Post your question

 

Q: నేను 7వ తరగతి వరకు చదివిన స్కూల్ రంగారెడ్డి జిల్లాలో ఉండేది. ప్రస్తుతం సంగారెడ్డికి మారింది. నేను ఇప్పుడు ఏ ప్రాంతంలో స్థానికతను పొందుతాను?

    Asked By: ముదిరాజ్

    Ans:

    ప్రస్తుతం అమలులో ఉన్న నిబంధనల మేరకు మీరు రంగారెడ్డి జిల్లాలో స్థానికతను పొందుతారు.

Q: నేను 2020లో డిగ్రీ పూర్తిచేశాను. కానీ ఒరిజినల్ డిగ్రీ సర్టిఫికెట్ తీసుకోలేదు. ఈ కారణంగా ఎస్ఐ ఉద్యోగానికి చేసుకున్న దరఖాస్తును ఏమైనా తిరస్కరిస్తారా?

    Asked By: విజయ్ కుమార్

    Ans:

    ప్రస్తుతం ఎటువంటి సమస్యా లేదు. మీ దరఖాస్తును తిరస్కరించరు. అయితే సర్టిఫికెట్‌ వెరిఫికేషన్‌ సమయానికి ఒరిజినల్‌ డిగ్రీ సర్టిఫికెట్‌ కచ్చితంగా మీ దగ్గర ఉండాలి. 

Q: నేను నాలుగో తరగతి వరకు చదివిన స్కూల్‌కు గుర్తింపు లేదు. టీఎస్‌పీఎస్సీ పరీక్షలకు దరఖాస్తు చేసేటప్పుడు స్థానికత కోసం ఏం చేయాలి?

    Asked By: ఒక అభ్యర్థి

    Ans:

    ముందుగా ఓటీఆర్‌లో నాలుగో తరగతి వరకు ప్రైవేట్‌ అని నింపాలి. తర్వాత  స్థానికత కోసం సంబంధిత ప్రాంత తహసీల్దార్‌ నుంచి రెసిడెంట్‌   సర్టిఫికెట్‌ తీసుకుని అవసరమైన సందర్భంలో సమర్పించాల్సి ఉంటుంది. 

Q: ఎస్ఐ పోస్టులకు డిగ్రీ చివరి సంవత్సరం చదువుతున్నవారు దరఖాస్తు చేసుకోవచ్చన్నారు. అయితే నా ఫైనల్ ఇయర్ పరీక్షలు జులైలో ముగుస్తాయి. నాకు పరీక్ష రాయడానికి అర్హత ఉందా?

    Asked By: అనుముల

    Ans:

    మీకు అర్హత లేదు. ఎందుకంటే జులై ఒకటి నాటికి మీ వద్ద డిగ్రీపాసైన సర్టిఫికెట్‌ ఉండాలి. ప్రస్తుత నోటిఫికేషన్‌ దరఖాస్తు తేదీలు కూడా ముగిశాయి.

Q: నేను రెండు, మూడు తరగతులు సూర్యాపేట జిల్లాలో; నాలుగు నుంచి ఏడో తరగతి వరకు రంగారెడ్డి జిల్లాలో చదివాను. అయిదో తరగతి రెండు సార్లు చదివాను. ఎనిమిదో తరగతి చదవకుండా నేరుగా తొమ్మిది, పదో తరగతి సూర్యాపేట జిల్లాలో చదివాను. దీనివల్ల ప్రభుత్వ ఉద్యోగ విషయంలో ఏమైనా సమస్య ఉందా? నేను ఏ జిల్లాలో స్థానికతను పొందుతాను?

    Asked By: సందీప్

    Ans:

    ప్రభుత్వ ఉద్యోగ విషయంలో ఎటువంటి సమస్యా ఉండదు. మీరు రంగారెడ్డి జిల్లాలో స్థానికతను పొందుతారు.

Q: టీఎస్‌పీఎస్సీ టైపిస్ట్ పోస్టులకు లోయర్ ఇంగ్లిష్ (30 జూశిలీ) సర్టిఫికెట్ సరిపోతుందా?

    Asked By: జీవన్

    Ans:

    టీఎస్‌పీఎస్సీ టైపిస్ట్‌ పోస్టులకు లోయర్‌ ఇంగ్లిష్‌ (30 జూశిలీ) సర్టిఫికెట్‌ సరిపోతుంది.

Q: నేను ఒకటి నుంచి రెండో తరగతి వరకు కరీంనగర్ జిల్లాలో; నాలుగు, అయిదు తరగతులు పెద్దపల్లిలో; ఆరో తరగతి కరీంనగర్‌లో; ఏడో తరగతి సిద్దిపేట జిల్లాలో చదివాను. నేను ఏ జిల్లాలో స్థానికత పొందుతాను?

    Asked By: సురేష్

    Ans:

    మీరు సిద్దిపేటలో స్థానికతను పొందుతారు.

Q: నేను 2009 నుంచి స్టేట్ సర్వీస్‌లో ఉద్యోగం చేస్తున్నాను. 1980 ఆగస్టు 13న జన్మించాను. డీఎస్‌పీ పోస్టుకు అర్హత ఉంటుందా?

    Asked By: అని

    Ans:

    మీరు ఏదైనా రిజర్వేషన్‌ను కలిగి ఉండి, రాష్ట్ర ప్రభుత్వ సర్వీస్‌లోనూ ఏజ్‌ రిలాక్సేషన్‌ కలిగి ఉంటే డీఎస్‌పీ పోస్టుకు అర్హత ఉంటుంది.

Q: టీఎస్‌పీఎస్సీ పరీక్షల్లో ఎకానమీ, పాలిటీ విభాగాలకు కోచింగ్ లేకుండా ప్రిపేర్ కావచ్చా?

    Asked By: రసగ్నా

    Ans:

    మీకు సబ్జెక్టుపై అవగాహన, ఆసక్తి ఉంటే సొంతంగా ప్రిపేర్‌ కావచ్చు. ప్రామాణిక పుస్తకాలను  చదవాలి. ఆన్‌లైన్‌ తరగతులనూ ఉపయోగించుకోవచ్చు.

Q: ఇటీవల నా కాలు ఫ్రాక్చర్ అయ్యింది. పోలీస్ ఉద్యోగానికి అర్హత సాధించగలనా?

    Asked By: prasanth

    Ans:

    మీరు నిరుత్సాహ పడకుండా ఫిజికల్‌ టెస్ట్‌ సమయానికి వైద్యుల సూచనల మేరకు సిద్ధం కావచ్చు. ఒకవేళ వైకల్యం ఎక్కువగా ఉంటే మాత్రం పోలీస్‌ ఉద్యోగానికి అర్హత ఉండదు.