Post your question

 

Q: గ్రూప్-4 పరీక్షకు ఏయే పుస్తకాలు చదవాలి? - సత్యకుమార్

    Asked By: సత్యకుమార్

    Ans:

    ఇంటర్‌స్థాయిలోని చరిత్ర, అర్థశాస్త్రం, భూగోళశాస్త్రం, రాజనీతిశాస్త్రం (సివిక్స్‌), బోటనీ, జువాలజీ, ఫిజిక్స్, కెమిస్ట్రీ పుస్తకాలను చదవాలి. వీటితోపాటు కరెంట్‌ అఫైర్స్‌ కోసం ఏదైనా ప్రామాణిక జాతీయ, ప్రాంతీయ వార్తా పత్రికలను చదివి నోట్స్‌ ప్రిపేర్‌ చేసుకోవాలి. పేపర్‌-2 (సెక్రటేరియల్‌ ఎబిలిటీస్‌)కి సంబంధించి సిలబస్‌లోని అంశాల ప్రకారం వీలైనన్ని నమూనా ప్రశ్నపత్రాలను సాధన చేయాలి.

Q: ఒకటో తరగతి నుంచి మూడో తరగతి వరకు నాగర్‌కర్నూల్ జిల్లా, నాలుగో తరగతి నుంచి పదో తరగతి వరకు ప్రస్తుత మేడ్చల్ లో చదివాను. నేను ఏ జిల్లాలో స్థానికత పొందుతాను?

    Asked By: శివ

    Ans:

    మీరు మేడ్చల్‌-మల్కాజిగిరి జిల్లాలో స్థానికతను పొందుతారు.

Q: టీఎస్‌పీఎస్సీ మెయిన్స్ పరీక్ష ఒకే రోజులో పూర్తవుతుందా లేదా ఇన్ని రోజులు అని ఏమైనా ఉంటుందా

    Asked By: సమీర

    Ans:

    టీఎస్‌పీఎస్సీ మెయిన్స్‌ పరీక్ష ఒకే రోజులో పూర్తి కాదు. కమిషన్‌ ప్రకటించే టైమ్‌టేబుల్‌ని అనుసరించి పరీక్షలు నిర్వహిస్తారు.

Q: సాధారణంగా పోటీ పరీక్షల్లో ఎకానమీ, పాలిటీ, జాగ్రఫీ, చరిత్ర నాలుగు ముఖ్యమైన సబ్జెక్టులుగా ఉంటాయి. కొత్తగా ప్రిపరేషన్ మొదలుపెట్టిన అభ్యర్థి వీటిని ఏ ప్రాధాన్య క్రమంలో చదివితే ఉపయుక్తంగా ఉంటుంది?

    Asked By: జార్జి బాల జేవై

    Ans:

    మీ ఆసక్తిని బట్టి ముందుగా ఏ సబ్జెక్టు అయినా చదవచ్చు. అంశాలను అర్థం చేసుకుని ప్రిపేర్‌ అవడమే ముఖ్యం.

Q: ఒకటో తరగతి నుంచి మూడో తరగతి వరకు సూర్యాపేట జిల్లాలో చదివాను. నాలుగో తరగతి చదవకుండా అయిదో తరగతి నుంచి ఏడో తరగతి వరకు నల్గొండ జిల్లాలో చదువుకున్నాను. నేను ఏ జిల్లాలో స్థానికత పొందుతాను?

    Asked By: రమేష్

    Ans:

    మీరు నల్గొండ జిల్లాలో స్థానికత పొందుతారు.

Q: గ్రూప్-1 మెయిన్స్‌కు ఎలా ప్రిపేర్ అవ్వాలి? కోచింగ్ అవసరం ఉంటుందా?

