంటుందా?

    Asked By: ఒక అభ్యర్థి

    Ans:

    స్టేట్‌ సర్వీస్‌లో ఉద్యోగం చేస్తున్నవారికి ఒకవేళ వేరే డిపార్ట్‌మెంట్‌లో ఉద్యోగం వస్తే పే ప్రొటెక్షన్, సర్వీస్‌ ప్రొటెక్షన్‌ అనేది సంబంధిత డిపార్ట్‌మెంట్‌ని బట్టి ఉంటుంది.

Q: నేను ఎస్ఐ, పోలీస్ కానిస్టేబుల్ పోస్టుల దరఖాస్తుల్లో ఇంటిపేరులో ఒక అక్షరం తప్పుగా రాశాను. ఏదైనా సమస్య అవుతుందా? ఎడిట్ చేసుకునే అవకాశం కల్పిస్తారా?

    Asked By: వేణువంక రాజశేఖర్

    Ans:

    ఎటువంటి సమస్యా ఉండదు. మీరు ఆందోళన చెందాల్సిన అవసరం లేదు. ప్రస్తుతం ఎస్‌ఐ, పోలీస్‌ కానిస్టేబుల్‌ పోస్టుల దరఖాస్తుకు గడువు తేదీ ముగిసింది కాబట్టి ఎడిట్‌ చేసుకునే అవకాశం లేదు.

Q: నేను రెండో తరగతి నుంచి నాలుగో తరగతి వరకు జనగామలో; అయిదో తరగతి నుంచి పదో తరగతి వరకు ములుగులో చదివాను. ఒకవేళ గ్రూప్-1 పోస్టుకు ఎంపికైతే నాకు ఏ జిల్లాలో పోస్టింగ్ వస్తుంది?

    Asked By: కవిత

    Ans:

    గ్రూప్‌-1 పోస్టులు మల్టీజోనల్‌ కిందకు వస్తాయి. ఉద్యోగ శిక్షణ పూర్తయిన తర్వాత అవి రాష్ట్ర స్థాయి పోస్టులుగా మారతాయి. కాబట్టి మిమ్మల్ని రాష్ట్రంలో ఎక్కడైనా నియమించేందుకు అవకాశం ఉంది.

Q: ఒకటి, రెండు తరగతుల బోనఫైడ్ సర్టిఫికెట్‌లు లేవు. ప్రస్తుతం ఆ స్కూల్ కూడా నడవడం లేదు. తెలంగాణ పబ్లిక్ సర్వీస్ కమిషన్ దరఖాస్తులో ప్రైవేట్ అని నింపాలా? వెరిఫికేషన్ సమయంలో బోనఫైడ్‌లకు బదులుగా ఏ సర్టిఫికెట్స్‌ను చూపించాలో తెలియజేయగలరు?

    Asked By: విష్ణువర్ధన్

    Ans:

    బోనఫైడ్‌ సర్టిఫికెట్లు లేకపోయినా ఆందోళన చెందాల్సిన అవసరం లేదు. ఒకటి, రెండు తరగతులకు సంబంధించి ఓటీఆర్‌లో ప్రైవేట్‌ అని నింపండి. దీంతోపాటు ఆ సంవత్సరాలకు సంబంధించి తహసీల్దార్‌ సంతకం చేసిన రెసిడెన్స్‌ సర్టిఫికెట్‌ను సిద్ధం చేసుకోండి. వెరిఫికేషన్‌ సమయంలో బోనఫైడ్‌కు బదులు రెసిడెన్స్‌ సర్టిఫికెట్‌ను చూపించాలి.