    Asked By: సంజీవ్

    Ans:

    గ్రూప్‌-1 ప్రిలిమ్స్‌ ప్రిపరేషన్‌ ప్రారంభించినప్పుడే మెయిన్స్‌కు కూడా సన్నద్ధత మొదలుపెట్టాలి. తెలుగు అకాడమీ పుస్తకాలను ప్రామాణికంగా చేసుకుని నోట్స్‌ ప్రిపేర్‌ చేసుకోవాలి. ముందుగా క్లిష్టమైన సబ్జెక్టులను బాగా అర్థం చేసుకుని చదవాలి. తయారు చేసుకున్న నోట్స్‌ను ఎక్కువసార్లు రివిజన్‌ చేయాలి. అవగాహన కోసం పాత ప్రశ్నపత్రాలను పరిశీలించాలి. సబ్జెక్టులన్నిటిపై పట్టు ఉందనుకుంటే కోచింగ్‌ అవసరం ఉండదు.

Q: ఒకటో తరగతి నుంచి అయిదో తరగతి వరకు స్వస్థలమైన జోగులాంబ గద్వాలలో; అయిదో తరగతి నుంచి పదో తరగతి వరకు వనపర్తిలో చదివాను. అయితే అయిదో తరగతి రెండు సార్లు చదివినట్లయ్యింది. ఈ తరగతికి సంబంధించిన బోనఫైడ్‌ను వనపర్తి నుంచే తీసుకున్నాను. ఉద్యోగం, స్థానికత విషయంలో ఏదైనా సమస్య వస్తుందా?

    Asked By: వీరేశ్

    Ans:

    ఉద్యోగం, స్థానికత విషయంలో ఎలాంటి సమస్య ఉండదు. గద్వాల జిల్లాలో ఎక్కువ కాలం చదివారు కాబట్టి మీరు ఆ ప్రాంతంలో స్థానికతను పొందుతారు.

Q: తెలంగాణ పోలీస్ ఉద్యోగాలకు దరఖాస్తు చేశాను. నాకు ఎత్తు విషయంలో సందేహాలు ఉన్నాయి. శారీరక కొలతల వివరాలను తెలిపే ప్రామాణిక కేంద్రాలు ఏవైనా ఉంటాయా?

    Asked By: ఒక అభ్యర్థి

    Ans:

    తెలంగాణ పోలీస్‌ ఉద్యోగాలకు దరఖాస్తు చేసుకోవడానికి కనీసఎత్తు సాధారణ కేటగిరీలో పురుషులకు 167.6 సెం.మీ., మహిళలకు 152.5 సెం.మీ. శారీరక కొలతల వివరాలను తెలిపే ప్రామాణిక కేంద్రాలు ఏవీ ప్రత్యేకంగా ఉండవు.

Q: ప్రస్తుతం ప్రభుత్వ ఉపాధ్యాయుడిగా పని చేస్తూ, గ్రూప్-1కి ప్రిపేర్ అవుతున్నాను. నేను క్రీమీలేయర్ పరిధిలోకి వస్తానా లేదా నాన్ క్రీమీలేయర్ కిందకి వస్తానా?

    Asked By: వీరశేఖర్

    Ans:

    కుటుంబ ఆదాయం సంవత్సరానికి రూ.8 లక్షలు లేదా అంతకు మించితే క్రీమీలేయర్‌ పరిధిలోకి వస్తారు. లేదంటే నాన్‌ క్రీమీలేయర్‌ అవుతారు. క్రీమీలేయర్‌ కిందికి వచ్చే వారికి రిజర్వేషన్‌ వర్తించదు. 

Q: ఒకటో తరగతి నుంచి నాలుగో తరగతి వరకు నల్గొండలోని ఒక ప్రైవేట్ స్కూల్‌లో చదివాను. వీటికి సంబంధించిన బోనఫైడ్ సర్టిఫికెట్లు లేవు. ప్రస్తుతం ఆ స్కూల్ కూడా లేదు. అయిదో తరగతి నుంచి పదో తరగతి వరకు రంగారెడ్డి జిల్లాలో చదివాను. నేను ఏ జిల్లాలో స్థానికతను పొందుతాను

    Asked By: కాళి

    Ans:

    ఓటీఆర్‌లో ఒకటో తరగతి నుంచి నాలుగో తరగతి వివరాలను ప్రైవేట్‌ అని నింపి, సంబంధిత ప్రాంతం తహసీల్దార్‌ నుంచి రెసిడెన్షియల్‌ సర్టిఫికెట్‌ తీసుకోండి. మీరు నల్గొండ జిల్లాలో స్థానికతను పొందుతారు.